السلام عليكم ورحمة الله وبركاته
http://www.alrahalat.com/vb/uploaded/441_1184069494.jpg
رحلة لم اخطط لها ولم يخطر على بالي او الأهل اننا سوف نذهب في هذا الوقت وفي هذي السرعه على غير العادة .
نتغدى انا وام ناصر ودار الحوار التالي :
انا : ام ناصر
ام ناصر :يلبيه:p
انا :لبيت بمكة آمين
وش رايك نروح الطايف ومكة اهلي بكرة يبون يمشون نمر اهلك في بلجرشي ونقعد يومين عندهم ونرجع لهلي .
ام ناصر : والله زينه بس تقدر تأخذ إجازة .
انا : والله مدري ابدق على ابو مشاري واشوف
وين الجوال إيه هذاه رن رن دق دق رد رن .
انا : السلام عليكم
ابو مشاري : هلا هلا ابو ناصر وشلونك وشلون العيال .
انا : تمام ابو مشاري ممكن اخذ إجازة الأسبوع الجاي :o
ابو مشاري : توكل على الله يارجال الله يسهل عليكم .
انا : مدري انا صكيت السماعه من الفرحة قلت السلام اولا المهم قعت اناقز من الفرحة وولدي ناصر بلسان حاله يقول ابوي شكله انهبل :D طايرة عيونه ميدري وش السالفة :eek: .
ام ناصر قومي ولمي العفش طق طق خذ دوك هات شل حط ركب عدل بدل يالله مشينا الساعه 10 لليلاً
نكمل في الحلقة الجاية بقية القصة
وهذي هدية مني
http://www.alrahalat.com/vb/uploaded/441_1184070636.jpg


راعي كيف
ابو ناصر

الله يجزاك خير راعي كيف على هذا الموضوع

الحمد لله على السلامة يابو ناصر
صراحة طريقتك تعجبني .. حار بحار
وولدك ناصر الله يصلحه ويخليه لكم يذكرني صورة لبعض الناس هنا وهو جالس يناظر في الخرايط :)
الف شكر وننتظر بقية الحلقة

بسم الله الرحمن الرحيم

الحمد لله على السلامه يابوناصر ...

الله يصلح ناصر ويرزقكم برّه يارب ...

وترانا ننتظر الحلقة الجايّة ...

,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,

الحمد لله على السلامه وسلامة دائمه

أحلى رحله ولن تنسى أبدا ..... وننتظر الجزء المتبقي

السلام عليكم ورحمة الله وبركاتة

اخوي كان دئماً هو الأول او ابو شعلان ماشاء الله عليهم وجزاكم الله خير

ولد نجد الغالي آمين ماعندي إلا حار بحار اجل من الرس وتبيني اصير بالرد حنا هلا الحبحر :) ههههههه:D

أبو شعلان الله يسلمك من كل شر اللهم امين ويجزاك خير ويبارك فيك ومن قال طال عمرك على الطاعه وابشر بالجاي.

:eek: منهو ذا شايب الصمان صاحب القلب الكبير ابو عبد الله يهلا والله ويامسهلا هلا بالعم صحيح ماراح تنسى ابد صح لسانك والله يسلمك من كل مكروه و المسلمين اجمعين آمين وابشر بالزين والجديد والبقية .


المحب للكل راعي كيف
ابو ناصر

السلام عليكم ورحمة الله وبركاته

الجزاء الثاني

ركبنا العفش ومشينا في تالي الليل الله لاينكسنا وعموماً انا من محبين مشي الليل مع إنه خطر شوي كانت النية اننا نصبح على اهل المعزبة في بالجرشي صارلهم يومين طالعين من مكة وراحو يم بالجرشي وجازلهم الوضع وهم اللي هيضونا الحقيقة المهم صلينا الفجر بالطايف الله يخلف طاير ابو ناصر الله يهدية وريحنا شوي وكملنا المشوار للباحه وبعدين بالجرشي وصلناهم الساعة سبع الصباح ماعلمناهم ويوم كلمنا عمي دري اننا جايين علمنا مكانهم ودخلنا على اهلهم ودورهم من الفرحة تقل لنا مية سنه ماشفناهم ;) وكان هذ صباح الجمعة وهذي صور من الطريق بين الطايف والباحة مع العلم ان الطريق كله تحويلات وحوسة اول الخط كان زين بعدين شانت الأخلاق اخليكم مع بعض الصور
http://www.alrahalat.com/vb/uploaded/441_1184147854.jpg

http://www.alrahalat.com/vb/uploaded/441_1184148214.jpg
جماليات في تعرج الخطوط طوال الطريق مما اعطاه متعه
http://www.alrahalat.com/vb/uploaded/441_1184148263.jpg
الشاحنات كانت اكتر شيئ بالخط وكانت تعطل الطريق بسبب الحمولة والسرعه القليلة في الطلوع والنزول
http://www.alrahalat.com/vb/uploaded/441_1184148420.jpg
لايكاد الخط يخلو من المطافيق وكأن الخط لهم لوحدهم فهم يسرعون سرعه جنونيه في هذه الخطوط ولسان حالهم يقول شف سيارتي اسرع واخف من سيارك بالطلعات والنزلات ( ايه الله يستر عليك وهلى من اخطيت عليه)

