السلام عليكم ورحمة الله وبركاته
ودي يا جماعة اروح للشوكي ولا أدري وين
وهل صحيح أن فيه فقع

جب واحد يزكيك وابشر بمكان تلقط به فقع

ترى امزح مزحة بس

اخوي لو كتبنا احداثيات الأماكن الزينه في المنتديات كان والله بكره تشوف العالم حيستها مثل ماتشوف الحين في البر في الأماكن القريبه وبعض الأماكن البعيده تشوف وسخ الناس وزبايلهم وقلة حياهم

انا قررت ماعاد اعطي احد لا احداثيه ولا وصف في المنتديات

لو انها عليك ياخوي الكريم كان والله ابشر بس هالعالم الي تقرى وتطلع على النت ترى على طول تلقاهم قدامك وحيسين لك المكان مضبوط

هذا رأيي وجعلك سالم

عن طريق الرياض القصيم السريع تتجه مع مخرج تمير وبعد ان تخرج من تمير
بتوصل قرية مبايض يجي حرف t اتجه يمين وتجيك الشعب تجاوزها واطلع ما الطلعة
بعده بيجيك خطوط يمين الخط امسكها ليت تطب بالشوكي

بالنسبه للفقع فما عندي علم

عفوا يابو حمد لم اشاهد ردك يالغالي

وكذلك من مخرج جلاجل للقادم من جهة القصيم .

تسلم اخوي ابواحمد والله يعطيك العافية
وبالنسبة لكلامك يا راعي الهدد تراك صادق بكل ما قلت بالنسبة للي يسونه الناس بالبر وأخشى أن تكون ممن يكتمون العلم

شـكــ وبارك الله فيك ـــرا لك ... لك مني أجمل تحية .