السلام عليكم ورحمة الله وبركاته
إتفقنا نحن والمجموعة المباركة على القيام برحلة إلى صعافيق لثلاثة أسباب
الأول هو تقرير أبو عيون الطيب اللي يسلمه
الثاني هو إني ماعمري طبيته
الثاث بس تسذاتا بدون أي سبب
المهم ياجماعة وحنا اللي نتفق ...ونتفق مرتن ثانية ...ومير نتزهب ...قلنا الوعد يوم الربوع الظهور << هي الظهر بس عشان تكون على السجع
المهم وحنا اللي نركب مواترنا ...ونمشي على وصف أبو عيون المنتاز << ماسكن ورقة أبو عيون وملصقه بالقزازة قدامه وكم مرة شوي ويسوي حادث بسبب هالورقة ...عموما النفود إختلف على تسميته ..أحدهم يقول أنه السر وصعافيق عنكم شمال وأحدهم يقول هذا صعافيق ..
المهم ما أطول عليكم ...
رحلتنا كانت من الربوع اللي هو قبل أمس ..لمين الخميس اللي هو أمس ليلا
*ملاحظة .. يرد في السالفة إسم أبو عيون ..هذا واحد من أهل طريف ماتعرفونه http://www.alqosman.net/vb/images/smilies/bs11.gif
وهذي الصور
لا
قبل الصور
خارطة الطريق
http://alrassxp.com/forum/uploaded/820_1170665536.jpg


حيث أن حركة السير كانت من الرس - المذنب - روضة الحسو من نم روضة الحسو يسار همن الدخول بالنفود


هذي أول صورة بعد ما انحرفنا ( الله يستر ) عن الممهد (البطناج) يسارا ولقينا هالمحل وقررنا تنكي بوه ..على فكرة ..تأريخ الصور ماكان مضبوط بس زيناه عقب ..وعلى فكرة ثانية.. كشتتنا بالأساس كانت للربيع وشوفة الربيع وهالمكشات الطيب ..أكثر منه تلقيط فقيعات


http://alrassxp.com/forum/uploaded/820_1171022974.jpg


من الأشياء اللي شدت إنتباهي عند محلات البر هذا الشئ ..وشريته عشان أستفيد منه
صورة أولى
http://alrassxp.com/forum/uploaded/820_1171023097.jpg


وصورة ثانية
http://alrassxp.com/forum/uploaded/820_1171023162.jpg


صم أوف بعيرز واز ذير http://srv3.doook.net/~alrassxp/forum/images/smilies/sm1/u124.gif
http://alrassxp.com/forum/uploaded/820_1171023243.jpg


كان الأرطا متوفرا ..اكسر وشب ....خلاف الأخبار التي وصلتنا بأن الحطب غ م << يعني غير متوفر ..هنا وكما هو مخطط له من قبل الزعيم ... شب المزيد من الإرطا من شان المجمار الدولي << مثل حق السفير
http://alrassxp.com/forum/uploaded/820_1171023358.jpg


صباح يوم الخميس ...وبعد نومة هنيئة ولله الحمد وفي ليلة لاباردة ولا دافئة قمنا وصلينا ومن ثم بدأت حركات تجهيز القهوة والشاهي ( أبو إبراهيم يسوي قهوة جدا رهيبة ) لايفوتكم اكشتوا معه http://srv3.doook.net/~alrassxp/forum/images/smilies/sm1/u185.gif
http://alrassxp.com/forum/uploaded/820_1171023551.jpg

يتبع

إكتشفنا في هذه الصورة أن أبو إبراهيم يتمتع بعراقيب خالية من الشطوب http://srv3.doook.net/~alrassxp/forum/images/smilies/sm1/u124.gif ...ماشاء الله ..ياحمبي له والله
http://alrassxp.com/forum/uploaded/820_1171023669.jpg




