هناك العديد من القصائد التي تذكر بالماضي القريب وما فيه من بساطة وترسم لوحات فنية لاوضاع الناس ومسا كنهم ومأكولهم ومشروبهم وملبسهم

قصيدتنا هذه فهي للشاعر /احمد الناصر الاحمد / ويقول فيها

لسماع القصيده أضغط على الرابط التالي
http://la.joreyat.org/download.php?id=43d570c4eb1cf58cbb9b0aed867bcb7d

نسيتي المزح بالقبة = ونسيتي لعبنا الطبة
نسيتي كشختي دايم = بثوب دوبلين اخبخب به
نسيتي غترة الململ = تغطيني تقل جبة
نسيتي الركض بالطاية = لاصار بدارنا شبة
لاجابوا فضلة القرصان = نتسابق ودنا نلبه
نسيتي إزعاجنا لمك = وهي بالحوش منكبة
نسيتي معلف ام العوف = تصفينه وانا اكبه
نسيتي ثوبك التنتر = وغيظك لأنقطع حبه
لاجابت امك الوازلين = نهج للحوش ما نحبه
تبي تدهن قوايمنا= وحنا نهوش ونسبه
نسيتي بسطة عزيز = ايلاجاء العصر بالقبه
نسيتي خرطه الماصل = يجيب الحكي من عبه
نسيتي القربة الشنه = وماها البارد نقبه
نسيتي قولك معصقل = وانا اعيرك يالدبه
نسيتي نعالنا التليك = هي الموتر ونلعب به
نسيتي من كثر ركضك = انا مسميك بالدبة
نسيتي موعد الحنا = ايلا جاء صابكن خبه
نسيتي طيحتك بالليل = وهي ظلماء وانا السبه
نسيتي اكلنا الهبود = نتناقر والسبب حبه
وامك لاتهاوشنا = وتحط بعيوننا شبه
نسيتي ثوبك الكرته = ننكت فية ونشبه
نسيتي كحة المذن = قبل يذن يبي ينبه
نسيتي تريكنا المصنق = نغسلة قبل ما نشبه
وندعى الله كود العنز= تجيب وليد نلعب به
نسيتي كيف اوصف لك = زمان يعلمه ربه
حلو رغم الفقر بالحيل = زمان راح ونحبه
نسيتي ليه ما ادري = دخلتي الوقت من جنبه
لك الفديو لك التلفاز = لك المكياج ما احبه
لك الدنيا وزخارفها =وعطيني حظار مع قربه
ومعهن مسفع بالي = وثوب اللا س والطبه
ارجو ان تحوز على رضاكم ... ابو فارس

حلووووووه
الله يعافي هالوجه

مشكور اخي الفاضل أبو فارس
من طول الغيبات جاب الغنايم.

هذه القصيدة من أروع ما قرات وسمعتها قبل سنوات في التليفزيون في أحد البرامج الشعبية ، واعتقد انها بصوت أحد المذيعين المتخصصين في الشعر الشعبي.

بارك الله فيك.

شكرا اخي ابو قارس على المقطع

لاجابت امك الوازلين = نهج للحوش ما نحبه
تبي تدهن قوايمنا= وحنا نهوش ونسبه

كانك تتكلم عني، يوم كانت رجليني مثل الصنفره من برد الطائف، ما كانت امي تقدر تدهنهن الا اذا صرت نايم.

رجعه للماضي الجميل، الماضي والله حلو لو انه امس، بارك الله فيك يابو فارس، القصيده تعتبر قاموس شامل.
لكن يابو فارس ايش هو الهبود،و شكرا على موضوعك الطريف.

عجيب هالشاعر وقصائد مشكور وبيض الله وجهك وصح لسانك ولسان الشاعر

اسامي ... تسلم .. ويعافيك ربي

تسلم يابو أحمد ....والله يقدرنا على المشاركه في منتدانا الرائع . مقدر مرورك الجميل

كان ... مشكور أخوي ..

مهراس .... تفاعل تشكر عليه يالغالي ... الهبود أعتقد نوع من انواع الفصفص.

ابو عبد العزيز . تـــــــــســــــلم ومشكور .

ألف شكر يابو فارس
قصيدة حلوة وتلامس مشاعر اللي عاشوا العصر والحقبة الماضية
لاهنت يابو فارس

يعطيك ألف عافية يا بو فراس رجعتنا شوي لماضينا اللي كل واحد منا متحسف على زواله

ا لاخ الغالي
ابو فارس
السلام عليكم
ياخيي نقضة الجروح الله يسلمك امين
اخوك
خشم الحصان
..........
طاية...... الرابط مايشتغل تكفي شف مسان ثاني الله يحسن الينا وليك

الغالي
ابو فارس
كل الشكر لك
والشكر موصول لشاعرنا الغالي
ابو عادل
وعساك على القوة يالامير


اخوك