بسم الله الرحمن الرحيم

بعد ان ذهب الشتاء والربيع والطلعات الزينه الواحد يبدا يقلب الذكريات الجميله من خوة الرجال شرواكم او مناظر واجواء ربيعيه خلابه
انا حبيت اشارككم في بعض الصور من اخر الرحلات
اتمنى ان تحوز على رضاكم واستحسانكم
(وتراني غشيم تصوير اول مره اشيل كاميرا...سامحونا على التقصير)
ومانستغني عن التوجيه

الى الصور
هذي الصوره في مدخل شعيب الشوكي
http://www.alrahalat.com/vb/uploaded/69_1178794009.jpg


وهذا اخونا الجارمن يتجول في شعيب الترباعه


http://www.alrahalat.com/vb/uploaded/69_1179388052.jpg


وايضاً في فيضة سمينها (المتشابكه)
وهي من اغرب الفياض حيث انها محميه طبيعيه من السيارات لايمكن ان تدخل في السيارة
http://www.alrahalat.com/vb/uploaded/69_1179388465.jpg

وهذا الغالي ابو فراس بعد ما القى نظرة على المتشابكه


http://www.alrahalat.com/vb/uploaded/69_1179388586.jpg


وهنا وصلنا الى الفيضه المقصوده بعد ما مدحها لنا شايب الصمان وابو ناصر
وكانت فعلاً من اجمل واهداء الفياض


وهذا العمده يرتاح من عناء الطريق والاخ البار (الجارمن) يبداء في اشعال النار وانزال (عزبتة) وعمل الشاهي والقهوة والبابونج للغالي بس عشان يرتاح ويستانس

<img alt="" />


http://www.alrahalat.com/vb/uploaded/69_1179388885.jpg

وهذا جانب اخر من الفيضه


http://www.alrahalat.com/vb/uploaded/69_1179389238.jpg

اما هذه الصورة المعبرة فهي تعبر عن نفسها

http://www.alrahalat.com/vb/uploaded/69_1179389406.jpg

وهذا جزء من العزبة التي انهت اسطورت بعض العزب اللى اكل عليها الزمن وشرب....

http://www.alrahalat.com/vb/uploaded/69_1179389533.jpg

وهذا المطازيز مع بعض الطرائد

http://www.alrahalat.com/vb/uploaded/69_1179389799.jpg

اصبحنا واصبح الملك لله .. وهذاك ابو فراس على جلسته من البارح:D

http://www.alrahalat.com/vb/uploaded/69_1179389925.jpg

الغالي ابو فراس في لحظة تأمل
http://www.alrahalat.com/vb/uploaded/69_1179390071.jpg

وهذه لحظة تنكيد من العمده للجارمن
بعد ماسوا له الشاهي والقهوه وقبل راسه وذهب للتصفيره شوي
لكن مانفع على اجر ان شاالله يابو نواف

http://www.alrahalat.com/vb/uploaded/69_1179390217.jpg

وهذي نظرة من فوق للفيضه
وهذولاك جيراننا ماوصلو الا الساعه 12 ليلا
طبعاً سير عليهم العمدة وانا بمعيته للأطمانان عليهم واعطائهم المعلوم

http://www.alrahalat.com/vb/uploaded/69_1179390384.jpg

وانا اتمشى الصبح لقيت بعض الفقع
http://www.alrahalat.com/vb/uploaded/69_1179390633.jpg

صغار صح بس يوسعن الصدر

http://www.alrahalat.com/vb/uploaded/69_1179390723.jpg

وبعد ان افطرنا وتقهوينا ولله الحمد اتجهنا للاخوه في موقع اخر
بس لامانع من شربت حليب خلفات
http://www.alrahalat.com/vb/uploaded/69_1179390871.jpg

http://www.alrahalat.com/vb/uploaded/69_1179391004.jpg

وهنا وصلنا الى الربع بعد رحلة ممتعه حوالي الظهر
ويظهر في الصوره هارون الرشيد....
قصدي ابوفراس
وبعض زملائه الشباب الله يبيض وجيههم
http://www.alrahalat.com/vb/uploaded/69_1179391121.jpg