كما هو معروف أن الزعيم كان قد وضع مجماره ليلا ...وتكتك وضعه ...همن صباحا ... أخرجه ..ونظفه فظهر لنا هذا المجمار ( القرص ) اللي ماهنا أزين من منظره



http://alrassxp.com/forum/uploaded/820_1171023808.jpg



وصورة أخرى مقربة أكثر .... ياجمالوه http://srv3.doook.net/~alrassxp/forum/images/smilies/sm1/u185.gif
http://alrassxp.com/forum/uploaded/820_1171023933.jpg





طالب التختور الإستشاري أبو محمد بأخذ أشعة مقطعية للقرص حتى يستطيع الحكم على جودته فكانت هذه الصورة
http://alrassxp.com/forum/uploaded/820_1171024007.jpg



8
ماشاء الله يابو صالح يازعيم ... أنشهد إنك تحكر القرص



ماطولنا ...أخذ الزعيم في فرك المجمار وحنا مغير نشوف ( كاشتن مع زولة ) ومن ثم أضاف البصل ..وزيت الزيتون ..وبالأخير التمر المفتفت .. وقال إقلطوا ..عاد حنا إستحينا منه قلنا ما سوينا معك شي بهالقرص على الأقل نساعدك بأكله
وهذي الصورة قبل الهجوم الثلاثي العدواني على مصر هكالحين http://srv3.doook.net/~alrassxp/forum/images/smilies/sm1/u187.gif
http://alrassxp.com/forum/uploaded/820_1171024197.jpg



الزعيم بعدها أخذ في التمشي فوق النفود .. فكانت هذه اللقطة ( الصورة بعيدة بس الزوم مقربه )
ومن هنا يلاحظ تعديل تأريخ الصور من إعدادات الكاميرة
http://alrassxp.com/forum/uploaded/820_1171024330.jpg



لقطة زود
http://alrassxp.com/forum/uploaded/820_1171024404.jpg




يتبع ...

صورة للممسوح اللي يقول عليه أبو عيون
http://alrassxp.com/forum/uploaded/820_1171025073.jpg








زارنا زائر في رحلتنا بطريقة أو بإخرى ... فقررنا أن نصوره ولكن لإنشغالنا وضعناه تحت المداسيس حتى يشعر بالدفئ والحنان ومن ثم نقوم بتصويره








http://alrassxp.com/forum/uploaded/820_1171025241.jpg




مازال نائما رغم رفع المداسيس عنه





http://alrassxp.com/forum/uploaded/820_1171025313.jpg
هالزاحف هذا استغربنا من أمره ونوعه ..هل هو أم حبينان صغيرة مثلا ؟ ( أم الحبين) أم لا
عموما الشئ العجيب هو إنه إذا صار بالنفود يسوي حركة عجيبة ويرج بسرعة كأنه على الهزاز ويندفن بالنفود ... سبحان الله وهنا له صورتين الأولى وهو متشقلب حيث إن الزعيم قال له نبي نصورك فديو وأنت تندفن بالأرض وعيا ورفض رفضا باتا يقول إن بيه وبين ART عقد وإنهم مشفرين هالحركة .. قام أبو صالح وعلقه تعليق قال إن تسان بتسبدك مر خله يحوس مريرك
http://alrassxp.com/forum/uploaded/820_1171025539.jpg
بعد ماحس بالغثيان وتقلبت تسبده قال خلاااااااااااااص نزلوووووووووون ابزوووووووووووع نززززلون وأنا أسوي اللي تبون
ومير ينزله أبو صالح قال يالله سو الحركة ...وهو اللي يصلحه قال بسرعة تكفون ولا يدري صالح كامل
http://alrassxp.com/forum/uploaded/820_1171025677.jpg
بعدها أطلقنا سراحة ولكن طلب حليب السعودية لأن معدته شوي تعبت
بعدها إتجهت أنا والزعيم في تحدي مع الذات لصعود النفود فطلعنا فوق أكبر طعس حولنا وكانت هالصورة .. واللي تحت السهم هذي سياراتنا ومحلنا ...بينما أبو إبراهيم شمر عن ساعديه لحكر الغداء
http://alrassxp.com/forum/uploaded/820_1171026453.jpg
وصورة أخرى من فوق
http://alrassxp.com/forum/uploaded/820_1171026556.jpg
باقي بعد كمن صورة

