بسم الله الرحمن الرحيم

يعلم الله انني لم اسجل بهذا المنتدى الا بعد مشاهدتي للدعوه العامه من قبل الاعضاء والقائمين على هذا المنتدى للاجتماع السنوي بالدهو لزوار منتداهم . فاتضح اسلوب الالفه والمحبه بهذا المنتدى الذي اصبح لدي غالي ورواده. فقررت العزم لحظور لقاء الدهو للتعرف من قرب على من كان حاضراجتماع الخير فعلا
وحيث لم يكن لي سابق معرفه باي عضو من قبل كان ابو عبدالله ثهلان ونعم الصحبه الله يحفظه يوضح المكان لي .قال بيكون اتصال من شان نمشي مع بعض .وفي الاخير طلع من رجال قريه كلن يعرف اخيه . مرني ابو عبدالله وكلا يحلف معي معي طلعنا بالسياره .المهم وصلنا محطه هلا وكان متواجد ابو فراس ومهراس وراعي كيف. وريف النشاما .وكلا بسيارته منهم
وصلنا المكان قبل المغرب وقابلت وتشرفت بوجيها ماودك تفارقها وذربه باسمه من اصغرهم سليمان ولد ابوسليمان حلوه لاكبر شاب ابو اسماعيل وابو فراس.وكان محذرنا الشايب حق الصمان ويقول كلا يجيب فطوره والا يسرف ونفذنا بس طلعت خيانات الشايب وابو شعلا ن وبو سليمان وغيرهم .والحقيقه الي شفتها كل سياره بعزبتها وعيشتها يعني لو تقعد سنه ماتموت جوع .طبعا كلا جايب رزقه معه والجواء كان عليل والرميله الي ماودك تقوم منها وشبه نار مع نسناس براد وسوالف وعلوم رجال .
من جميع مناطق المملكه. تشرفت وسررت بمقابله ومصاحبه ابو عبدالله ثهلان .
وشايبنا ابو عبدالله ديكور شاب بسم الله عليه .وبو فراس (السيف للاواني )وسيارته ماتشيل الا شخص واحد بالعافيه يالله ركبناه من كثر عزبه .والقارمن وابو صقر شقيقي بالسيارات ان كان ماني غلطان جايين من القصيم علشان سلك كينود لابو فراس امزح .وابو اسماعيل وصحبه الكريم الله يطول بعمارهم .وراعي اللاند الله يحفظه وسيارته وسيله الاتصال بالنت صاحب اول سبق اعلامي للمنتديات وهو بث حي للرحله مباشر للنت لاعدمناهم.واما راعي الحباري ابو عزيز ماتنمل منه وسوالفه الله لايضره وعياله اقول وشلون شالهم الربع ههههههههه شكلي بنطق الرحله الجايه .وابو ناصر صديق المهنه ورفيقه ينبلعون الله يسعدهم خاصه دعايه الكشري . ومهراس ابو فهد جده الله يعينه على الرجعه لجده شايل همه من قابلته .وابو ادم واستديو متنقل ودك انه معك بكل رحله .ابو هشام المتحفظ الله يحفظه وسيارته الصيوان.وابو شعلان بسم الله عليه نام بدري وراه تفتيح العيون الله يعينه .ووفقني الله بمقابله ريف النشاما وراعي كيف. الي فعلا راعي كيف شوفوه بالصور الي نزلوها الشباب بالمنتدئ وهو يصلح قهوته . وابو وسام. وولد ابو اشرف الي ماشفنا ابوه لكن المرات الجايات ونتشرف .ممكن اكون نسيت احد من الاسماء الي تشرفت بمقابلتهم لكن العذر والسموحه.
الحقيقه لم اتوقع ان تكون الرحله ناجحه لهذه الدرجه لكن بتوفيق الله ثم رزانه عقول كل المتواجدين الي حظروا .من النوادر ان تطلع برحله مع رجال لاول مره تحس انك تعرفهم من رحلات عديده .

