الوافي عزام
25-08-07, 11:48 PM
السلام عليكم ورحمة الله وبركاته
كيف حال الجميع ,,,,, هذي سالفه من تأليفي وحبيت تتمتعون بقرائتها
وعسى ان تحوز على رضاكم
طبعا هي خياليه وبطلا القصه طير فرخ مقرنس بأستراحه ومعه بنفس الاستراحه طير وحش اول سنه يقرنس عند الناس ودارت بينهم هذي المحاوره الشعريه
وسببها ان القرناس ضايق صدره وهو بالقرناس لانه ماتعود الا على الحوم والخضيرا بعكس الفرخ اللي من العش طار له كم يوم وشبكوه الصقاقير ولا عرف حومه ولا مشابط
ودارت بينهم هذه المحاوره :
الفرخ يخاطب القرناس
وش فيك يا اشعل الريش قرناس *** ذهنك شريد وبالك اليوم مهموم
القرناس يخاطب الفرخ
وش رايك اليوم وضعنا محتاس *** بين شبك وجدار ونمنع من الحوم
الفرخ يخاطب القرناس
الا انت وش جابك بين هالناس *** دامك خبير وفاهم وتعرف اللوم
القرناس يخاطب الفرخ
الله لايسامحهم لا وسموني نوماس *** جابوا علمي بقطاة وانا مانيب لاهوم
الفرخ يخاطب القرناس
انا جابوا علمي بساعه في عزبة عباس *** توي صغير من الماكر لا مشابط ولاحوم
القرناس يخاطب الفرخ
انا بلاي الجوع اللي جابلي العوماس *** اول نهاري مراقب من رفحا الى ام الدوم
الفرخ يخاطب القرناس
يومك مراقب وتعرف العلم بقياس *** وشلك وقطاة بها شبك من فوقها مزموم
القرناس يخاطب الفرخ
من اصبح الصبح وانا ماعلي باس *** وشفت القطاة عصير وقلت هذي عشاي اليوم
الفرخ يخاطب القرناس
صار اللي صار وترى الناس اجناس *** وانت عند الآدمي لك قدر وشيمه ومحشوم
القرناس يخاطب الفرخ
قدري بالسما لاتعليت وغيرها افلاس *** وجدي وانا مبرقع وموسر وكل يوم مسيوم
الفرخ يخاطب القرناس
عسى علومك العام على اسمك نوماس *** تذبح الحبارى مثل ماعلوموني اياها بتعلوم
القرناس يخاطب الفرخ
اذبح فصيل ولا اجود الا مع الراس *** مير البلا لا افلسو من الصيد وحمامهم بالكوم
الفرخ يخاطب القرناس
هذا شغلهم كل يوم لي واباري الساس *** الحقه اخاف اقعد بلاعشا ويلحقني اللوم
القرناس يخاطب الفرخ
انت توك صغير وماتعرف وش يدور بالراس *** الوعد بعد الربطه لأيران والعفش محزوم
والله ان يشربون من الحزن مليون كاس *** مراوحي لماكر خابره ما تآصله البوم
وش لي ومطارد الشقى والعيشه خياس *** عيشة خلا تشري بذهب وابدل حالي اليوم
تمت وصلى الله على نبي ارسل للناس *** عداد ماطار طاير بجو السما وتعلى الحوم
وارجوا انها نالت استحسانكم واعذروني ان كان هناك اخطاء لاني لست كامل والكمال لله سبحانه وتعالى
وان كانت القصيده غير موزونه فلست بشاعر وانما ( تخبط عشواء )
والسلام عليكم ورحمة الله وبركاته
كيف حال الجميع ,,,,, هذي سالفه من تأليفي وحبيت تتمتعون بقرائتها
وعسى ان تحوز على رضاكم
طبعا هي خياليه وبطلا القصه طير فرخ مقرنس بأستراحه ومعه بنفس الاستراحه طير وحش اول سنه يقرنس عند الناس ودارت بينهم هذي المحاوره الشعريه
وسببها ان القرناس ضايق صدره وهو بالقرناس لانه ماتعود الا على الحوم والخضيرا بعكس الفرخ اللي من العش طار له كم يوم وشبكوه الصقاقير ولا عرف حومه ولا مشابط
ودارت بينهم هذه المحاوره :
الفرخ يخاطب القرناس
وش فيك يا اشعل الريش قرناس *** ذهنك شريد وبالك اليوم مهموم
القرناس يخاطب الفرخ
وش رايك اليوم وضعنا محتاس *** بين شبك وجدار ونمنع من الحوم
الفرخ يخاطب القرناس
الا انت وش جابك بين هالناس *** دامك خبير وفاهم وتعرف اللوم
القرناس يخاطب الفرخ
الله لايسامحهم لا وسموني نوماس *** جابوا علمي بقطاة وانا مانيب لاهوم
الفرخ يخاطب القرناس
انا جابوا علمي بساعه في عزبة عباس *** توي صغير من الماكر لا مشابط ولاحوم
القرناس يخاطب الفرخ
انا بلاي الجوع اللي جابلي العوماس *** اول نهاري مراقب من رفحا الى ام الدوم
الفرخ يخاطب القرناس
يومك مراقب وتعرف العلم بقياس *** وشلك وقطاة بها شبك من فوقها مزموم
القرناس يخاطب الفرخ
من اصبح الصبح وانا ماعلي باس *** وشفت القطاة عصير وقلت هذي عشاي اليوم
الفرخ يخاطب القرناس
صار اللي صار وترى الناس اجناس *** وانت عند الآدمي لك قدر وشيمه ومحشوم
القرناس يخاطب الفرخ
قدري بالسما لاتعليت وغيرها افلاس *** وجدي وانا مبرقع وموسر وكل يوم مسيوم
الفرخ يخاطب القرناس
عسى علومك العام على اسمك نوماس *** تذبح الحبارى مثل ماعلوموني اياها بتعلوم
القرناس يخاطب الفرخ
اذبح فصيل ولا اجود الا مع الراس *** مير البلا لا افلسو من الصيد وحمامهم بالكوم
الفرخ يخاطب القرناس
هذا شغلهم كل يوم لي واباري الساس *** الحقه اخاف اقعد بلاعشا ويلحقني اللوم
القرناس يخاطب الفرخ
انت توك صغير وماتعرف وش يدور بالراس *** الوعد بعد الربطه لأيران والعفش محزوم
والله ان يشربون من الحزن مليون كاس *** مراوحي لماكر خابره ما تآصله البوم
وش لي ومطارد الشقى والعيشه خياس *** عيشة خلا تشري بذهب وابدل حالي اليوم
تمت وصلى الله على نبي ارسل للناس *** عداد ماطار طاير بجو السما وتعلى الحوم
وارجوا انها نالت استحسانكم واعذروني ان كان هناك اخطاء لاني لست كامل والكمال لله سبحانه وتعالى
وان كانت القصيده غير موزونه فلست بشاعر وانما ( تخبط عشواء )
والسلام عليكم ورحمة الله وبركاته