تابع
V
V

http://www.alrahalat.com/vb/uploaded/441_1184148726.jpg
القرود وما ادراك مالقرود دورهم الصبح مالين الأرض وناصر طايرة عيونه اول مرة يشوفهم الله يصلحة آمين
http://www.alrahalat.com/vb/uploaded/441_1184148849.jpg
بيوت اهل الجنوب الحجرية ذات الطابع المعماري الفريد والهندسي البديع
http://www.alrahalat.com/vb/uploaded/441_1184149036.jpg
ويستمر الطريق

تابع
v
V

وصلنا بالجرشي بحمد من الله ومنه وكان بستقبالنا ابو المعزبة الله يجزاه خير اخذتلي لفة في بالجرشي وشوفلك ذيك الدبابات اللي كوم ومعهم دورية
وهاذي صورة من موقعهم ماصورتهم الحقيقة
http://www.unitedbikersteam.com/vb/attachment.php?attachmentid=1336&d=1183640645
http://www.unitedbikersteam.com/vb/attachment.php?attachmentid=1331&d=1183638151
وهذا الرابط حقهم
http://www.ubtksa.com/vb/showthread.php?t=2923

رحت البيت واخذتلي غفوة لساعه 12:10 الضهر رحت انا وعمي ندور مسجد جامع واثرية قريب من الشقة على رجولك تاصله المهم دخلت المسجد وادور الناس ماحولك احد قدامنا هندي فتح المسجد وشغل اللمبات اية استحينا نطلع خاصة انه فية ناس بعدنا جو تسننا وقرينا قرآن المهم ويجي الإمام ويكلم اللي جنبي مادريت إلا وهو يعتذر منه ( اللي جمبي هو اللي اعتذر ) ويتجة الإمام لمي وقالي ......؟
نكمل في الجزاء الجاي إن شاء الله جتني ام الركب هههههههههههه :)



اخوكم المحب راعي كيف
ابو ناصر

أكمل اخوي راعي كيف، وكثر لنا مالخطفات
ولاتنسى الأكثار من الصور

تحياتي

الحمد لله على السلامه اخوي راعي الكيف مشكور على الصور

ضاق صدري يوم قلتا ان الخط بين الطائف والباحه تحويلات من العام وانا جاي معه وهم يشتغلون فيه
وش هالطريق السياحي الله يعين ويسهل الامور

بارك الله فيك واصلح الله لنا ولك النيه والذريه

ننتظر التكمله

السلام عليكم
هلا ابو اشرف هلا وغلا صحيح الخطافيات لها طعم خاص
ابشر بالصور توي باقي كوم

ابو عبد العزيز الله يسلمك ويبارك فيك واللهم امين يارب العالمين
بسم الله على صدرك انا جاية قبل العام وهم يشتغلون ويبيله من خمس الى 80سنه علشان ينهونه :)

اخوكم المحب راعي كيف
ابو ناصر

الجزاء الثالث

السلام عليكم هلا بالربع كلهم الجالسين والقاعدين والوافقين والمنسدحين :D مستانس

وقالي الإمام ممكن تأذن الإمام غايب اليوم
قلت ابشر وبغيت اروح ااذن قبل مايطلع المنبر اشوى انتبهت لنفسي يم سلم وانا اذن الله اكبر الله اكبر ----لا إله إلا الله ودورني مدري اذنت مدري اقمت والعرق يصبصب والركب حدث ولا حرج مع إني متعود والحمد لله إني ااذن لأن الوالد الله يغفرلة ويرحمة كان مؤذن وكنت دئماً اذن عنه لكن المرة مدري وشي اللي صار المهم مالكم بالطويلة .
صلينا وطلعنا قالي عمي فية منتزهين واحد اسمة الشكران والثاني البعيد شوي وهو ازين القمع وشرايك قلت القمع القمع توكلنا على الله وكانت تلك الصور من ذلك المنتزة الجميل النظيف البارد ذو الجو العليل
http://www.alrahalat.com/vb/uploaded/441_1184409810.jpg