وفق الله الجميع من حظر ومن لم يستطيع

الاخ الغالي ذيب العرمة


والله انك كفيت ووفيت


ماشاء الله على هالسرد الطيب لاعظاء الرحلة وماقصرت والله


انها كانت شرف لنا ان نواجة بعض

ماشاء الله
لقاء طيب ...فاتنا ولكن ماباليد حيلة
مشكور وماقصرت

الله يعطيك العافية اخي ذيب العرمه
ماقصرت في الوصف اللقاء الجميل
كان ودنا اللقاء بكم ، لكن حالت بيننا وبين الظروف

تحياتي

ماشاء الله تبارك الله

حقيقه وبلا زيف ... أجتماع تمنيت حظوره ...

لكن ... قدر الله وماشاء فعل ...

والله ثم والله كان فيه عشاء عند الوالد ولا قدرت اخت من عنده ....

أجتماع مبارك ... واجزم جزم تام ان الجميع استفاد ...

الله لايفرقكم ... ويبارك فيكم ...

ويكفيكم شر كل حاسد اذا حسد ...

الغالي ذيب العرمه .... شاكر لك تلك الحكايه ....

التي نسجتها لنا من الواقع ... القريب ...

محبك ومغليك ...

ابو حمد ...

ذيب يا ذيب العرمة

الله لا يحرمنا منك ومن سردك الجميل والرائع

والله يكتب لنا الالتقاء بكم في اجتماع خير ومحبة ومعزة

تقبل تحياتي وتقديري

راعي اللاند ربي يسعدك مواجه الرجال شرواك يزيدنا وبعدين هذي اول رحله لي معكم الله يعينكم المرات الجايه لاني بسوي تفصيل وصور وجيه وخشش وعزب وحركات .مشكور يالغالي

هزيم الرعد مشكلتي مااااقابلتك واتشرف لاكن مذكور بالخير من ثهلان والاخوان الله يسعدك الجايات اكثر وشرفني مرررورك .

ابو اشرف فقدناك وجانا الممثل الرسمي لك ولدك الله يحفظه ويخليه لعين ترجيه ربي يسعدك والجميع ونتقابل بالخير.

اما راعي الهد د ابو حمد خلوه لي ووبارته الي يرووووووح لها ولتهامه فوق الف كيلو والا يحظر 200 كيلو رغما انها جمعه طيبه فقدنااه فيها . لكن تبقى يابو حمد نور كل مكان انت فيه. رغم اني ماااااااااقابلتك الا كتابي .المرات الجايه لالالالالالالالالالالالالاعذر لك وتبقى احد الاسباب الي خلتني اجي هنا .سلمك ربي من كل شر ; كني زوت عليك يابو حمد

الضاحي جايك احظر الرد

الاخ العزيز ذيب العرمة
اسلوب سلس وأنيق ووصف ممتع ودقيق للرحلة - اهنئك على هذا الابداع
تخليي الواحد اللي ما تطلع كأنه طالع مع الشباب

ااااااااااخوي الضاحي اصلا ردك شرف لي الله لايهينك تمنيت اقابل اهل الطيب مثل الي شفت هناك لكن اربط حزامك الجايات اكثر ووووووفقك ربي.

القاارمن اولا مشكور الي رديت وشرفتني . وباقي خويك معك جنبك اهم شي البارح يكفينا شفناك وخويك ابو صقر وسلك الكينووود وجبتوووووه وارتفعت اسهمك عند الرجال . ياحبني لكم

هلا بخوي ايو عبدالعزيز

الله يبارك بهالطلعات اللي خلتنا نعرف ناس وصاروا اخوان لنا

بسم الله الرحمن الرحيم

هلا وغلا بالغالي ذيب العرمه
والله اسعدني لقائك وشرفني الحديث معك وكل الزملاء

وترا على فكره حنا ماودنا نقلب بعض المواضيع اللي يمكن تضايق بعض الاشخاص المدعومين اعلامين
مثل قولتك سلك القارمن او المحول اللي بغى يحرق الخضر واليابس:D
بس ربي ستر

بس والله كانت رحله ممتعه رغم بعد المشوار
وكانت تسوى العنوه

ونتطلع للمشاركه في رحله مماثله باذن الله

الغالى ذيب العرمه

ذيب فى حياتك ومستأنس فى سوالفك وأسلوبك
ارتكزاللقاء على أكثر من ثلاثين عامود قوى
أعمدة صلبة وأعمدة جديدة توه الخلاط صابها
الرحلات ليست فقط منتدى مثل باقى المنتديات
وانما يميزه أيضا التعارف واللقاء بين الأعضاء

أشكرك على كل حرف سطرته يدك الكريمة
وأتطلع شوقا للرحلة القادمة قريبا باذن الله

بسم الله الرحمن الرحيم

أخوي أبوعبدالعزيز ...