بعدها عدنا منهكين فإذا بأبي إبراهيم وقد حكر ذيك الكبيسة اللي ماودكم إلا تاكلونه وأنتم جوعانين بقوة وكانت هالصور مع بدايات العدوان ( من أصعب لحظات التصوير انك تصور وأنت جوعان وخوياك يتلذذون بالأكل ) http://srv3.doook.net/~alrassxp/forum/images/smilies/sm1/u124.gif
http://alrassxp.com/forum/uploaded/820_1171026752.jpg



صورة مقربة .... ألغام أرضية وقنابل عنقودية http://srv3.doook.net/~alrassxp/forum/images/smilies/sm1/u187.gif
http://alrassxp.com/forum/uploaded/820_1171026891.jpg



8
8
8



تسلم الأيادي يابوإبراهيم الصراحة إنك حاكرها صح



بعد وجبة الغداء حضر إلينا ضيف على إستحياء ...من بعيد فكانت له هاللقطة ( السهم )
http://alrassxp.com/forum/uploaded/820_1171027113.jpg



التمتع بتقنية الزوم كانت من خلال هذه اللقطة
http://alrassxp.com/forum/uploaded/820_1171027198.jpg



غادرنا بعد قليل ولم يمهلنا أن نقدم له واجب الضيافة
بعد الغداء إتجهنا إلى المانعية من أجل التمتع بمشاهدة المرهمات وما أدراك ما المرهمات ...وكانت المسافة تقريبا 12 كلم قطعنا فيها النفود بطريق مخالف للطريق الأول ..وكلما قربنا من من الأسفلت كثر الكشاتة خصوصا العوايل منهم...شفنا هالمخيم الكبير فتوقفنا لأخذ صورة له وهو خاص بأحد العوائل حسب اللوحة الموجودة على الطريق
http://alrassxp.com/forum/uploaded/820_1171027407.jpg




طلعنا من النفود ...ومسكنا الأسفلت ....ومشينا برهة من الكيلوجرامات ...لمين وصلنا المانعية ..والمانعية هي ...أو تدرون ...اللي مايعرف وشي المانعية يرعص قوقل ويكتب المانعية ويعرف كل شي
بالنت مابه شي ما ينعرف http://srv3.doook.net/~alrassxp/forum/images/smilies/sm1/u121.gif
المهم ...وحنا اللي نوقف ...ونتفرج على الشباب الرايقين ...وكان فيه واحد معه رانجلر الصراحة أبدع بالطلوع .. يوم جيت أصوره فديو ومير ينزل تحت ويوقف ... بكيفه هو الخسران منول يينزله له ملف فديو بس هو الخسران http://srv3.doook.net/~alrassxp/forum/images/smilies/sm1/u187.gif
صور من المانعية على السريع لأننا ما أبطينا به
http://alrassxp.com/forum/uploaded/820_1171030639.jpg


يتبع

بعدها خرجنا من المانعية متجهين من لم أم حزم ناوين على شرب القهوة والشاهي بأقرب محل ونيس كآخر مشاريع الكشتة الطيبة
تكينا بمحل منتاز مرتفع ..,شفت لكم هالمنظر
http://alrassxp.com/forum/uploaded/820_1171031131.jpg


عائلة يوكون بن جنرال آل موتورز ...المطايا الطيبة
http://alrassxp.com/forum/uploaded/820_1171031211.jpg


