السلام عليكم ورحمة الله وبراكاته
حياكم الله يالرحالة
كثر في الآونة الاخيرة التشكي من وصاخة البر يعني ذالي ينطلون خمامهم عقم مايكشتون الله يهديهم
طيب انا عندي فكرة
ليش مانكنس البر وننظفة ؟
طبعا انا ما أقول اطلع من الدوام وخذ معك مكنسة ورح لروضة نورة وأكنسها كلها
لا لا
مهوب هذا قصدي لأن مكافحة المخدرات بيمسكونك متلبس
بس يكون فيه زي الحملة نطلقها من منتدانا وبيتنا منتدى الرحلات
يعني كل واحد يطلع البر في أي مكان
يجمع الي يقدر عليه من الخمام (الله يكرمكم)
يعني انت الحين طالع البر ومنزل صورك انت وربعك والمناظر الافكار والاحداثيات
والربيع وغيره
طيب زد صورة وحدة عن الخمام الي جمعته (الله يكرمكم)
وطبعا تكون عادة في أي موضوع ننزلة أو اي رحلة نخصص لو جزء بسيط من الموضوع لسالفة التنظيف هذي
حتى لو كان شوي
طبعا ماراح تكون شغلتك تنظيف البر مع ان الواحد وده يكون مثالي للدرجة ذي بس ماراح نقدر
لأننا أوادم ودنا نوسع صدورنا
بس لو خصصنا لو نص ساعة نجمع فيه بعض الخمام (اكرمكم الله)
خصوصا الي جنبنا يعني القريب لا تبعد ابد
أنا متأكد ان هالطريقة بتجيب نتيجة حتى لو معنوية يعني يكون الواحد على الأقل قدم لو شي بسيط لهلأرض
أتوقع الفكرة جديدة يمكن غيرنا ماسواها
خلونا ناخذ السبق والمبادرة
يعني ناخذ الموضوع بجدية شوي
وأنتم ابخص
أخوكم مجمع الخمام الكبير
شعف
عضو فريق ذيابة الخمام قصدي ذيابة العتش
المحرقة قصدي ثادق
خالد الشريهي
11-02-07, 01:35 PM
أخوي شعف
فكرة جميله وقابله للتنفيذ............... الواحد إذا لقى مكان أعجبه ويبي يجلس فيه بدأ أول شيء بالتنظيف فلو توسع شوي ونظف مكان جلوسه واللي حوله لكان بدايه وبعد ما ينوي المشيه ينظف بقاياه وشوي زود من اللي حوله وبكذا يكون نظف مساحة كبيره
تحياتي وشكري لك على إهتمامك
القويره
11-02-07, 05:06 PM
هلا بك اخوي شعف
الصراحه انت شايف وش نسوي احنا بعد مانخلص من المكان
وهذا حق من حقوق المكان اللي احنا اقمنا فيه
حتى بلديات المناطق والمحافظات ماتقصر بالروضات اللي تابعه لها
وبرضو تلقى من يتخلص من نفاياته بطريقته دون اي مبالات
بان يترك المكان احسن من ما كان
ترى المشكله ان العوائل ماتدرب عياله اثناء الرحله
الاهتمام بالبيئة
وفكرتك مره حلوه ان اي واحد ينزل صور لرحله طلعها
تكون من ظمنها صور لتنظيف المكان اللي كان هو فيه
مشكور
اخوك القويره
عضو في فريق ذيابة العتش
ثادق
هلااااااا
حياكم الله ياثهلان والقويرة
اشكركم على المرور والتواصل
مع ان ودي انكم معطيني افكار عشان نطبقها
يعني الي عنده فكرة يقولها عشان نتفق على طريقة مثلا
ونسوي حملة خاصة بالمنتدى
اتمنى مشاركة باقي الأعضاء
سلام
فريق ذيابة العتش
ثادق
كلام جميل أخي الكريم .
نعم فقط لو تم إزالة ما في المكان فقط لكان شي محبب .
نتمنى أن يكون ذلك .
خالد الشريهي
12-02-07, 12:59 PM
مع ان ودي انكم معطيني افكار عشان نطبقها
يعني الي عنده فكرة يقولها عشان نتفق على طريقة مثلا
ونسوي حملة خاصة بالمنتدى
الافكار موجودة أخوي شعف
عندما يجد الواحد منا مكان ذاري وجميل للمكشات ولكنه غير نظيف يتركه ويرح يدور مكان ثاني............... فلو قمنا بتنظيف المكان بدلا من البحث عن مكان آخر لكان خير مساهمه
كما أننا لو قمنا بتنظيف المنطقة اللي حوله لكان عمل طيب وسترى كمية النفايات التي تجمعها في وقت قصير
هذا كبدايه ومع الوقت يمكن تنظيم حملات نظافة البيئه
وليكن شعارنا البيئه تحتاج عوننا
تحياتي
راعي الشاص
12-02-07, 07:57 PM
الف شكر خوي شعف
يعني ممكن انقول انطلاقة شعار منتدى الرحلات ؟؟؟
البيئه تحتاج عوننا
ثامرالماضي
13-02-07, 08:31 AM
بسم الله الر حمن الرحيم
لاهنت أخوي شعف ... فكره رائع بالحيل ... وأخوي ثهلان عطانا العلم ولايهونون الباقين ...