وفي لحظة الغروب هذا الجارمن والتلقيمه يتجاذبان اطراف الحديث

http://www.alrahalat.com/vb/uploaded/69_1179391514.jpg

وهنا تبداء مرحلة جديده لم نرا لها مثيل الا وهي

كرم شايب الصمان وزملائه

والصورة خير برهان

http://www.alrahalat.com/vb/uploaded/69_1179391618.jpg

وهذه اشرقت يوم جديد

http://www.alrahalat.com/vb/uploaded/69_1179391773.jpg

العزيز ابو عبدالله جاي يطمأن علينا في الصباح الباكر ويشوف ناقصنا شي الله يجزاك خير يابو عبدالله

http://www.alrahalat.com/vb/uploaded/69_1179391967.jpg


يتبع

بسم الله الحمن الرحيم

نتابع بعض الصور

هذولا الاعزاء ابو فراس وابوعبدالله في انتظار ابو نواف يعمل لهم الفطور :D


http://www.alrahalat.com/vb/uploaded/69_1179402569.jpg


ابو فراس يلقي بعض التعليمات
واضح ان ابو عبدالله مستمع جيد
وابو مساعد ماقصر حكر براد شاهي يحبه قلبك في هالفيضه اللي ترد الروح

http://www.alrahalat.com/vb/uploaded/69_1179402768.jpg

وهذي مزرعة بابونج ماشاالله

http://www.alrahalat.com/vb/uploaded/69_1179402930.jpg

حل الفراق ولحظة التوديع واللقاء قريب ان شاالله

http://www.alrahalat.com/vb/uploaded/69_1179403048.jpg


وختاماً هذي صورة العمدة وهو يحاول ان يلتقط صوره
وربي يستر من الصور اللي عنده :D

http://www.alrahalat.com/vb/uploaded/69_1179403635.jpg


وسامحونا على الاطاله او على القصور

وفالنا وفالكم التوفيق

الله ابو صقر على هذه الصور وعلى هذا الابداع
لكن لي بعض التحفظ على بعض الصور ، ماودي انك منزل صور لبعض ادوات عزبتي لان مسألة تزيل صور للعزبة ونشرها اعلاميا معارض لمبادئي البرية
لان العزبة المثالية تظهر عمليأ وليس اعلامياً لكن تظل وجهة نظر
وعلى طاري العزبة ما شوف شي بالصور يخص عزبة ابو فراس
اكيد عزبته عفى عليها والزمن وصارت غير مناسبة للطلعات البرية

الغالى أبوصقر

يازينها من رحلة تبدو الآن مثل خيال الأحلام
الله يعيد على المسلمين أيام الربيع سنين وسنين
الله يسعدك ويمتعك فى طاعته مع الصحبة الطيبة
تكفى يابوصقر زودنا صور من رحلاتك
أما تصويرك ماشاء الله تبارك الله ما عليه كلام

ابو صقر
السلام عليكم

امتعتنا بهذه الصور الجميلة
وتستاهلون ما لقيتوا من بسطه وفلة حجاج

اولا صورك رائعة جداً وماشاء الله عليك ... والحقيقة ان الصور متعوب عليها ، زوايا التصوير رائعة جداً .

ثانياً بالنسبة لـ هارون الرشيد ههههههههههههههه حلوة هذي يابو صقر. انا اشوف انك متعصب لعزبة وشلة الجارمن ... ... بس ترا الراي العام مع ابو فراس ...

ثالثاً التعليق اللي على الصور أكثر من رائع وهذا من أجمل الأشياء التي رأيتها في الموضوع.

رابعاً جزاك الله خير وبارك الله فيك.

بسم الله الرحمن الرحيم


اهلين بخوي الجارمن
ادري انك ماتحب الاعلام بس الشمس ماتنحجب بمنخل :D
اسعدني مرورك

العزيز ابو اسماعيل

اشكر مرورك واضافتك ويارب يعيد علينا ايام الربيع


اخوي براري الجنوب

ربي يسعد ايامك والسامعين مشكور وماقصرت

الغالي صقر
اولاً شكرا ربي يوفقك
ثانياً انا تراني احب ابو فراس لحد الثماله بس مايمنعني عن قولة الحق:)

ثالثاً والله اني كنت متخوف من بعض التعليقات لايكون فيهم بعض (الملاغه)
ربعاً وانت كذالك وجميع المسلمين

ردودكم تدفعنا لتقديم كل ما نملك لأرضائكم


شـــــــــــكراً

ابو صــــــــــــــــــــــــــــــقر

بيض الله وجهك على هالصور الجميلة

والربع الي يرفعون الراس ويشرفون

وكان ودي اشوف الصورة الي صورها ابو فراس:cool:

الله يسلم اناملك

ما عندي تعليق

ولكن عندي استفسار يابو صقر

هالنجر اللي بتوقيع اخونا الجارمن ابو نواف منهو له

http://www.alrahalat.com/vb/uploaded/16_1169735134.jpg

مجرد استفسار بسيط ارجو ان لا يمسح الجارمن الصورة من توقيعه ونخسر صورة رائعة من شخص رائع لنجر رائع في منتدى رائع في موضوع رائع وابتل بعد

ابو صقر اسمحلي أرد بخصوص النجر
ابو فراس النجر له شهور وهو يظهر بالتوقيع
توك تذكره
هذه الموقف ذكرني بالغريق اللي يدور اي قشة عشان تنقذه

بسم الله الرحمن الرحيم

اهلين بأستاذي راعي اللاند

ويبيض وجهك وماعليك زود يالغالي

بالنسبة للصور من عمدتنا الغالي صراحه انا متخوف منهن شوي اخاف انه صايدله صيد ولا شي :D
واسعدتني بمرورك

هلا وغلا بالغالي عمدتنا العزيز ابو فراس
تعرفن يابو فراس ماعندي لف ودوران:rolleyes:

النجر هذا انا معلق صورته عندي بالمكتب من كثر ماهو عاجبني له الحين حوالي سنتين
كني بديت اللف وادور المهم صاحب هذا النجر هو
عمنا ابو فراس بس ذاك اليوم الرجال مامعه الا
عزبة الجامو والشاهي الاخضر
بس هذيك الايام قبل التحرير

وهذي صورة النجر مبروزها في المكتب
صح انها ماهيب واضحه لاني كنت اجرب الكاميرا بس
ولا توقعت انزلها في المنتدى ابد

http://www.alrahalat.com/vb/uploaded/69_1179444521.jpg

ابو نواف لا تقلق
لاتثيرك او تستفزك هالمناوشات (واثق الخطوة يمشي ملك)

:cool: :cool: :cool:

والسلام عليكم

يابوصقر الله يجزاك خير على هذه الصور الرائعة ذكرتنا بالبر والجو الزين

ايه يابو صقر نسينا نشكرك على هالصور الرائعة وذكريات رائعة في وقت رائع ورفقة رائعة وكلما زادت صارت اروع

المهم يابو نواف عندك نجر بالعزبة

ولكن افتخارك بهالنجر خلانا نتجاوز عن نواقص عزبتكم لانه اعتراف بان عزبتكم استعمال مرة وحدة

صورة مع التحية لخشم الحصان وشايب الصمان

هلا وسهلا أبوصقر والله يعيد الايام الجميله علينا جميعا

أبوصقر ( رب أخا لم تلده أمك ) والحمدلله هذا ماوجدته منكم وتستاهلون أكثر .

بس تصدق دائما العمده مستهدف من الجميع الله يخليه لنا عمده

http://www.alrahalat.com/vb/uploaded/69_1179402768.jpg

تقل به نغزه ياأبوصقر الصراحه أني مستمع جيد :D والدليل ملقيه ظهري من شدة الاستماع .

http://www.alrahalat.com/vb/uploaded/69_1179402569.jpg

ودي أسئل سؤال شناط العزب اللي باينه وراي لمن ؟

وعندي ملاحظه ودي أعرف السبب ليه عزبة العمده ماتنزل من موتره الا الاباريق أو أذا بغى يشخص علينا

نزل الغرض همن رجعه وجاب الثاني وعلى هالمنوال ........... ودي أعرف رأيك أنت والجارمن وخشم

الحصان !!!!! ;)

أبوصقر نزل الصور اللي ودك ولاتتردد عندي صور نستخدمها وقت الشدائد :rolleyes: .

الله يوفقك ويجزاك كل خير ومن هذا المقام نتقدم بالشكر الجزيل لمقام العمده أبوفراس لقبوله
وأتاحت الفرصه لمخاواته برحلاته البريه بصحبتكم المشرفه وكذلك الشكر موصول لجميع
الاخوان ممن حالفنا الحظ بمرافقتهم برحله بريه ومن لم يحن الوقت لمرافقتهم .