القائد الركن ...المهيب ... في حالة شموخ
http://alrassxp.com/forum/uploaded/820_1171031276.jpg


وزانت السمرة ...والتكية ...وغابت علينا شمسنا مودعة يوم جميل أضاف لي الكثير عن هالمنطقة المجهولة بالسابق بالنسبة لي
http://alrassxp.com/forum/uploaded/820_1171031460.jpg


ومع آخر الصور هنا ...السمرة الطيبة على الضوية
http://www.alqosman.net/vb/uploaded/13_1170976842.jpg


بعدها توجهنا إلى أم حزم وملينا الكفرات هواء ومنها إلى الطريق السريع همن الرس
أتمنى إني قدمت المفيد ..وعذرا على الشرح البدائي والسريع

الله يمتعك يأبوشكاع انت وخوياك فى طاعته
كما متعتنا معك وأشركتنا فى كشتتكم الرهيبة
عشنا معكم كل تفاصيل الرحلة من أولها لآخرها
الطريق والطعوس وقرص الجمر والكبسة والزوار
والأرطى وضويته والمرهمات .. ما خليت شىء

مشكور اخوي ابوشكاع هلى التقرير الرائع

رحله رائعه وتعليق اروع . وأطلق ما بالكشته

هالصوره .. http://alrassxp.com/forum/uploaded/820_1171023162.jpg

يا اخي بعض الناس اذا قضاء كاشت يتعمد يوسخ المكان . وهذا غباء..

لوه في بيته كان ماخلى المكان وسخ ...

على العموم بارك الله فيك وماقصرت يالغالي ..

الله يجزاك خير يا ابو شكاع
الحقيقة وصف ممتع
ماقصرت الله لا يهينك
مشكور يا الغالي

وش هالزين يابو شكاع

اثنين يوكون وكامرات تقرب البعيد ... ونظافة .... وش السالفة ؟؟؟؟

انا خابرن الاسهم طايحة .... ؟؟؟؟؟؟

لكن تبي الصدز .... والله اني كني معكم بهالرحلة ... ذلك من جمال التعليق والوصف الدقيق .... وهذا هو الشغل الزين في طرح المواضيع.

شكراً يا بو شكاع .... على هذا الجهد الرائع .... وياعلك كل اسبوع تقوم برحلة ... علشان نشوف طرحك الرائع .

بارك الله فيك.

أبو شكاع

ما شاء الله رحلة طيبه ورفقه طيبه والجميل فيها القرص والنظافه

ابوراشد وابوعلي ماكانوا معكم؟


مستمرين في رحلات التسمين :D الله لايضركم

مشكور ابوصالح وتقبل أجمل تحية

تقرير مصور رائع ..
تشكر على هذا البيان الكامل
لتلك الرحلة الممتعة بحق .

اخوي ابوشكاع


ماقصرت بالمره على التقرير والصور والتعليق


وقرص الجمر

عليكم بالعافيه

واختيار موفق للمكان


;)

وعليكم السلام ورحمة الله وبركاته

أخي الغالي ابوشكاع ، جزاك الله خير على هذا التقرير الرائع لرحلة ولا أروع ، والمناظر الجميلة والصور التي تسر الخاطر وتبهج النفس

بسم الله الرحمن الرحيم

ماشاء الله تبارك الرحمن ...

رحله موفقه أخوي أبو شكاع ... الله لايهينك ... إسلوب رائع وسرد مميز... الصراحة تمتعنا وكشتنا وإستانسنا .. مع هالصور الرائعة ... وعساكم دايم بهالوناسه يارب ...

أخوي أبو شكاع ... لاتبخل علينا بالتقارير القادمة ..