http://www.alrahalat.com/vb/uploaded/441_1184409930.jpg
اريد تعليق على هذه الصورة دقق فيها الله يهديم بس
http://www.alrahalat.com/vb/uploaded/441_1184410104.jpg
دكات في كل مكان مع مكان لشواء
http://www.alrahalat.com/vb/uploaded/441_1184410237.jpg
دورات المياة واماكن النفايان متوفرة اكرمكم الله وتمتاز الدورات بالنظافه وتوفر الماء الحلو

http://www.alrahalat.com/vb/uploaded/441_1184410504.jpg
سيارة الرحلة بجانب الدكة

تابع
v
V

http://www.alrahalat.com/vb/uploaded/441_1184410705.jpg
منظر اعجبني من اعلى الجبل من الدكة وقت العصر
http://www.alrahalat.com/vb/uploaded/441_1184411223.jpg
عزبة الشاهي المختصرة الى ابعد درجة الذراية بس اللي داخلة عرض

http://www.alrahalat.com/vb/uploaded/441_1184411638.jpg
العربات والجمال والخيول موجودة والدبابات ةالألعاب يالله لك الحمد والمنه

رجعنا البيت بعد العشاء وبيتنا النيه اننا نروح يم ابها وعمي يبي يرجع الرياض
http://www.alrahalat.com/vb/uploaded/441_1184412407.jpg

ونكمل بقية الرحلة في الجزاء الرابع

اخوكم راعي كيف
ابو ناصر

السلام عليكم ورحمة الله وبركاته

مشكور أخي الغالي راعي كيف على هذا السرد الممتع لرحلة الجنوب ، ونحن بشوق لمتابعة بقيتها

وجزاك الله خير

بسم الله الرحمن الرحيم

مشكور يابوناصر على هالتدرّج بالأجزاء ... الصراحه وناسه ...

لكن وش اللي بالصورة اللي تقول ددقوا فيها الله يهديهم بس ... وش السالفة ...

مشكور يالغالي ...

وننتظر الجزء الرابع ...

,,,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,,

السلام عليكم ورحمة الله وبركاته
اسف جداً على الإطاله والتأخير في الرد ضغط العمل.

عمي أبو مروان الله لايحرمنا من شفتك في جنات النعيم وابشر باللي تبي

اخوي أبو شعلان هلا بطخمة المنتدى اللي بالصورة يقولك كزنو انا خابر الكزنو موب زين يعني بلاوي :eek:



اخوكم المحب ر اعي كيف
ابو ناصر

السلام عليكم ورحمة الله وبركاته
الجزاء الرابع

وين وصلنا وين وين اية بسم الله
تحركنا بعد صلاة الظهر وكانت النية المبيت في ابها لكن مع ضيق الوقت وكثرة التحويلات تريثنا ونمنا لنا ليله في النماس الساحرة في جوها ومنتزهاتها لكن الوعد مع الأهل اجبرني للذهاب الى ابها بعد الظهر وكان الجو جميل وماتع الى ابعد حد
ولإنشغالي في القيادة والتمتع بالمناظر نسيت ان اخذ صور لها لكن في الرحلات القادمة إن شاء الله
وصلنا ابها على العصر
وين الجوال
انا :السلام هلا ابو ناصر
اخي :هلا ابوناصر
انا : وينمكم
اخي : في السودة خلف السوق الشعبي
انا : زين زين عرفت المكان بس لاتعلم احد
اخي : زين سلام
يوم بقى على ابها 20كيلو جتني لوحة السودة يمين واعطيها يمين قلت هذا خط جديد خلنا نروح معه وام ناصر لاتروح لاتغامر وانا اهديها يابنت الحلال فية لوحة وماعلنا خوف ربك كريم
المهم يمين يسار ومن ديرة الى ديره الين وصلنا السودة وكان طريق مختصر الحقيقة وممتع لكن مخيف للي اول مرة يجية المهم ويدور الحوار مع ام ناصر
انا :نروح اهلي او نستاجر اول
ام ناصر : بكيفك احسن نستاجر ونحط العفش ونروح
انا : فكرة جيدة توكلنا على الله
وكان في نفسي انا وام ناصر نسكن في قرية السودة السياحية
http://www.alrahalat.com/vb/uploaded/441_1185043929.jpg
استأجرنا منهم وكانت الشقه عبارة عن غرفتين نوم وصاله وبلكونه مطله ومطبخ ودورة اكرمكم الله وكانت جميلة بس غالية شوي على اول الموسم قلنا نجلس لنا كم يوم ونشوف غيرها وهذي صور من الشقة
http://www.alrahalat.com/vb/uploaded/441_1185044070.jpg
غرفة النوم
http://www.alrahalat.com/vb/uploaded/441_1185044104.jpg
المطبخ
http://www.alrahalat.com/vb/uploaded/441_1185044149.jpg
الصاله والشيخ ناصر مكيف على الطاولة الله يصلحة
http://www.alrahalat.com/vb/uploaded/441_1185044211.jpg
البلكونه وسحر الضباب والسحاب
http://www.alrahalat.com/vb/uploaded/441_1185044285.jpg
صورة خارجية لمبنى القرية وهذي هي الشقق بنظام الفلل الجنوبية


