السلام عليكم ورحمة الله وبركاته

انتظرت كثير لين مليت انتظر ابو جراح يحط صور عزبته ولكن يمكن ما وده يجرح بعض الناس همين يملون من عزبهم ويرمونهن بالشارع او بالمحرقة انا امون على ابو جراح ولذا حطيت صور عزبته الشهيرة

على فكرة ترا ابوجراح يحب يحمس قهوته ويدقه بالنجر وعلى طول بالدله
http://www.mekshat.com/pix/upload/images18/mk2673_02.jpg


http://www.mekshat.com/pix/upload/images18/mk2673_03.jpg


http://www.mekshat.com/pix/upload/images18/mk2673_04.jpg


http://www.mekshat.com/pix/upload/images18/mk2673_05.jpg



http://www.mekshat.com/pix/upload/images18/mk2673_06.jpg


http://www.mekshat.com/pix/upload/images18/mk2673_07.jpg



وان اردتم المزيد فلدينا المفيد

انا متأكد بان بعضكم يا اهل العزب وما راح نذكر اسماء لانهم يعرفون انفسهم ما يعرفون بعض الاشياء اللي في الصور وهذي يبيله دورة كاملة لكم لانكم ما عمركم شفتوهن بأسواق كل شي بريالين

هههههههههههههههههههههههههههههههههههههه
ههههههههههههههههههههههههههه
ههههههههههههه

وشدعوا يابو فراس نبي نروح نحارب حنا :eek: مابقي الامضاد الطائرات وتصير كامله مكمله
تسمع بالعزبه انت (مع احترامي الشديد لوجهة نظرك)
هذي يبيله سيارة ثانيه تشيل هالعزبه واذا اقول اذا حصلت سياره تشيله ماهوب ضارك تزود عدد3 كفرات اسبير لانها تبي تبنشر كل 10 كيلو من الحمل :D

انا عندي انسى بعض الاغراض ولا اشيل كل هالعفش


تظل وجهة نظر لا تزعل مني ياعمدتنا
ولك ولابو جراح فائق الاحترام والتقدير
واختلاف وجهات النظر لايفسد للود اي قضيه
والسلام

ايه هين يابو صقر تكلموا يالبطانه وباقي الثالث الله يجيبه او انه حيث ما يعرف للانترنت ما يقدر يقول شي

انتهينا من الجارمن وجيت انت يابو صقر ولكن اللي ببطنه ريح مايستريح

بعض عزبتكم على قل فايدته حطيتوهن معي وانتم معكم ونيت ما شالهن

اما هالعزبة المتكاملة فقد وسعها هالجيب الشراع لانها عزبة جيدة مهب مثل عزبة بعض الناس كل شي سلف او استعمال مرة وحدة بس

ايه حامض ياعنب

تبي الصراحه ابوفراس مهيب عزبه ذي لوحطيت مسابقه وقلت اللي يعرف وش ذا علي طول الجواب ناس شادين من بيتهم 00000
وتقبل تحياتي راي شخصي000:d

ايه هذي العزب اللي عليها العمله ... والمشكلة وش يبي يشيلها :confused:
عموما الموضوع يستاهل انه يفتح له موضوع خاص ليستفاد من الافكار والادوات التي توجد فيها

صدقت ياولد نجد

فعلا يحتاج لها ملف خاص

وخاص جدا بعد

ماشاء الله أخوي أبوفراس وش هاالعزبة حتى عفش الاولين موجود

زهدت بعزبتي ويمكن اعرضها في مزاد

مرة ثانية مشكور وليتك رتبتهتا وذكرت المحتويات والاستعمالات

والله صور تشرح النفس اخوي ابوفراس واظن فيه اشياء ناقصه مثل الملف واللابتوب والكاميرا ومثل ماقلت (ولدينا المزيد)

السلام عليكم ورحمة الله وبركاته

على فكرة ترا ابوجراح يحب يحمس قهوته ويدقه بالنجر وعلى طول بالدله



هذي صورة للفاضل ابوجراح وهو يحمس قهوته بعد مادقها بالنجر



http://www.alrahalat.com/vb/uploaded/23_1176817706.jpg

والله ماشاء الله عليك يابو فراس

بس من شكل العزبه انك وسيع صدر حيل

تسلم اخوي

اخوي زووم

لا ادعي الفضل بهذه العزبة

فهذه العزبة تعود لاستاذنا وحبيبنا وحبيب الكل خشم الحصان

فكما ترا كل شيئ فيها اصلي ومتين وقوي يعني لك وللزمن

بسم الله الرحمن الرحيم

أبو فراس الظاهر إنك نسيت القلص أو الموتر الثاني ... ههههه

أما إذا كان يشيلهن هالموتر بلحاله ... يالله تنقله سطحه توديه للبر وتجيبة ...