يامال العافيه والله ... وفّيت وكفّيت الله لايهينك ... سرد رائع للإجتماع ...ويعلم الله إني تشرفت بمعرفتك ومقابلتك يالغالي ...

ولكن ياخوي أنت قلت إن أبو شعلان نايم بدري ... ياخوي أخاف إنهم يحسبوني شايب من هاللي خبري خبرك هههههه :D

لا لازم توضح لهم إني شباب توّي ياربي لك الحمد ... ;)

ولاهنت يالغالي على هالكلام الطيب ...

,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,

العم ابو فراس الله مير يحييك و يبارك فيك انسريت بشوفتك والاخوان الي حظروا ربي يعافيك ويرجع عميراتنا 10 سنين بس والا 15 سنه مافيه مشكله لا وبالعافيه بعد


ابو صقر المهلي مايولي الحمدالله الي شفناكم وتشرفنا بشوفتك وخويك المنقذ القارمن . 911 . ترانا ماحشينا فيكم واجد شلوطه بس مزووووووووووح .
الاسم الي فوق اسمك بالرد ذا يقول ان اخوه ابو نواف دايم مايشتري الا الزين من عزب وغيره لكنك يابو صقر شاري كونتينر صيني وبتصرفه على ابو نواف.

ريع الدياب الله يعمدك بالعافيه ويسعدك بالدنيا والاخره عمي ابو اسماعيل انا بشوق للقادم ولقيا الاحبه باذن الله .

[quote=أبو شعلان;26749]بسم الله الرحمن الرحيم




أخوي أبوعبدالعزيز ...

يامال العافيه والله ... وفّيت وكفّيت الله لايهينك ... سرد رائع للإجتماع ...ويعلم الله إني تشرفت بمعرفتك ومقابلتك يالغالي ...

ولكن ياخوي أنت قلت إن أبو شعلان نايم بدري ... ياخوي أخاف إنهم يحسبوني شايب من هاللي خبري خبرك هههههه :D

لا لازم توضح لهم إني شباب توّي ياربي لك الحمد ... ;)

ولاهنت يالغالي على هالكلام الطيب ...


,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,

اخوي ابو شعلان الله يبعد جلدك عن النار وانا والله تشرفت بمقابله ومعرفه الرجال شرواك بسم الله عليك وسواليفك الي ماتنمل الله يحفظك لعين ترجيك افتخر بمقابلتك والا يهونون الاخوان .
اما بالنسبه انك شايب علشان النوم بدري حول ثنتين عقب بنج الكشري كل صوره وانت مع الكشري ماشاءلله امزح. الوكاد انك يابو شعلان اصغر مني . شرفني مروووووووووووورك ياغالي

حياك الله وكل لقاء والجميع حاضرين ................

أقول يازينك انت وسرد الرهيب والصراحه تقل نعرفك من يوم الخميس بس :D أقصد أن

الكلفه طايحه بننا والحد لله . لاتحسب بس هذا التعليق ترابه زود ................. ;) .

وقريبا كفشات رحلة أجتماع الدهو :eek: :) :mad: ;) :rolleyes: :cool: :confused:

الشايب ابو عبدالله شرفني مرورك بالموضوع ومع ذلك ابنزل لك صوره لاني ناوي حتى لو مارديت ماشافها احد وانت ماشفتها. الله يطول بعمرك .

