بسم الله الرحمن الرحيم

حيا الله قرووووم منتديات الرحلات

هلا بالغالين

الوقت والجهد والصحة والنضر وتعب الأصابع وبحلقت العيون في الشاشة

فدوة لكم يا أحبتي

بعد تحقيق طويل عريض عن الدلال

وجدنا ان افضلها وأنسبها وأقواها وأمتنها وأزينها وبلا مبالغة
هي

دلةً حلوووة

دلةً زيييينه

دلةً مافيها عذروب ابد ابد

لاتــصـــدي

ولا تـــهــجـــر

ولا يــتـغـيـــر لـــونـــهــا

ومآخذه زين البغدادية وجودة الستيل في نفس الوقت وش رايكم




الا وهي دلة العساف المزيوووونة

قد تقولون مستحيل مايصير ابد يابو حمد كيف كل هالصفات في دلة وحده

اقول لكم الصور خير برهان

ولو شاهدتها على الطبيعة لما غادرت مكانك الا وهي معك

وللمعلومية انا كنت اشرب فيها منذ زمن من اكثر من اربع سنين او اكثر اذا سيرت على جدتي الله يحفظها

واشوف هاالدلة ومتزاينها مرة ولكن مالله انطقني اقول وش هالدلة ولافكرت اقلبها واشوف قفاها وش ختمها

المهم لا أطول عليكم

ذهبت اليوم في رحلتٍ استطلاعية

وقلبت سوق السبالة وسألت عنها وعجزت اجد جواب الين سخر الله لي محل ولقيتها عنده

قد يقول البعض ليش مالقيتها بسهولة ...؟؟؟

وليش ما أحد جاوبك ....؟؟؟

اقول لاتستعجل والصور تبين لك

تعال معي لاهنت ياراس الرجاجيل لاهنت

الصورة الأولى

هذا طرف من سوق السبالة الشارع الي يروح يمين اول ماتدخل شارع السبالة

http://www.mekshat.com/pix/upload/images28/mk33838_44.jpg

الصورة الثانية

وهذي المزيونة بسم الله ماشاء الله ماشاء الله عليها

خصر يحبه قلبك هههه

وقاعتها وسيعة

ومعروف الدلة اذا صار بطنها كبير او قاعها كبير أنها تشتمل على فوائد من الفوائد اقولها باختصار تبقى قهوتك حارة اطول من غيرها وتكون راسية يوم تحطها على الملة او مكان رمل او غيره ومنضر أجمل وهو مانشاهده في هذي او البغدادية كذلك


http://www.mekshat.com/pix/upload/images28/mk33838_11.jpg


الصورة الثالثة

هذي احد الفروقات الي تميز بها دلة العساف يوجد في ممر المثعاب حديدة على طوله والصورة واضحة جدا شف الحديدة الي مايلة مع المثعاب الين الأخير

http://www.mekshat.com/pix/upload/images28/mk33838_22.jpg

الصورة الرابعة

يوجد من دلة العساف لونين الذهبي والفضي وكلها ستيل من نوعية فاخرة وصحية 8/18

http://www.mekshat.com/pix/upload/images28/mk33838_33.jpg


الصورة الخامسة

طقم من دلة العساف لون ذهبي يالله فتنة فتنة

عز الله أن الدلال ورزتها في المجلس وصبتها للرجال عز وأي عز

http://www.mekshat.com/pix/upload/images28/mk33838_77.jpg


الصورة السادسة

هذه أحد الفروقات التي تميز بها دلة العساف الختم في اسفل الدلة او في قاعتها من برى

http://www.mekshat.com/pix/upload/images28/mk33838_66.jpg

الصورة السابعة

هذا الختم نفسه بس بصورة مقربة أكثر

http://www.mekshat.com/pix/upload/images28/mk33838_55.jpg


الصورة الثامنة

كرت مصنع العساف في حايل الصناعة كورية ولكن وكيلها في حايل وتوقف عن التوريد لم يعد يورد كمثل اول تقول لي ليش اجاوبك نهاية التقرير تابع معي

http://www.mekshat.com/pix/upload/images28/mk33838_88.jpg



طبعاً يا أخوان الدلة لم يعد يوردها العساف

هذا يا أخوان على حسب علمي وعلى حسب مارأيته بعيني

فمن يريد يصدق يصدق او يجيب لنا دليل بخلاف كلامي

عبدالعزيز محمد العساف يقال انه شايب من أهل حايل وهذا مايبي نشدة لأنه حاط وكالته هناك في حايل مثل ماتشوفون في الكرت



المهم توفي الشايب رحمه الله


واختلف ابنائه من بعد وفاته رحمه الله على اموال والدهم او شيء من ذلك وتوقف المصنع عن توريد هذه الدلة من كوريا