وننتظر المزيد ... من الجديد ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,

كان عندي إشكالية بالإتصال فتأخرت عليكم فالمعذرة يا إخواني

الله يمتعك يأبوشكاع انت وخوياك فى طاعته

كما متعتنا معك وأشركتنا فى كشتتكم الرهيبة
عشنا معكم كل تفاصيل الرحلة من أولها لآخرها
الطريق والطعوس وقرص الجمر والكبسة والزوار

والأرطى وضويته والمرهمات .. ما خليت شىء


ياهلا والله بريع الدياب
تسلم يالغالي وماقصرت على مرورك واللي نطرحه هو نقطة من بحر إبداعاتكم جميعا
شكرا لك تشريفك محلنا وياهلابك

مشكور اخوي ابوشكاع هلى التقرير الرائع


رحله رائعه وتعليق اروع . وأطلق ما بالكشته

هالصوره .. http://alrassxp.com/forum/uploaded/820_1171023162.jpg

يا اخي بعض الناس اذا قضاء كاشت يتعمد يوسخ المكان . وهذا غباء..

لوه في بيته كان ماخلى المكان وسخ ...


على العموم بارك الله فيك وماقصرت يالغالي ..


العزيز الرحال ....
تعلمنا المحافظة على نظافة مكان الكشتة من خلالكم ...وأصبح سلوك نمارسه الصراحة بإستمتاع في كل رحلة
شكرا لك ولمروك ومشاركتك

الله يجزاك خير يا ابو شكاع
الحقيقة وصف ممتع
ماقصرت الله لا يهينك
مشكور يا الغالي

النداوي ... الشكر لك عزيزي واتمنى أن أكون قدمت ما يرضي أذواقكم
وياهلابك

وش هالزين يابو شكاع

اثنين يوكون وكامرات تقرب البعيد ... ونظافة .... وش السالفة ؟؟؟؟

انا خابرن الاسهم طايحة .... ؟؟؟؟؟؟

لكن تبي الصدز .... والله اني كني معكم بهالرحلة ... ذلك من جمال التعليق والوصف الدقيق .... وهذا هو الشغل الزين في طرح المواضيع.

شكراً يا بو شكاع .... على هذا الجهد الرائع .... وياعلك كل اسبوع تقوم برحلة ... علشان نشوف طرحك الرائع .

بارك الله فيك.

هلابك أبو أحمد
هذا انا تراي إلامني مسكت معي خلاص اصير أقشر << وش عنده صواية الليل ينافخ
أشكر لك تواصلك ومحدك لي << أسلوب الولد
ولاهنت ياعمنا
والف شكر

أبو شكاع


ما شاء الله رحلة طيبه ورفقه طيبه والجميل فيها القرص والنظافه

ابوراشد وابوعلي ماكانوا معكم؟


مستمرين في رحلات التسمين :D الله لايضركم


مشكور ابوصالح وتقبل أجمل تحية


هلا أبو عبدالله ربي محييك
أبو راشد وأبو علي شلة غير هالشلة
هذولا زملاء عمل
وهذولاك جحلط إستراحة :D
ومشروع التسمين مستمر ما إستمر تشفير الدوري السعودي
وهلابك وماقصرت

ابو شكاع

كأني كنت احلم من حلاوة الصور وماصحيت الى على صورة الضوية اللي تسر الخاطر

أقول ويشلونك مير الله يوسع صدوركم أنت والي يقراء والمسلمين أجمعين

وين الحق ياخوي :mad:

تقرير مصور رائع ..
تشكر على هذا البيان الكامل
لتلك الرحلة الممتعة بحق .

الليل .....أهلا وسهلا بك ...وتسلم على مرورك

اخوي ابوشكاع


ماقصرت بالمره على التقرير والصور والتعليق


وقرص الجمر

عليكم بالعافيه

واختيار موفق للمكان



;)


القويرة
الله يسلمك يالغالي
وشاكر لك مرورك الجميل ... ولاهنت ويعافيك ربي

وعليكم السلام ورحمة الله وبركاته

أخي الغالي ابوشكاع ، جزاك الله خير على هذا التقرير الرائع لرحلة ولا أروع ، والمناظر الجميلة والصور التي تسر الخاطر وتبهج النفس

أهلا وسهلا بك ... بك أبو مروان
والشكر لمرورك العذب
وياهلابك

مشاء الله عليكم والكبيسة صدع راسي يوم شفتها .. بالهني والعافية

بسم الله الرحمن الرحيم


ماشاء الله تبارك الرحمن ...