وأتوقع إذا بغى يفتح الباب معه عصا طويل بالحيل ... يفتح الباب من بعيد لأنها إحتمال تنفجر من الزحمه ...

وبعدين هالصور قديمة بالحيل ... لها حوالي 4 سنوات ... ومع الوقت العزب تغير ... عطنا الجديد ...

يالله يالعمدة عطنا صور لعزبتك ... اللي إشتهرت عند أهل البر كلهم ... على المقوله المشهوره (( والله لو إنها عزبة أبو فراس ))

وبعدين ورى الثنائي المرح ماردّو إلى هالحين

مشكور يالعمدة

,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

السلام عليكم ورحمه الله وبركاته

ماشاء الله على هالعزبه تبارك الرحمن ويستاهل أبوجراح .........

سؤال بريء جدا : :confused:

أ - كم الوقت المستغرق لتحميل العزبه ؟

ب - وهل يبقى مكان لأي طارىء ؟

وشكرا مقدما على الاجابه

بسم الله الرحمن الرحيم


أبو فراس الظاهر إنك نسيت القلص أو الموتر الثاني ... ههههه

أما إذا كان يشيلهن هالموتر بلحاله ... يالله تنقله سطحه توديه للبر وتجيبة ...

وأتوقع إذا بغى يفتح الباب معه عصا طويل بالحيل ... يفتح الباب من بعيد لأنها إحتمال تنفجر من الزحمه ...

وبعدين هالصور قديمة بالحيل ... لها حوالي 4 سنوات ... ومع الوقت العزب تغير ... عطنا الجديد ...

يالله يالعمدة عطنا صور لعزبتك ... اللي إشتهرت عند أهل البر كلهم ... على المقوله المشهوره (( والله لو إنها عزبة أبو فراس ))

وبعدين ورى الثنائي المرح ماردّو إلى هالحين

مشكور يالعمدة


,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

هلا ومرحبا

أرجوك أخي الفاضل لاتتعرض عزبة العمده وجوده بالطلعه خير وبركه ................:cool: ;) :D

الغالي
الحقيقة ان ابو محمد مرجع من المراجع
في كل شي خبير مفوه حكيم
والعزبة له اهلها

وكله كوم وهالموتر كوم
http://www.alrahalat.com/vb/uploaded/17_1179151742.jpg

لاعدمناك

الاخ العزيز ابو فراس
بهذه الصور اكدت كلامي الاول بان بعض العزب ممتازة فقط اعلامياً ( صور وفلاشات )اما عمليأ ؟؟؟؟؟؟؟؟؟؟؟؟؟
ما زلت اقول واكرر ان العزبة المثالية هي التي تظهر عند الشدائد(عملياً) وطبعها التجديد في كل طلعة مع الاحتفاظ بالركائز الاساسية لاحتياجات الطلعة وعند شايب الصمان الخبر الاكيد
كذلك اخونا ابو شعلان ذكر شي مهم ان هذه العزبة لها 4 سنوات
وكما ذكرت سابقا ان بعض العزب محلك سر لا تجديد ولا تطوير
العلم يتقدم وبعض العزب لا جديد
وبعدين تصدق ان اول ما شفت الصور قلت اكيد هذي صور ورشة بالصناعية

شهادتي مجروحة فيك وفي أبو جراح
لكن بيض الله وجهك ووجهه

أخوك أبو عبدالله

الله يعينك على ترتيبها
وحملها وشيلها
ياليتك تعرضها واحد واحد وتوضح فائدة كل قطعه
عشان نستفيد

يابو جراح

الناس طالبينك بشرح عن كل قطعة اذا كان عندك وقت فلا تتأخر عليهم

ولا تحرم اخوانك اهل العزب التايوانية من الاستفادة عساهم يقتنعون

ماشاء الله تبارك الله ..
عدة متكاملة ..
أجل لو السيارة اكبر وش يصير ؟

ما شاء الله على عزبة أبو جراح ومشكور يا ابو فراس على نشرها ...........علشان يتعلمون أهل عزب محلات أبو ريالين السفري وشي العزب الصاحيه ....... مهوب عزبهم اللي تكشت فيها مره وحده وبعدين تستحي تعطيها الرعيان:p

