السلام عليكم ورحمة الله وبركاته

اخواني تكفون دلوني وش الحل في اللي انا فيه

القصه وما فيها اني شريت كمرة canon S5 من الوكيل الي بعمارة المملكة

البيعة تمت على الكمرة واالشنطة والشاحن GP و البطاريات معها

اثناء الاستخدام البطاريات ما تكفي الا من 2 الى 5 صور

ولذلك استخدم البطاريات السبير الي كنت مستعد بها لمثل هال الحالات

مالكم بطولها

رجعت للوكيل قال الضمان ما يشمل الهدية ( معتبر الشاحن والبطاريات هديه )

لا ويقول انا انصحك بالكمرات ذات البطاريه الليثيم ( وشو بعده ، هال الكلام ما طلع الا ذلحين)

يالربع

انا مقتنع بالكمره وكذلك البطاريات( لإمكان إستخدام الاسبير بسهوله وتوفرها بكل مكان)

الحل والفزعه يا الوجيه الطيبه في :

اولاُ : وش الحل بالشاحن الي عندي والبطاريات

ثانيا: ماهو افضل شاحن وبطاريه بديلة عن GP

ثالثا: كم قوة البطاريه المناسبة للكمرة

شاكر لكم الفزعة مسبقا

اخوكم / كروكي

عليكم السلام ورحمة الله وبركاته
هلا وغلا اخوي كروكي لا تزمل ابدا بطاريات الاصبع افضل بواجد من الليثيم يكفي تلقها في البقالات وفي كل مكان

خذ لك شاحن اصلي وخذ لك بطارية شحن قوة 2500 امبير او 3000 تدوم معك على طول تصور لك الين تقصر اسال مجرب جربتها على الكانون s3 والان معي تمام على السوني h5


http://www.upload.ps/280807/2767ff00b8.jpg



http://www.upload.ps/280807/2f535cdef4.jpg

الله يعينك اخي كروكي.

الحل انك تشتري بطاريات يعاد شحنها وهذي تجدها بعض المحلات المتخصصة.

بصراحة انا مالي خبر بهالتقنية ... بطاريات الليثيوم تكفيك هالتعب.

اخوي/ الصقر مشكور على المرور

_________________________________

اخوي ابو عبدالعزيز

اشكرك على الرد ، وافيدك اني شاريها من وكيل Canon وشلون ما تطلع اصليه

وبعدين صورك حلوه وواضحه بس الشاحن من سوني والبطاريات من GP ومن سانيو

واستخدمتها في كمراتS3 و H5

اشوف انك من كل بحر لك شربه

اخوكم / كروكي

أخوي كروكي حياك الله

مبروك عليك الكاميرا

وأما الشاحن اللي انت تقول ياليت تحط له صوره او اي معلومه واضحه عنه

لكن من خلال تجربتي عليك بشاحن سوني

فيه نوعين جيدات نوع سعره ب 84 ريال وفيه اربع بطاريات 2100 امبير

وهذا انا استخدمه وكرفته كرف الوووويل حتى البطاريات صبوره ماشاء الله

لدرجة اني اصور بعض الاحيان عليه 700 صوره بدون ان تنتهي

وفيه نوع ب 120 ريال أيضاً من سوني لكنه أفضل من خلال سرعة الشحن والبطاريات اللي تجي معه ونوعها 2500 أمبير

وبأذن الله اجيب صورها في رد قادم

لكن الاسعار اللي ذكرتها فوق قد تكون تغيرت

ولله الموفق

اخوي كروكي كم ساعة تخلي البطاريات تشحن؟

انا عندي شاحن كوداك,وبطاريات كوداك 2100 ملي امبير تحتاج الى 17 ساعة شحن.

وكلما زادت قوة البطاريات احتاجت وقت اطول.

اخوي / عمار السفينة

الله يبارك لك

ابشر سوف احاول ارفق صوره للجهاز
___________________________

اخوي / ابو وسام

مشكور على المرور

اول مره خليته بالشاحن اكثر من 12 ساعة والمطلوب اعتقد 8 ساعات

اخوكم / كروكي

اخوي / عمار السفينه

ارفق لك صورة الجهاز

http://www.alrahalat.com/vb/uploaded/834_1190374235.gif

مع تحيات اخوك / كروكي

الاخ العزيز كروكي
اكمالاً لما قاله زميلنا عمار السفينة
انا عندي شاحن سوني شريته من وكالة سوني ب 165 ريال مع اربع بطاريات 2300 امبير جايه معه
من مميزات هذا الجهاز
اولاً توفر شاشة تبين تقدم عملية الشحن
وثانيا ممكن يشحن البطاريات اللي اصغر مقاس (AAA)
وثالثأ توفر ميزة refresh وهذه الميزة وظيفتها عندما تريد شحن البطارية تقوم بتفريغ البطارية تماما قبل بداية شحنها
طبعا التفريغ قبل الشحن يطول عمر البطارية ويزيد قوتها مع ملاحظة ان هذه الميزة تستخدم فقط مع بطاريات سوني فقط
يعني اذا حبيت تشحن بطاريات اخرى غير سوني فان الشاحن لايقوم بتفريغ البطاريات قبل شحنها - على طول يقوم بالشحن
وفي نوع ثاني من سوني نفس المميزات السابقة اللهم عدم وجود شاشة سعره 135 على مااعتقد
هذا الشاحن ممكن تلقاه في المحلات الكبرى مثل اكسترا والكترو ..الخ
اللي اكيد تلقى النوعين عند وكالة سوني وتلقى عندهم بطاريات سوني بقوة 2500 و2700 و3000 امبير
عشان تختار اللي يناسبك
واخيراً من تجربتي مع هذه الجهاز ماوجهت أي مشكلة ابداً علماً باني استخدمه منذ اكثر من سنة في جميع الطلعات البرية

الشباب ماقصروا
والبطاريات المعادة الشحن أفضل بكثير من الليثيوم لأسباب كثيرة

الاخ كروكي هذه صور الشاحن اللي ذكرته لك


http://www.alrahalat.com/vb/uploaded/16_1190415458.jpg



http://www.alrahalat.com/vb/uploaded/16_1190415483.jpg

السلام عليكم

اخوي كروكي

يبدو ان الاخوان ماقصرو

انا عندي شاحن سوني صناعه صينيه وهو ممتاز واشتريت اربع بطاريات زياده لتكون جاهزه

عندما اشحن البطاريات الفارغه اعتقد سعره حوالي 70 ريال يقوم بفصل الطاقه عند اكتمال الشحن

وبهاذا تعرف ان البطاريات ممتلئه

http://up.joreyat.org/22Sep2007/IMG_1554.JPG

اخوي / الجارمن

اخوي / طلمس

انا عاجز عن الشكر لكم ومن أدلى بدلوه في هذا الموضوع

وتأكدو اني وكل من مر عليه استفاد

وتقبلو تحياتي،

اخوكم / كروكي

أخوي كروكي اسف جداً

على التأخر لان عندي بطْئ شديد في المتصفح

لكن انا اذكر احد الاخوان عنده بطاريات Gp

شراها جديده مع ذلك مااشتغلت وصارت مضروبه

لذلك انصحك بالسوني

ولاازيد على كلام الاخوان

مشكور اخوي / عمار السفينه على المرور

وزي ما تفضلت اعتقد ان المشكله من البطاريات

لكن فيه محاوله اخيره مع الشاحن لعلها تفرج ان شاء الله.

اخوك / كروكي