رحله موفقه أخوي أبو شكاع ... الله لايهينك ... إسلوب رائع وسرد مميز... الصراحة تمتعنا وكشتنا وإستانسنا .. مع هالصور الرائعة ... وعساكم دايم بهالوناسه يارب ...

أخوي أبو شكاع ... لاتبخل علينا بالتقارير القادمة ..

وننتظر المزيد ... من الجديد ...


,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,


أبو شعلان ... تسلم تسلم .... الله مير يسلمك
وبإذن الله القادم أجمل
شكرا لك

ابو شكاع

كأني كنت احلم من حلاوة الصور وماصحيت الى على صورة الضوية اللي تسر الخاطر

هلا هلا أبو فراس .... الله يحلي أيامك ياعمنا ....
والله يمتعنا بالصحة والعافية ونجلس مثل هالجلسة قريبا
شكرا لك

أقول ويشلونك مير الله يوسع صدوركم أنت والي يقراء والمسلمين أجمعين

وين الحق ياخوي :mad:

حي الله شايب الصمان
اي حق الله يسلمك ....إيه تذكرت ... ماتقول ان الحق حطيته أ بالصمان يرعى عشان يربرب صح ..لأنه لبني ...وصغير بالعمر ... عمره يومين ونص ..لا وغير هذا تيس أنابيب ... يعني ما يمشي إلا بالليات اللي طالعتن من خشمه وأفمه :D
تسلم ولاهنت

مشاء الله عليكم والكبيسة صدع راسي يوم شفتها .. بالهني والعافية

أبو درع ... فاتتك هكاليوم ... كان هجوم قوي جدا رغم الألغام :D
هناك الله بالإيمان وطاعة الرحمن
شكرا لك

الف شكر اخوي ابو شكاع ، رحلة موفقة.

السلام عليكم ورحمة الله وبركاته

ابو شكاع الله يسلمك رحله اعطيك عليها 10/10 ما شفت أحلى من كذا تنوع في كل شى وأحتواء لكافة عناصر الرحله واظهارها في أحسن صوره علاوة على الأسلوب المليء بالمداعبات اللتي لاتخطر على بال الكثيرين، الله يهنيكم ,اعجبني في رحلتكم الآتي:
1- الأهتمام بالنظافه والحاويه اللتى لاتأخذ حيزا مع الأغراض.
2- شرح الرحله من أولها الى نهايتها وتسلسل الصور.
3- المكان وسط النفوذ ومتذرى زاده جمالا التلال المرتفعه والمنخفضه.

تقبل تحياتي.

:D :D الله يهلك ابليس العدو :D :D
موضوع فكاهي اكثر منه رحلاتي..
العمده ماطلع عمده به الصوره..مدرس بدنيه ابتدائي..:eek: :D
http://alrassxp.com/forum/uploaded/820_1171022974.jpg

اما بها الصوره..خبّاز افغاني:D ..ياحبي له والله:o ..ونا ما اعرفه:( :cool: ..
http://alrassxp.com/forum/uploaded/820_1171023808.jpg

اقتباس
((عاد حنا إستحينا منه قلنا ما سوينا معك شي بهالقرص على الأقل نساعدك بأكله))
الله يخزي شيطانك قل آمين..
لو أنا بدال العمده كان قلت ماحد ياكل الّ لمين يروح يلقط لنا حطب..:cool:
سرد القصه رائع جدا ..وتحديد الصور واطاراتها روعه نغبنك عليها..

