بسم الله الرحمن الرحيم

السلام عليكم ورحمة الله وبركاته ...

إخواني الأعزاء ... في رحلة من الرحلات قانصين ... في أول شهر 2 الماضي ...

ومع كثر الدوجه شفت لي من بعييييييييد شي مادري وشو فوق حزم مرتفع شوي ... مرّة أقول حرمة ... ومرّة أقول عقاب واقع ... ومرّة أقول رجم ... ومرّة غنمة ................ ألخ ..

المهم يوم وصلته وشفته الصراحة مرّة أقعد أضحك ومرّة أقول أكيد له سالفة ........ تعالوا نشوف الصور :


صار فعلاً رجم ولكن ملّبس برقع ... والعيون حصى مرو ... ولكن فيه تحت جريدة ... فيها صور ...
ورادف الجريدة بحصى عشان ماتطير مع الهوى

http://www.alrahalat.com/vb/uploaded/27_1180353524.jpg



وهذي صورة للوجه :

http://www.alrahalat.com/vb/uploaded/27_1180412482.jpg


وهذي صورة للجريدة من قريب ... كان فيها خبر موت ثلاث أطفال في وقت واحد ...

http://www.alrahalat.com/vb/uploaded/27_1180412559.jpg


هذه المجسّم اللي صلحّة راعي هندي مافيها كلام ... ولكن ماذا تتوقعون سبب هذا العمل ؟؟؟


,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,

يعني ضربك مشوار يابوشعلان هههههههههه

اكيد الفراغ يسوي اشد

شكرا لك

يابو شعلان باين عليك انك تحتري لك ربع من الفجر وهم الى هالحين مصفرين

هذا سلمك الله يابوشعلان واحد مضيع سعليته أقصد حرمته في الخبت
وحط لها هالرجم كي يتذكرها زين

اما سمعت ذي الرمة يقول:
كم دون مية من خرق ومن علم *** كأنه لامع عريان مسلوب

لاتسألني ويش يقصد؟

تحياتي ياطيب

بسم الله الرحمن الرحيم

شي غريب ياخوي ابو شعلان

وانا اعتقد انه له ديانه غير الاسلام
ويمكن مسوي لهم نصب او شي مثل القبر
والله اعلم

بسم الله الرحمن الرحيم

أخوي خوي النشاما
يعني ترى ماهنا هاك المشوار ... لكن الصدق راسي عورني أبعرف وش السالفة ...
ولكن ماظن الفراغ يبسوي هالطريقة ...
مشكور على تعليقك ...

عمدتنا الغالي أبوفراس
تسنك دراي ههههههه
لاهنت على مرورك بالموضوع ...

الغالي أبو أشرف
إحتمال كبير إنه يكون كذلك ...
طيب مانيب سائلك عن قصد الشاعر ... هههههه
مشكور على مرورك وتعليقك ...

الغالي أبو صقر
هذا كان رأي واحد من الربع ... وقالنا خلونا نهدّه وعيينا عليه ...
مشكور على مرورك وتعليقك ...


,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,

ابو شعلان شكرا على المضوع ..
لو قلنا ان الي بالصوره يقربونله ..
يعني ياخال ابوي حك ضهري ..
فهو يمكن يكون حزين...
ومن كثر الحزن سوا كذا..

الاخ الغالي
ابو شعلان
السلام عليكم
انت يومك تشوفها من بعيد بالدربيل ولا بعيونك
ان سان بالدربيل فهو بيقصر العنوه
لئن معاد مثل قبل حريم يرعن بالغنم يومك تقول حرمه رحو الحين مغير هالعمال اذا شفته سنه شليخت اثله
من الجوع والسموم ولوهيب القيض والمعزب تحت المكيف في الديره
ربما ارد ان يوصل رساله معنها انه لحاله جالس طول الوقت لا وينيس ولا معزب يمر عليه
مثل الميتين لي في الجريده
وان حالته مثل الرجم لا زود اما حصل نقصان
طيب ليش لبسه برقع يمكن يقول لا تشوف وجه الحقيقه من الحرمان ولاهمال من كفيله
اخي ابو شعلان بعض الرموز والرسوم والرجوم تكون لغة ولكن من الصعب فهمها احينآ
اخوك
خشم الحضان
...................
نغزه......... اتقو الله في رعيانكم فانهم بشر مثلكم
دقشه..........احسن انه مالبسه دراعه........... فهي تدل علي كفنه
صدمه....... من سوف يدري عنه من سوف يصلي عليه