محتاجين شرح عملي من أبو جراح علشان يستفيدون

تحياتي

صحيح العزبه اغراضها واجد كما قال الاخوان ،،، بس تريحك في البر لانها متكامله

اطالب اخوي خشم الحصان بشرح كل مايهم الكشاته وخاصة شنطة الاسعافات الاولية

والله يعطيكم العافيه

الاخ الحبيب
ابو فراس
الاخوه الغالين
السلام عليكم
اخي ابو فراس انت تمون (علي قولت سعد لخوه حسينوه) في مسلسل درب الزلق
لكن يابعدهم اود منك ان تتامل ماسطرته يدهم الكريمه
وهم
القارمن
(الاخ العزيز ابو فراس
بهذه الصور اكدت كلامي الاول بان بعض العزب ممتازة فقط اعلامياً ( صور وفلاشات )اما عمليأ ؟؟؟؟؟؟؟؟؟؟؟؟؟
ما زلت اقول واكرر ان العزبة المثالية هي التي تظهر عند الشدائد(عملياً) وطبعها التجديد في كل طلعة مع الاحتفاظ بالركائز الاساسية لاحتياجات الطلعة وعند شايب الصمان الخبر الاكيد
كذلك اخونا ابو شعلان ذكر شي مهم ان هذه العزبة لها 4 سنوات
وكما ذكرت سابقا ان بعض العزب محلك سر لا تجديد ولا تطوير
العلم يتقدم وبعض العزب لا جديد
وبعدين تصدق ان اول ما شفت الصور قلت اكيد هذي صور ورشة بالصناعية
...........
تامل السطر الاخير
مشكله نحن من طلب منهم تنزيل صور لعزبتهم ولكن علي مقال الشاعر
يطرد السراب ..... ويحسبنه غديري
نعم انا وانت والمنصفون نطرد السراب لعل وعسي تنكسر هذي المقوله
ولكن لا اعتقد انها سوف تشاهد عزبتهم
تدري ليش لئنها مثل ماقلنا بيض صعو
ولكن عند طلبكم الذي هو امر بنسبه لنا سوف اعيد تنزيل موضوع كامل عن جميع عده املكها
تخص البر
ومع ذلك اتحداهم ان يطلعو ماتحت الفروه (اسف جدآ) ماتحت الشراع الازرق
التابع لشركة (القارمن وشركائه) لتركيب المظلات البريه
نعم ادري لقد اتعبتهم عزبتكم فلما اجهدهم ذلك اتو الي الفقير الي ربه المسكين (خشم الحصان)
الذي يخشي من ضلاله
ثم شاهد ماكتبه الشريك شايب الصمان الذي استشهد باخر اسمه (ابو شعلان)
(المشاركة الأصلية كتبت بواسطة أبو شعلان
بسم الله الرحمن الرحيم
أبو فراس الظاهر إنك نسيت القلص أو الموتر الثاني ... ههههه
أما إذا كان يشيلهن هالموتر بلحاله ... يالله تنقله سطحه توديه للبر وتجيبة ...
وأتوقع إذا بغى يفتح الباب معه عصا طويل بالحيل ... يفتح الباب من بعيد لأنها إحتمال تنفجر من الزحمه ...
وبعدين هالصور قديمة بالحيل ... لها حوالي 4 سنوات ... ومع الوقت العزب تغير ... عطنا الجديد ...
يالله يالعمدة عطنا صور لعزبتك ... اللي إشتهرت عند أهل البر كلهم ... على المقوله المشهوره (( والله لو إنها عزبة أبو فراس ))
وبعدين ورى الثنائي المرح ماردّو إلى هالحين
مشكور يالعمدة
,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,
هلا ومرحبا
أرجوك أخي الفاضل لاتتعرض عزبة العمده وجوده بالطلعه خير وبركه ................
...........
ركز علي السطر الاخير يابو فراس
اخوك
خشم الحصان
...............
نغزه..........ماتشوف ان كل المفيد في الاخير من كتابتهم
صدمه......... دايم الاخير يرجم لي قدام ........ والدليل في الفصل لي قدام جيدين..... ولي في الاخير شخري نوم
دقشه.......... ابو شعلان .....اجل بعصي لا تنفجر فيه وش دعوا تريلات بنزين ........ :( .....كتبنا اسمك معهم
همسه......... لايوجد لعزبتهم وجود من الاساس فكيف يحطون صور لها

بسم الله الرحمن الرحيم

أشوف عقب ماقال العمدة أبو فراس (( العزب التايوانية )) محد رد أبد ... تسنهم مشغولين ؟؟؟؟
أو إنهم لاهين يولّفون عزبة .............................. والعالم الله ...

الغالي خشم الحصان ... تراني محايد لا مع ذولا ولا مع ذولا ... أنا وحداني ... أغديك تمسح إسمي تراي ضعيّف ...

