طلعت رحلات كثيرة وسفريات عديدة مع اناس مختلفين وما مر علي منهم واحد يكون مرتاح ومستانس طول الرحلة.!!
دائما يكون عنده رغبة يغير شيء من طريقة تصرف الاخرين اثناء الرحلة، وبصراحة من عدة تجارب عرفت ان أي شيء تبي تسويه على رايك بطريقة معينة غير اللي هي عليه اعتبر نفسك راح تخسره. غصب ماكو فايده هذي هي الدنيا.

طُـبعت على كدر وانت تريدها *** صفوا من الأكدار والاقدار

يعني ما راح يرتاح بالك، ليش لأننا بطبيعتنا ما نقتـنع ولا نرضى عن حالتـنا واللي حنا به وبس نقعد ندور وين العيوب وشلون نغـّيرها << لاتقولون من علامات الكبر
وماهو شرط تكون عيوب كبيرة، بعضها فينا انفسنا العزبة ما مرتبة، او السيارة يبيلها شيء او في ربعنا فلان ما قطع اللحم او فلان ما شب الضو أو ناسي البصل، حتى طريقة الجلسة او حطة الرواق تلقانا بس عيوننا على النواقص او العيوب.
هذي النظرة هي اللي ما تخلي بالك يرتاح.
انا ما اقول ان الواحد - يطنش- ويترك كل شيء !!، لا لا
ولكن ما نقعد نترصد للنواقص والعيوب والتقصير والمشارهات
ترى دائما نقول (اغفل يا فلان)
بصراحة بديت اعود نفسي عليها دليت اغفل ارتحت وعرفت اننا نقدر نعيش ونتعايش مع النواقص - وليس مع الرفاله، لأن ما احد يرضى بالخمال- ولكن صرت اتفهم واتقبل الأشياء بنواقصها بالرغم من انه يوجد طرق لإصلاحها او انها يمكن تعديلها علشان تكون بشكل افضل.
عاد الشيبان ما يقدرون يضبطون انفسهم ويغفلون عن الشباب وتصرفاتهم، اما اللي يقول انا شباب ويقدر يضبط نفسه ويتقبل اللي معه فهذا هو اللي بـيرتاح وينبسط.
اهم شيء يجب ان نتذكر ان الدنيا باقي فيها خير وما راح تزول اذا ما تصلح هذا العيب/النقص ايا كان، بل يمكن يوم من الأيام تعرف ان ما كنت تشوفه عيب صار هو الصحيح.

طولت عليكم

سامحوني.

لي عودة ان شاء الله

يعني انا شباب يابو يوسف

اطلع طلعات برية مع مختلف الثقافات والاعمار وتأقلمت مع امير الرحلة مهما فعل

ولكن من هم اللي ينتخبون من بينهم امير وتراهم قليل بالمرة

مرة من المرات طلعت مع ناس يحبون الرمل وبعضهم يحب الجلد وكنت انا اول واحد وصل للتنهات فكان على اختيار الموقع فأحترت في من سوف يصل اولا بالنسبة لي كلها واحد عندي في ذلك الوقت فلو اخترت الرمل ووصل من يفضل الرمل فقد انتهى الاشكال اما لو وصل من يفضل الجلد فيبدا بالعيوب شف وشف شوف لين يعيفك الكشتة وبعدها قررنا ان من يصل الى الموقع هو من يختار وعلى الباقين القبول بذلك

ولكن فعلا ترتاح اذا كان معك امير يروس الامور ويعرف المناطق

ابو يوسف
سمو حرف
ورجاحة فكر
عساك على القوة
والامارة لابد منها في كل الاحوال
وامير الركب يجب ان يكون محبوب
من الجميع حتى يقتنع الجميع فيما يقول

موضوع يستحق الاشادة
لاعدمناك يالامير
اخوك

بسم الله الرحمن الرحيم

الله يجزاك خير يابو يوسف
موضوع مهم رغم بساطتة وان كثير منا يغفل عنه
انا اراى ان الحل في القناعة
اذا اقتنعت ان فيني عيوب ظاهره وخفيه وان الناس ساترينها لابد ان استر عيوبهم (واغفل)
التركيز على الهدف وتجاهل مادونه ولا اتركه يبعد تركيزي
وفي موضوعنا
الهدف : الرحلة الطيبة تغير الجو التعرف على الرجال .... الخ
واذا حصل نقص في بعض الاغراض اونسيان الحمدلله امر الله من سعة
او اي عارض خراب سيارة عجاج برد او حر شديد
الهدف الوناسة

أفادتني القناعة كل عــز وأي غنى أعز من القناعة
فصيرها لنفسك رأس مال وصيرها مع التقوى بضاعة
النبي عليه الصلاة والسلام حينما أمسك بيد عبد الله بن مسعود رضي الله عنه ، رآها خشنة ، فأمسك بها ، وقال : هذه اليد يحبها الله ورسوله ، والنبي حينما قال : ((عليكم بسنتي وسنة الخلفاء الراشدين المهديين)) .
(مسند أحمد عن العرباض بن سارية)
سيدنا عمر كان يقول : " إني إذا رأيت الرجل لا عمل له يسقط من عيني " .
سيدنا علي يقول : قيمة المرء ما يحسنه " .