والصراحه الواحد إذا نظف المكان يحس إنه سوى شي مهوب بسيط .. وتلقاه من يوم يجلس .. لاتجدع ذا ولاتكب هذا ... وتلقاه يحرص على النظافه بشكل خيالي ... ورغم كل ذلك تزيد الوناسة ...
مشكور وماقصرت أخوي شعف على هالموضوع ...
ولكن قولة : يمسكونك المخدرات متلبس .... ههههههههههههههههههه
خلتني يومين مارديت من الضحك ...
أخوي شعف ننتظر جديدك المفيد ...
,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,
مشكوررررين يالرحالة
صراحة اثريتوا الموضوع بردودكم وافكاركم
بس محتاجين لباقي الأعضاء
عشان يكون فيه اتفاق ويكون فيه توقيع او شعار للحملة أو فكرة الحملة
سلااااااااااااااام
النداوي
25-02-07, 05:34 PM
أخوي شعف الله يجزاك خير
الحقيقة إنها فكرة جميلة وقد قام الإخوان بتطبيقها في رحلة صلب الصمان
وقد كان لنا شرف المشاركة معهم في هذا العمل الطيب
أخوك أبو عبدالله
السلام عليكم
وآسف على الاطالة
اشكركم على المشاركة والأراء وننتظر المزيد
اخوكم شعف
فريق ذيابة العتش
ثادق
slloomi
26-02-07, 01:18 AM
اخوي شعف... تحية طيبة.. وموضوع ممتاز
الفكرة حلوة ... واذا ممكن تقبلون اقتراحي ..
ليش ما نستفيدمن المدارس وحلقات تحفيظ القرآن ..
يعني الحين حنا في موسم الطلعات والكشتات..
واعرف بحكم خبرتي السابقة مع الرحلات النشاطية الطلابية ان اصحاب جماعات النشاط الطلابي يتحمسون بسررررررعة :d وبعدين يأخذون الموضوع من ناحيتين:
1- اماطة الأذى عن الطريق(والأجر اللي فية).
2-حماسهم للعمل الجماعي .
فلو نحاول نبدأ الموضوع اولا مع كم حلقة تحفيظ قرآن... كم مدرسة من اللي في القرى بحيث.. ان كل قرية تطلع طلابها للروضة اللي قريبة منهم .. أو الشعيب اللي حولهم.. ويكون بشكل اسبوعي لمدة ساعة تنظيف وبعدين البرنامج العادي للرحلة.
واذا نجحت الفكرة نقدر نطرحها السنة القادمة على مدير النعليم بمنطقة الرياض.. لاكن... يكون معنا تجربة عملية .. وارقام وحجج قوية لاقناعة..
وارجو نقل الموضوع الى منتدى البيئة لإشباعة نقاش وبحث
دمتم
محمد الديحاني
26-02-07, 10:14 AM
انا اقول ان هالموظوع مهم جدا, لكن فية بعض الناس الله يهديهم لامنه كشت ولقاله محل نضيف استانس وانبسط وخل المكان مزبلة يحسب ان فيه ناس بتجي وتنضف بعده.....؟؟؟؟ للاسف لوفكر اشوي ان لو كل واحد منا ترك زبالته وراه كان ماصار فية محل يكشتله بعدين"ومايدري هالاخ ان هالزبالة مضرة للحيوانات". والله يا اخوان مافية ازين من النضافة, في الاسبوع الي زل ذهبنا الى احد الفياض واول مانزلنا مسكنا قارورة الموية ام 6 ريال وشقينا ارقبتها وصارت كانها صطل زبالة"اعزكم الله" وبعد ماخلصنا وجينا ابنمشي حطينا هالقارورة في النار "ولا انصح بدفن الزبالة" واقل حاجة تستفيد من هالنار الي بتروح وتخليها. من هالمنتدا الراقي ارجو تثقيف اولا اهلكم وربعكم وزملاكم بهالموضوع...........
ارجو من الله انا نرجع نشوف القيعان قفر زي ماكانت بالسابق