مسكين راعي البل لاجى الحزومي @@ حـط الرجـم تـذكار لــديار الاحباب
في روحـته توديـع قــبل النـجــومي @@ ولامن ورد سلم عليهم كالاغراب
من صبــح ربـي بين ضيق وهمومي @@ ماله ونيــس كـود تفتيل الاشناب

كل الشكر لقلبك

اخوك

ابو شعلان شكرا على المضوع ..
لو قلنا ان الي بالصوره يقربونله ..
يعني ياخال ابوي حك ضهري ..
فهو يمكن يكون حزين...
ومن كثر الحزن سوا كذا..


هلا بالمغترب ...

كل شي معقول ... يصير ليه لا ...
مشكور على مرورك يالذيب ..

,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,

الاخ الغالي
ابو شعلان
السلام عليكم
انت يومك تشوفها من بعيد بالدربيل ولا بعيونك
ان سان بالدربيل فهو بيقصر العنوه
لئن معاد مثل قبل حريم يرعن بالغنم يومك تقول حرمه رحو الحين مغير هالعمال اذا شفته سنه شليخت اثله
من الجوع والسموم ولوهيب القيض والمعزب تحت المكيف في الديره
ربما ارد ان يوصل رساله معنها انه لحاله جالس طول الوقت لا وينيس ولا معزب يمر عليه
مثل الميتين لي في الجريده
وان حالته مثل الرجم لا زود اما حصل نقصان
طيب ليش لبسه برقع يمكن يقول لا تشوف وجه الحقيقه من الحرمان ولاهمال من كفيله
اخي ابو شعلان بعض الرموز والرسوم والرجوم تكون لغة ولكن من الصعب فهمها احينآ
اخوك
خشم الحضان
...................
نغزه......... اتقو الله في رعيانكم فانهم بشر مثلكم
دقشه..........احسن انه مالبسه دراعه........... فهي تدل علي كفنه
صدمه....... من سوف يدري عنه من سوف يصلي عليه


هلا بك يابومحمد ...

الصراحه أنا كنت أشوفة بالعين من دون دربيل ... لانه كان على الوجهه يعني مارّه مارّه الله لايعوق ...

وعلى فكره الحريم اللي يرعن واجد إلى هالحين ... ولكن شليخة الأثلة ههههه غطا عليهن ...

وصدقت عزالله إن بعض المعازيب مايخافون الله في هالضعيفين ... والله إني لاقي راعي سوداني يوم جيته ماعرفت وشو ... لكن اللي عرفته إن معزبة مايجيب له إلا كيس طحين بر كل شهر بس ... وين الرحمة .. أعوذ بالله ..

والصراحه كل شي جايز من هالرجم ... لكن أخاف إنه يوصل رسالة يقول أنا مره( حرمة ) إن جيت مرّه ثانية هنا ...

مشكور يابومحمد ... على ردك الرائع ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

مسكين راعي البل لاجى الحزومي @@ حـط الرجـم تـذكار لــديار الاحباب

في روحـته توديـع قــبل النـجــومي @@ ولامن ورد سلم عليهم كالاغراب
من صبــح ربـي بين ضيق وهمومي @@ ماله ونيــس كـود تفتيل الاشناب

كل الشكر لقلبك


اخوك



أخوي الغالي راعي الذوق

صح لسانك ... وعزالله إنك صادق ...

مشكور ولاعدمتك يالأمير ................... أقلد صح ههههه

,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,

مشكور أخوي أبو شعلان
شر البلية ما يضحك

أخوك أبو عبدالله

مشكور أخوي أبو شعلان
شر البلية ما يضحك

أخوك أبو عبدالله

حياك الله يابوعبد الله ... مرورك أسعدني ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,