فلا تجلس تشاهد غيرك يعمل وانت تتفرج


انت ذكرتن يابو يوسف لتنزيل موضوع عن القناعة
يارب يكون فية فائدة دينية ودنيوية

ومشكور

ابو فراس
وانى لنا بمثل حكمتك ورجاحةعقلك
بانتظار عودتك يا عمدة

عاد الشيبان ما يقدرون يضبطون انفسهم ويغفلون عن الشباب
طولت عليكم

سامحوني.

مسامح يابويوسف رغم انى أختلف معك فى الجملة أعلاه
أنا أشوف ان الشيبان على العكس هم اللى يضبطون أنفسهم
ويتغاضون عن أشياء كثيرة لا تعجبهم وذلك بسبب خبرتهم وحمكتهم
وايش رأيك نحكم أبومروان وأنا أعرف ان مرارته انفقعت من بعض الشباب !!!!

راعي الذوق
مرورك دليل حسن ذوقك ،، وما عندي الا بعض ما عندك
رضاك عن الموضوع وسام نفتخر به يا ذوّويق !!

صح لسانك يا المربد الصحيح أن هذه هي عين الحقيقة
لا هنت يا الغالي والي يبي يدقق على كل صغيرة وكبيرة
بيتعب نفسه من غير فائدة ولكن لابد من التجاوز عن الهفوات
الصغيرة ولكن هذا لا يعني أن نقبل بالتقصير الواضح
أو المتعمد

أخوك أبو عبدالله

بسم الله الرحمن الرحيم

الغالي أبو يوسف ... كلام 100% رائع ...

وفعلاً وضع أمير بالرحلة ... تحسم الكثير من الامور ... والإماره أمر بها الرسول صلى الله عليه وسلم .

والتغاضي عن الأشياء الصغيرة مطلوب بالرحلات ...

بمعنى :

أمير رحله + تغاضي = وناسه بإذن الله ...

مشكور يابو يوسف وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

ابو صقر
طبيعة الانسان الطمع ،
بانتظار موضوعك عن القناعة ويا هلابك يا خلفهم.


ريع الدياب
الحكمة عند الكبار صحيح ولكن كل ما يكبر الانسان يكثر كلامه وانتقاداته ما يستطيع يكتمها.
واما ابو مروان فهو منحاز لبني عمره.
نورت يا ابا اسماعيل


النداوي
انا عرفت انك وسيع صدر، من ردودك والنداوة كلها زينة احسن من اليبوسة.
تسلم يمناك يا بعدهم.



ابو شعلان
مشكور على المعادلة الحسابية
وابشر بالمزيد ولكن لا تستعجل.

الرحلة اللي ما فيها شيء منسي ناقصة
انا عفشي بالشاص كامل مكمل ولمدة اسبوع على الأقل ولله الحمد
لكن الفكرة انك لازم تغفل هذا هو بيت القصيد.
الف شكر اخوي المربد

اخي الكريم المربد

ماورد في كلامك اعلاه صحيح جملة وتفصيلا...:)

كوجهة نظر ... ارى ان الرحله كلمه شموليه عامه... بمعنى اما ان تكون رحله علميه اوتنقيب اثار او تجاره او سياحه او مقناص او كشته ترفيهيه وهلم جرى...

فمن المنطق ان يكون امير الرحله او الموجه ان صح التعبير هو من له الخبره والدرايه بالشأن..
وبالتالي يكون مؤهلا للاداره او الاماره وتصريف الامور :rolleyes:

ولكي يتحقق ذلك فلابد من اسقاط امورا كثيره " تعتبر ثانويه" من اجل الصالح العام.!

لاتخلو اي رحله من نواقص ومنغصات :mad: ولا كنها يجب ان لاتتعدى مسودة سير الرحله..

ويبقى غض الطرف وتحوير الخلل الى نقطه ايجابيه في قائمة نقاط الخبره. ($)

اخوك ليث