السلام عليكم ورحمة الله وبركاته
اخواني الله لايهينكم اوصفولي طريق من ظلم الى الدوادمي
ابا طريق مختصر لها

حياك الله اخوي

الطريق واضح وسهل

من ظلم تترك الطريق السريع يعني تاخذ الكبري وتتجه للبلده وتاخذ طريق عفيف حوالي 154 كلم الى عفيف وتستمر من عفيف على نفس الاتجاه الى الدوادمي والطريق من عفيف الى الدوادمي اغلب الاحيان عليه حركة سيارات بحكم كثرة القرى عليه ومن عفيف تتجه الى البجاديه حوالي 100 كلم وتمر خلال عدد من القرى ثم من البجادية الى الدوادمي حوالي 70 كلم

نتمنى لك رحلة ممتعه والله يستر عليك

ابوعبدالله ماقصر عطاك الوصف الجيد وفق الله الجميع

مالك ومال العثا

العجوز الحكيمة تقول لوليده

ياوليدي عليك بالطريق السهل ولو طال

ان كنت راح تمشي بالليل انصحك بالطريق السريع ولو طال عليك شوي بس تاصل مرتاح

ماقصرتم على الوصف

السريع أريح للسياره والقديم أقصر ولكنه ردىء جدا بين عفيف والدوادمي في بعض الأماكن، توني جاي معاه الجمعه الماضيه.

افاجك الاخ أبو عبدالله وجعله يسلم
تحياتي