تابع
v
V

http://www.alrahalat.com/vb/uploaded/441_1185044568.jpg
الضباب يداهم السودة
http://www.alrahalat.com/vb/uploaded/441_1185044627.jpg
اللهم ادخلنا جنات النعيم وارنا ماوعدتنا يارب العالمين
وغسل قلوبنا بالماء والثلج والبرد اللهم امين
وين الجوال ودق على اخوي وينكم قالي مشينا قلت زين وين انتم ساكنين قالي في فلل العتيق خلف السد على طريق ابها الجديدة زين جاينم الليله
ونسمر ذيك الليلة ونستانس وتواعدنا اننا نمشي للحبلة بعد الظهر قلت زين الوعد الحبله
اصبح الصبح
وتضبط ام ناصر القهوة وشذيك القهوة على ذاك المنظر
http://www.alrahalat.com/vb/uploaded/441_1185044933.jpg
اللهم لاعيش إلا عيش الأخرة
قلت مابدهاش تقهوينا وافطرنا وعينا من الله كل خير
مشينا للحبلة لكن اقترحت ام ناصر اقتراح خطير قالت مانبي الشقه هذي ليه قالت متنا انا وبنتك من البرد والحقيقة برد لايوصف قلت شورك وهدايه الله يالله مشينا كنسلنا الشقة وستأجرنا شقة في شارع المدينه قصر العرب لشقق الفندقية وكانت الشقة ارخص بكثير من اللي بالسودة وكان الفارق كبير جداً
المهم على وجه السعه نزلت العفش بالشقه وكانو الأهل توهم يأخذون الأغراض من بندة وصلنا الحبلة واثاريهم سابقسننا بربع ساعه وكان الخط والجو اروع مما تتصورون وكانت قبل سويعات ماطرة على الحبلة وكان الجو خطير
http://www.alrahalat.com/vb/uploaded/441_1185045325.jpg
غابة من الأشجار
http://www.alrahalat.com/vb/uploaded/441_1185045406.jpg
صاكني راسي ابي شاهي



تابع
v
V

http://www.alrahalat.com/vb/uploaded/441_1185045561.jpg
إخواني على اليمين محمد واليسار عبدالله وهو الأكبر بنا وسيارة الرحلة الثانية وسط الغابة
تعشينا وعينا من الله خير وجتنا مطرة خفيفة حاستنا شوي ورحلنا الى ابها بعد امن الله علينا بمتعه لاتنسى ابداً
كان الإتفاق اننا نروح لمنتزه دلغان من الغد
وبالفعل مشينا لكننا تأخرنا قليل على الأهل بسبب ان بنيتي مرضت مرض لم نعرف مابها الى هذهي الساعه
فأرجو منكم الدعاء لها بالشفاء العاجل
:( تقطع القلب :(
اللهم اشفي بنتي هتون ومنً علينا بشفائك
اللهم لاشفاء إلا شفائك اللهم اشفي هتون
آمين

عذراً لااستطيع الإكمال نكمل في الجزاء الأخير
الخامس وكيف كان الجو في دلغان وكيف جانا السيل وحاسنا


اخوكم المحب راعي كيف
ابو ناصر

كان الإتفاق اننا نروح لمنتزه دلغان من الغد
وبالفعل مشينا لكننا تأخرنا قليل على الأهل بسبب ان بنيتي مرضت مرض لم نعرف مابها الى هذهي الساعه
فأرجو منكم الدعاء لها بالشفاء العاجل
:( تقطع القلب :(
اللهم اشفي بنتي هتون ومنً علينا بشفائك
اللهم لاشفاء إلا شفائك اللهم اشفي هتون
آمين

عذراً لااستطيع الإكمال نكمل في الجزاء الأخير
الخامس وكيف كان الجو في دلغان وكيف جانا السيل وحاسنا


اخوكم المحب راعي كيف
ابو ناصر

اللهم اشفها ومنً علينا بشفائك ، اللهم لا شفاء إلا شفائك
أمين ... أمين ... أمين


أخي الغالي أبو ناصر راعي كيف ، بشرنا عن إبنتك ، كيف حالها الأن

ومعذرة إننا لم نتطمن عليها من قبل

فمعذرة لهذا الأمر