وكذلك لمن وجده العمده بالجهاز بالصدفه
( اللي كان يقول معقوله تصدف أنت تلقى خويك بالجهاز بنفس المنطقه ) ترا مهب خشم الحصان أبد

الله يوسع صدوركم بالعفو والعافية00
جزيتم خير00
رحلة رائعة وصور أروع 00

وياليت إذا تيسر إحداثي الفيضة المقصودة
أقول00
إذا تيسر
مع العلم إني أعرف بأنها قد تختلف من سنة لأخرى
00

فعلآ أحس إنكم في هاالمنتدى أسرة واحدة00
الله يتمم عليكم ويبعد عنكم شياطين الإنس قبل الجن لأن الجن مقدور عليها بإذن الله00

.

الغالي ابو صقر
لقد امتعتنا بهذه الصور الجميلة متعكم الله بالصحة والعافية واعادها عليكم سنين عديدة
نريد المزيد من صوركم وذكرياتكم الجميلة في رحلاتكم ...
بالنسبة لصورة ابو فراس فانا متأكد انه يتطمن على اخيه الجارمن
http://www.alrahalat.com/vb/uploaded/69_1179390217.jpg

وبارك الله فيك

http://www.alrahalat.com/vb/uploaded/16_1179486248.jpg

ابو عبدالله بس ودك تسأل عن شناط العزب اللي وراه
وراك ما تسأل عن الخيمة وعن الفراشات اللي انتم جالسين عليها وعن البرقان والمعاميل وعن وعن وعن
الله يهديك ابو عبدالله خليت الواحد يتكلم وهو ما وده
اما سبب ان ابوفراس ينزل الغرض من موتره وبعدين يرجعه على طول
اقولك ليش
لان هذا الغرض قديم جداً وعفى عليه الزمن ولا يتماشى ويتوافق مع الاغراض والعدد الحديثة والمتطورة اللي شاهدتها انت بنفسك بهذه الطلعة

بسم الله الرحمن الرحيم

هلا بأخوي كــــان
الله يبارك فيك وان شاالله يرزقنا ربي المواسم الجايه ربيع احسن من هالسنه

اهلين وسهلين بعمدتنا الغالي ابوفراس
الله يجزاك خير

هلا وغلا ابو عبدالله
وان شاالله ترجع الايام الحلوه الموسم القادم يارب
وهذا من حسن ذاتك
اما موضوع الاستهداف مااعتقد
بس انت والاخوان يدرون ان الرموز عليها رقابه وتدقيق اكثر من غيرهم :D
هههههه ايه تقدر تقول استعرنا النغزات من الغالي ابو جراح
بس اشوى اللي ماجت صدمه :D
اما مايخص شناط العزبه اللي وراك
:p (رغم انه محرصن ما اقول شي):p
هذي حاجه بسيطه من عزيبة ابو نواف
والله ان ابو فراس غالي ماودي اقول شي
بس سؤالك هذا نبهني لشي كنت غافل عنه
فعلاً ابوفراس بس اينزل البريق يشخص فيه شوي وياخذه
ويبدولي ان العمليه تشخيص وفرد عضلات :rolleyes:

كفو ياذيب اجل اخذ راحتي بالصور :D


يامرحبتين كبار بخوي الرهدن
ويوسع صدرك انت والجميع بالعفو والعافيه ويارب الموسم القادم نتشرف بشوفتك
اما الاحداثيات ماعتقد انها تفيدك في هالوقت
بس وعد مني ان شاالله الموسم القادم ابشر بأول احداثيات من اول رحلة عساسه
الحمدلله انا وانت وجميع اعضاء المنتدى الاعزاء اخوان وربع حتى الزوار الله يحييهم ويجمعنا على مرضات ربي

يامرحبابك اخوي ولد نجد
آمين يارب العالمين بوجودك
ابشر بالصور
انت بارك الله فيك ماشي على حديث (احسن الظن)
يمكن كلامك صحيح:D

الجـــــــــــارمن
مايحتاج توضيح الوضع واضح جداً جداً
حتى النجر هذاك
قبل التحرر من فلول الاحتلال :D

