براري الجنوب
16-05-07, 09:42 AM
اخواني الاعزاء
السلام عليكم
اولاً يسعدني الانضمام إلى منتديات الرحلات
ثانياً اشكر خشم الحصان على الكوب (الاسود) بيض الله وجهه(عن طريق احد الاعضاء)
ثالثاً احترت في الموضوع اللي ابدأ فيه معكم ولكن تذكرت إن أول ما يفكر فيه الشخص
إذا نوى برحله انه يفكر في الخوي.
خوي الرحله.
ولهذا كان الموضوع بإسم
الرخوم
الرخوم اجارنا الله واياكم منهم جمع لكلمة رخمة.
والرخمة نوع من انواع الطيور يقال انها فصيلة من فصائل النسور
الا ان الرخمة لها إختصاص معين تتميز به
الا وهو أكل الجيف (اكرمكم الله)
فالرخمة تحلق فوق الارض بالساعات باحثة عن جيفه
او عن( حَرْمَه) والحرمة لمن لا يعرفها الحيوان الميت بدون تحليل شرعي
ولهذا يطلق لقب (حَرْمَـه) على غير الكفو من الرجال او النساء.
نرجع إلى الرخوم
فاقول ذا نوى احدكم برحلة ولو قصيره فعليه الابتعاد عن الرخوم
حتى ولو كانوا تكملة عدد. لان الرخمة يغث اللي حوله ، ويدبل كبد الكبير والصغير
الرخمة دائماً يفشل في كلامه ، في جلوسه ، في أكله وشربه . في كل شي.
والرخمة من الرجال يدبل الكبد في اي مكان ، ولكن في البر الوضع يختلف.
لان وجهك بواجه حتى ترجعون مقركم. يعني (أم بلابها الشيطان) اما الرخوم اللي نقابل دايم
فامرهم هين ، كلها ساعه والا ساعتين في مجلس وكلٍ يروح في حاله .
والخوي عند الرجال العارفين له مكانته وقدره واحترامه وعاداتنا وتقاليدنا
تحثنا على مراعاة كل شي يخص الخوي.
ولهذا احذركم ونفسي من خوة الرخمة. اتركوا الرخوم على جنب. لانك اذا خاويته
لازم تعطيه حق الخوة ورايح تبلش .
انظروا ماذا يقول الشعراء في الرخوم:
يقول احد الشعراء:
حالفن ما أرد شوري للجبان مثل حلفي عن مخاواة الرخوم
ومايسبك في قفاك الا الجبان ((ومايذم الطيبين الا الرخوم))
ويقول الآخر:
لية يادنيا تعزين الرخوم
..................... والشجاع يعيش عمره في نكد
ويقول غيره:
ممساك في حيدٍ طويل الحناتيـف أخيـر مـن ممسـاك زل ٍ وفلـه
مابين هطفان الرخوم المخاصيـف اللّي تعيـش انفوسهـا بالمذلـه
يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك
والآخر يقول :
حاذرك لا تتبع عيال الرخومي ++ يورطونك بين حاذف وحذاف
ويقول آخر:
حنا مراجلنا على هبة الريح ^&^ لا خالف الواجب عيال الرخومي
وختاماُ أسأل الله ان يجنبنا خوة الرخوم
وان يهدي الجميع لما فيه الخير.
السلام عليكم
اولاً يسعدني الانضمام إلى منتديات الرحلات
ثانياً اشكر خشم الحصان على الكوب (الاسود) بيض الله وجهه(عن طريق احد الاعضاء)
ثالثاً احترت في الموضوع اللي ابدأ فيه معكم ولكن تذكرت إن أول ما يفكر فيه الشخص
إذا نوى برحله انه يفكر في الخوي.
خوي الرحله.
ولهذا كان الموضوع بإسم
الرخوم
الرخوم اجارنا الله واياكم منهم جمع لكلمة رخمة.
والرخمة نوع من انواع الطيور يقال انها فصيلة من فصائل النسور
الا ان الرخمة لها إختصاص معين تتميز به
الا وهو أكل الجيف (اكرمكم الله)
فالرخمة تحلق فوق الارض بالساعات باحثة عن جيفه
او عن( حَرْمَه) والحرمة لمن لا يعرفها الحيوان الميت بدون تحليل شرعي
ولهذا يطلق لقب (حَرْمَـه) على غير الكفو من الرجال او النساء.
نرجع إلى الرخوم
فاقول ذا نوى احدكم برحلة ولو قصيره فعليه الابتعاد عن الرخوم
حتى ولو كانوا تكملة عدد. لان الرخمة يغث اللي حوله ، ويدبل كبد الكبير والصغير
الرخمة دائماً يفشل في كلامه ، في جلوسه ، في أكله وشربه . في كل شي.
والرخمة من الرجال يدبل الكبد في اي مكان ، ولكن في البر الوضع يختلف.
لان وجهك بواجه حتى ترجعون مقركم. يعني (أم بلابها الشيطان) اما الرخوم اللي نقابل دايم
فامرهم هين ، كلها ساعه والا ساعتين في مجلس وكلٍ يروح في حاله .
والخوي عند الرجال العارفين له مكانته وقدره واحترامه وعاداتنا وتقاليدنا
تحثنا على مراعاة كل شي يخص الخوي.
ولهذا احذركم ونفسي من خوة الرخمة. اتركوا الرخوم على جنب. لانك اذا خاويته
لازم تعطيه حق الخوة ورايح تبلش .
انظروا ماذا يقول الشعراء في الرخوم:
يقول احد الشعراء:
حالفن ما أرد شوري للجبان مثل حلفي عن مخاواة الرخوم
ومايسبك في قفاك الا الجبان ((ومايذم الطيبين الا الرخوم))
ويقول الآخر:
لية يادنيا تعزين الرخوم
..................... والشجاع يعيش عمره في نكد
ويقول غيره:
ممساك في حيدٍ طويل الحناتيـف أخيـر مـن ممسـاك زل ٍ وفلـه
مابين هطفان الرخوم المخاصيـف اللّي تعيـش انفوسهـا بالمذلـه
يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك
والآخر يقول :
حاذرك لا تتبع عيال الرخومي ++ يورطونك بين حاذف وحذاف
ويقول آخر:
حنا مراجلنا على هبة الريح ^&^ لا خالف الواجب عيال الرخومي
وختاماُ أسأل الله ان يجنبنا خوة الرخوم
وان يهدي الجميع لما فيه الخير.