السلام عليكم ورحمة الله وبركاته

ووفقنا الله بالتعرف عليكم ولقياكم ، وعلى أخوة أخرين لم يسبق لنا لقيلهم أو التشريف بالسلام عليهم ، إلا من خلال الهاتف ، وقضى ليلة من أمتع الليالي وأجملها معكم أخي الغالي ذيب العرمه

وعلى الخير نلتقي

أخي ذيب العرمه (أبو عبد العزيز):

الواقع لقاء الدهو كان لقاء رائع وجميل بالتعرف على الأعضاء الكرام امثالك،معرفتك شرف كبير لي، وياليت كانت جلستنا أيام، وانت وصفت المكان والجو خير وصف، واسلوبك غاية في الأمتاع والله يسلمك على شرحك الوافي، عزيز وغالي يابو عبد العزيز، نشوفك في رحلات قادمه والله يحفظك من كل سوء وشكرا على الكلمه الرقيقه
( ومهراس ابو فهد جده الله يعينه على الرجعه لجده شايل همه من قابلته)
وهذه الصوره أخترتها لك من بين الصور
http://www.alrahalat.com/vb/uploaded/227_1191107456.jpg

ابو مرواااان الله يرحم والديك ويجزاك الف خير انت كبير بكل شي وتستاهل وعتبرني ولدك الصغير.

والله احس اني اخطيت بحقك يابو مروان لاني حديث عهد فيكم والا ذكرتك لالالالالاكن لقيت لك صوره

ابنزلها بموضوع عن الرحله بالقريب العاجل

وسامحني تكفا .

مهراس ابو فهد الحمدالله وصلك ربي سالم\\\\\\ وتراي اتصلت عليك مااااااترد شكلك تشيك على

الستاوي .والله العظيم اني تشرفت بشوفتك وطيبتك وقليبك الطاهر . ولك صوره بنزلها بالمنتدى وبعدين وين السي دي .

وبعدين صورتي العيون شابه ضوء ليه مالقيت الا هذي ضبط فلاشك لاهنت والا ابنزل لك صور ياويلك.

السلام عليكم
ذيب العرمة اخي الأكبر صاحب الدرر الأكبر وصاحب القلب الكبير الحقيقة رئيت في هذا الشخص ولا يهونون الربع حب الخير والنصيحة التي قلّ الكثير منا التناصح بها فبارك الله لك هذة الهبه التي وهبك الله بها .
سرد رائع من شخص رائع لأعضاء رائعون فما أجمل الأخوه في الله والحب فيه .
ومهما كتبت فلن اوفي حق هذا الرجل .

اخوك المحب راعي كيف
ابو ناصر

أخوي ذيب العرمه

حيا الله الخوي

ونعم الخوه ونعم الرفيق أبو عبدالعزيز

وبالفعل كانت جمعه أحباب رائعه استمتعنا فيها برؤية والجلوس مع اخواننا الاعزاء في ليلة رائعه ومميزه

كل الشكر لمن تعنى وحضر

والله يجمعنا واياكم جنات النعيم

ونراكم في لقاءات قادمة بإذن الله

راعي كيف حياك ربي وادعلنا بسجودك الله يطول عمرك و يهدينا. احرجتني بكلامك الطيب. اعتبرني اخوك الصغير الله

يحفظك قليبك طاهر الله يطهر قلوبنا . انت من ضمن كوكبه الرجال الي نفتخر فيهم ونتشرف بمقابلتهم

بسم الله عليك وعلى الهدواء والرزانه الي تتحلى فيها امل ان نتقابل مع الاخوان برحله ربيعيه وتكون موجودعلشان امخمخ على قهوتك.

ثهلالالالالالالالان اسف اني تاااااااااخرت بالرد عليك لكن السااااااعه المباركه الي شفت ثهلان ابو عبدالله الله يحفطه فيها. والله ماااااحسبت بشووووفتك ولا شوووفه الي شفت بالدهو الا كل خير ووووصدفه خيرا من الف ميعاااااد والله يجزي صاحب الفكره وكل واحد حظر من اكبرهم لالالالاصغر واحد ولد ابو سليمان . ثهلان وراك خط طويل معي

يعطيك العافية يابوعبدالعزيز على الوصف الرائع ومبادرتك الطيبة في حضور اللقاء وياليتنا حضرنا هاللقاء الطيب مع أناس لم نرهم منذ فترة طويلة ( ابو فراس - ابواسماعيل -ابومروان -المترو -ابوفهد -الجارمن - nahham ) ونسعد بالتعرّف على الأعضاء الآخرين ويجمعنا الله بهم على خير إن شاء الله تعالى وعدك مبارك مقدماً ونراك في العيد