وشـــــــــــكراً

والسلام عليكم

http://www.alrahalat.com/vb/uploaded/16_1179486248.jpg

ابو عبدالله بس ودك تسأل عن شناط العزب اللي وراه
وراك ما تسأل عن الخيمة وعن الفراشات اللي انتم جالسين عليها وعن البرقان والمعاميل وعن وعن وعن
الله يهديك ابو عبدالله خليت الواحد يتكلم وهو ما وده
اما سبب ان ابوفراس ينزل الغرض من موتره وبعدين يرجعه على طول
اقولك ليش
لان هذا الغرض قديم جداً وعفى عليه الزمن ولا يتماشى ويتوافق مع الاغراض والعدد الحديثة والمتطورة اللي شاهدتها انت بنفسك بهذه الطلعة
هلا ومرحبا بالغالي أبونواف ........................................ تصدق حسبتك معي وأثرك على طول قلبت ضدي المقصود بالعزبه قصدي ألفت نظر بعض الناس اللي ماغير يمدحون بعزبة أبوفراس
وهوصحيح مانستغني عنه تقديرا له وهوعمدتنا ومانبيه يسخط علينا ويحرمنا من مرافقته بالرحلات القادمه
ويشلون الواحد يمشي بدون ماء أبوفراس ماء رحلاتنا جميعها ( مهب يصبغ أبد ) :o :)

شرواك الطيب يالامير
انا اشهد انك هيضت المشاعر
صور ولا اروع
لله درك
وعسى عيني ما تفقدك

اخوك

بسم الله الرحمن الرحيم

ياهلا والله وغلا بأمير الذوق

تصدق عاد اني شاره عليك
اقول وين الرجال مابين:eek:
بس اكيد لك ظروفك

مرورك اسعدني وردك وقود

شــــــــكراً يالغالي

بسم الله الرحمن الرحيم

الغالي أبو صقر ... ماشاءالله عليك ... الصراحه أبدعت بهالصور الزينه ... الله لايخلينا منك ...

ولكن شكل الموضوع بدا يشب بين العزب ...

وأتوقع ... إنك متفق أنت والجارمن وشايب الصمان على هالصور ... أو هم اللي مختارينهن هههههه

كله عشان أبو فراس ... يبي يدبلون كبده ... ( يدور الحرش ) ههههههه

مشكور ولاهنت يابوصقر متعت نفوسنا وعيوننا بهالصور الزينه ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

الناس يتكلمون عن العزب وانتم تتكلمون عن الاكل والخيام لا تحورون الموضوع عن الاصل

فيكم ارجعو للموضوع الاصلي حق العزبة

ولكن صوركم تفضحكم

الدافور وبالكيس ما استعمل وش السبب ما ادري يمكن الغاز قاضي

وابو نواف نايم بعز النهار ما قام يسوي الفطور للمعازيم

خله على الله يابو صقر او تبين انزل صورة اصغر مبشرة

بس اخاف من راعية المبشرة تشوفه ومن ثم ما تروح للمدرسة خايفة من المعلمة تهوشه

بسم الله الرحمن الرحيم

العزيز ابو شعلان
الله يبيض وجهك ومشكور
اما موضوع العزب فهو موضوع ازلي :D
لاوالله مافيه اتفاق ولا شي:cool:
الموضوع ومافيه (صراع اجيال) بس:D
ولولا محبتي لبو فراس ماحارشته
بس شكلي ورطت:o

ابو فراس
الله يجزاك خير
انت عمدتنا وحبيبنا واختلاف العزب لايفسك للود قضيه
وكل واحد يفتخر في عزبته ابعطيك مثال
هل الجيب التايوتا مثل السفاري .... لا
بس كل واحد عاجبته سيارتة


<<<<<<<<<<<دخل الذره يوم سمع بطاري المبشرة

وترا راعية المبشرة تبي تهوشن اذا شافت اننا استخدمناه
فا رجاءً لا تدخلنا بمتاهات:D

عمدتنا ابو فراس
الخيمة تعتبر من ادوات الاساسية للرحلات البرية وبالتالي تعتبر من ادوات العزبة الاساسية
تبينا ندقق ما عندنا مانع
ولكن اعتقد ان هذه علامات الاعتراف بالهزيمة امام العزبة المتطورة
اما مسألة وراه الدافور بالخرج (الكيس)
الدافور استخدم اكثر من مرة واكتسح جميع الدوافير اللي بالطلعة بشاهدة جميع اعضاء الرحلة
وعشان كذا لازم يحفظ بعد كل استخدام عشان يعطيك اكثر واكثر

الغالي أبو صقر
إذا أنت غشيم في التصوير ويش نكون نحن
ما شاء الله عليك صور جميلة الله يجزاك خير يا الغالي

أخوك أبو عبدالله

بسم الله الرحمن الرحيم


النـــــــــــــداوي
اهلين وسهلين باخوي ابو عبدالله

وشكراً على المجامله اللطيفه
وتشجيعم يدفعنا لمحاولة بذل المزيد

وفالك التوفيق يارب