,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,

ماشاء الله تبارك الله
عيني عليك وعلى عزبتك باردة أخوي خشم ،،،
عند مشاهدتي لها حسيت كني في سوق الصواريخ اللي في جدة
كل شئ متواجد فيه

شكرا أبو فراس على نشرها

ماشاء الله هالعزبه كامله مكمله ......
من غلا العزبه عليك حاط عيالك معه. (الصورة الاولى) الله يخليهم لك ...

سلا11111111111111111م

السلام عليكم

هي اول مشاركة حيث اطلعت على هالعزبة الله لا يضره وقلت لابد ان اشارك واهني راعيها

هي العزبة تم تجميعها خلال فترة بسيطة او بعد عدة سنوات

الله يجزك خير يابو جراح
نحن بإنتظارك لتشرح لنا كل ما يوجد بعزبتك
واذا في جعبتك شي جديد من 2007 عطناه

ايش هاذي الحوسة انا عزبتي شنطة وحدة ابد فية قدر كاتم صغير ابريق شاهي ودلة قهوة فناجيل وبيالت علب في مكونات القهوه والشاهي والولاعة والملاقاط والمدخنة والصحن الي اجفي فية الرز وقطمة رز وسكر وسكاكين لتقطيع مقاس كبير وصغير و غير فراش النوم والكريك والفاس واسلسلة لجر السيارات المغرزة وفالك طيب حبيبي

بشروا يا الربع عساهم سالمين ....... اتصلتوا بالهلال الأحمر .......... ومنهو المخطي .........

اكيد اكثر اللي بيشوفون هالصوره من دون تركيز راح يكون كلامهم كذااااااااااااا هههههههههههه

تسلم يا ابو فراس على الصور الممتازه وبصراحة عزبه كامله مكمله بس الله يعين ابو جراح على ( المعزبه مو العزبه ) الحوش كله صار مستودع لهالعزبه.....

وعليكم السلام ورحمة الله وبركاته

عزبة متكاملة من إلي
ولكن يحتاج لها دينّا تشيله للبر
أشكرك عمدتنا على عرضها

ابو فراس -- يحفظك الله
ههههههههههههههههههه
اضحك الله سنك ، اوي والله عده ، كذا عدة الرحله والا بلاش خرابيط قوم مجدي لاتهمك
آقول الله يحفظك ، الصغير الي على اليمين هو من ضمن العده ههههههههههههههه وياربي تحفظه وتخليه للعين الي ترجيه

الاخوه الغالين
السلام عليكم
تم وضع موضوع كامل عن هذه العدة في الرابط التالي
بامر الغالي ابو فراس

http://www.alrahalat.com/vb/showthread.php?t=8223&langid=1

اخوكم
فهد

الله يعطيك العافية

http://www.mekshat.com/pix/upload/images18/mk2673_06.jpg

وش هاللي مسند على الصدام ومغطي رقم اللوحة

الغالي
الجريبة
السلام عليكم
الذي على الصدام ومغطي اللوحة
1- مسحات
2- سلالم حديد للطين و السبخ طولها 1.60 م و تتسفط وعرضها تقريبآ35 سم
ارجو ان اكون بينت لك
اخوك
فهد

الله حلوة العزبة بس فيها مفكـ صلصة
هههه إذا بغيت تتحدى راعي عزبـة

الغالي
الجريبة
السلام عليكم
الذي على الصدام ومغطي اللوحة
1- مسحات
2- سلالم حديد للطين و السبخ طولها 1.60 م و تتسفط وعرضها تقريبآ35 سم
ارجو ان اكون بينت لك
اخوك
فهد
مشكور يالغالي على الإفادة

لو يعطوني مكافأه ويقولون رتبي الاغراض ماقدرت وش ذا :smailes26:

احس انك مسعف علي ها الانبوباق

من تواضع لله رفعه
الناس تعرض هنا للفائدةوتبادل الخبرات موللتحقير من الغير ومعاملت الناس انهم جهال وما احد يعرف شي.
يقال ان : المتكبر مثل الذي على رأس جبل مرتفع يرى الناس تحته صغار ولا يعلم انهم يرونه صغيرا

هاذي ليست عزبة ماشاء الله تبارك الله هاذا عفش كامل للي يبي يهاجر المدن ويعيش في البر

ماشاء الله عزبة مكمله الله يحفظك من كل سوء سراحة دخلت براسي من الان تكوين عزبة
واللى اعجبني القارمنات الاحتياطية وذكرتني بخربة القارمن معي بالمتاييه لولا الله ثم دلولن
معي كان مارجعنا اليومك شكراموضوع مهم ومفيد جدا جدا