يامال العويفيه ابو شكاع الله يونّسكم دنيا وآخره..
وكثّر لنا تكفى هاه؟؟
اخوك الصغير
نقا خريم..

مشا الله عليكم شغل ولله شغل

الف شكر اخوي ابو شكاع ، رحلة موفقة.

دائما ما اتذمر من عادتي البائسة إلا وهي التأخر بالردود فعذرا لكم يارجال
راعي الشاص ...
تسلم وماقصرت والله يسلمك

السلام عليكم ورحمة الله وبركاته


ابو شكاع الله يسلمك رحله اعطيك عليها 10/10 ما شفت أحلى من كذا تنوع في كل شى وأحتواء لكافة عناصر الرحله واظهارها في أحسن صوره علاوة على الأسلوب المليء بالمداعبات اللتي لاتخطر على بال الكثيرين، الله يهنيكم ,اعجبني في رحلتكم الآتي:
1- الأهتمام بالنظافه والحاويه اللتى لاتأخذ حيزا مع الأغراض.
2- شرح الرحله من أولها الى نهايتها وتسلسل الصور.
3- المكان وسط النفوذ ومتذرى زاده جمالا التلال المرتفعه والمنخفضه.

تقبل تحياتي.

عليكم السلام ورحمة الله وبركاته ....أهلا وسهلا بك مهراس ...
ياهلا براعي جدة ... ماشاء الله عليك .. ألاحظ دائما حرصك على إجتماعات الشباب رغم بعد المسافات وهذا أمر يدل على طيبتك وحبك لإخوانك وتفانيك ..تراي بهالأمور ما أعرف أهرج بس المعذرة حبيت أبين لك مدى إعجابي بهالناحية
أشكر لك تعليقك ...والحمد لله أن المشاركة أعجبتك
وهلابك

نقا خريم .... ياأهلا وسهلا ومرحبا بك ... أجل الزعيم صاير مدرس تربية بدنية إبتدائي ههههههههههههه
الرجال مهوب حولش هالحين يعمر ماشاء الله
الحمد لله إن المشاركة أعجبتك ... وبالنسبة للإطارات هذا الله يسلمك الفيتوشوب أعرف بس أسوي الإطارات واكتب على الصور ...وأحيان إلامني حفظت الصورة تصير الكتابة اللي أنا كتبته من الخلف مثل منول أختام الأستديوهات ...تذكر أختام الأستديوهات منول :D
تسلم ولاهنت ...وبهالمناسبة وبما إن المشاركة أعجبتكم حبيت أقول لكم إني نسيت أحط صورتي
يالله أول مرة أبو شكاع يجزم ويحط له صورة بالنت << من معنا يالأخو ..أنا عارف أن صقر يبي ياخذه ويقصقصه بالفيتوشوب ويحطن وكأني كاشت بحوش ...ما يخلي عنه هالحركات ..وممكن شايب الصمان يبدأ يرسله لجروبات ويقول أجمل تعليق .. بس تراي ما أسمح لكم أبد :D
الصورة هذي من نفس الرحلة ..أول ما وصلنا قلت أبصور ..تخبر الواحد توه واصل ويبي يصير كشخة قبل يبدا يتطمل ويصير تقل بعيرن توه متمرغ
تصدق ..حسيت نفسي كاشت مع سمو ملكي من راعين المقانيص
.
.
.
http://www.alrahalat.com/vb/uploaded/151_1173258658.jpg

مشا الله عليكم شغل ولله شغل

كململ ...تسلم ولاهنت وشرفتنا

طلعة في قمة الروعة

وفقكم الله

إلا بغيت أسألك .. ما غرزتوا ؟؟ - الله يكافيكم الشر -

مشى حاله الدبل ولا .. زي كل مرة ؟؟

وعليكم السلام ورحمة الله وبركاته

الله عليك
بس لو تطعمنا من روحك
ونشوفك يالغالي

دمت بخير