عموماً أنا لم اصدق ولكن ذهبت لفرعهم الي كان في السبالة اول ماتدخل شارع السبالة تخش في اول ملف يجيك يمين وفيه محلات اواني هاه انتبه فيه محلات اواني لف معه يجيك هناك في صفت المحلات

المهم رحت بناء على وصف أحد الأخوة في المنتدى وعلى الرابط حق الأستفتاء الي كتبته وهو رابطه عندكم فوق اول هذا الموضوع

المهم رحت هناك وسالت وقالوا من متى يابوي انت وين عايش سكر من زمان

وبدأت اسأل اهل المحلات من زود الحرص

وأجاب البعض بما قلت لكم بعاليه من أنهم مختلفين الأبناء او شيء من ذلك

فصدقت ذلك لماذا صدقت ..؟؟

لأن الدلة لم تعد موجودة في السوق مثل اول

بل درت في السبالة كلها ماوجدتها الا في محلين فقط وبعدد حبتين أو ثلاث وكذلك طقم واحد ذهبي بس

ودرت في سوق بن دايل كله ماوجدتها الا عند محل واحد فقط ودابل سعرها وقالوا كلهم بأنها لم تعد تأتي المهم روحو لقطو الباقي تراني اشور بها

ماهوب بكره انزل موضوع عن طلعة او مقناص وتشوفون الدلة مرتزة على النار تقولون من وين ... هههه

يتبع >>>>

دخلت على موقع العساف الأكتروني

http://www.alassaf.net/index.htm (http://www.alassaf.net/index.htm)

ووجدت انه يعمل

عموماًوجدت في موقعه صور لمنتجاتهم وهاكم بعض صورها
الصورة الأولى يسميها بغدادية العساف طبعا ستيل من نوع 8/18

http://www.mekshat.com/pix/upload/images28/mk33838_bagdadeyahc01.gif




والصورة الثانية

نفس الأولى بس فضيه


http://www.mekshat.com/pix/upload/images28/mk33838_bagdadeyahg.gif


والصورة الثالثة

نفس الدلة الي عرضتها لكم بالضبط ويسميها

الدلة الأصلية
وهذ صورة حلوووة يسميها بغدادية العساف

http://www.mekshat.com/pix/upload/images28/mk5592_777777777777777777777777.gif




تحققت من الموضوع اكثر الي هو موضوع توقف التوريد

واتصلت بوكالتهم في حايل

وقالوا لي صحيح ماقلت من انه مسكر الفرع الي في الرياض من اجل خلافات بسيطة


بس مازلنا نوردها من كوريا

ويجي الموزع للرياض بأذن الله يوزع

قلت عطني رقم الموزع

وهذا هو الرقم
0506170707
بسعر الجملة سعر لايصدق ابد

يعني الدلة الوسط محصلها في السبالة وحبة وحده بس بــ 140

وعنده اقل بكثير مرة

فعلا دلة مميزة وتريح البال

ارتحنا من تغيير الدلال من بعد ما شرينا هالدلة الرائعة

اخي راعي الهدد شكرنا الجزيل لتعريفك لهالدلة

تشكر أخي الكريم ..
وكما ذكرت .. أخي مميزة في نواحي عدة .

يامال العافية ياراعي الهدد
تقرير طيب ووافي الصراحة
شكرا لك

الاخ الغالي
راعي الهداد
السلام عليكم
اخي الكريم الله يجزاك عنا كل خير علي التقرير
اخوك
خشم الحصان
.............
نغزه........ سنها نوع من الدعايه ...........ولا:d

مشكور على هالتعريف
ولكن
في اي مدينة يقع شارع السبالة؟
وكيف الوصول له؟

بسم الله الرحمن الرحيم

وش هالزين يابوحمد ... عز الله إنك وفيّت وكفيّت يالذيب ...( وتسنك موزع مصري ) ههههههه

والظاهر اللي ماعنده نيّه يشتري .... يبي يشتري عقب هالحكي ....

عموماً مشكور وماقصّرت ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,

الله يجزاك خير يا راعي الهدد
كفيت ووفيت ما تركت شئ الا ووضحته
بخصوص هذه الدلة والحقيقة انها تحفة فنية
مشكور يا الغالي ولا تحرمنا من جديدك

أخوك ابو عبدالله

يامال العافية ياراعي الهدد
وشكرا وماقصرت

:d مشكور ياراعي الهدد على الدعايه الجميله والله انك نشمي وهذا دليل على حبك للأخرين ونحصك لهم وتحب الخير عسى الله يرزقك الإخلاص وهذا شي كبير .

الأخوة الغالين على قلبي والله يشهد على ذلك

ابو فراس ... الليل ... ابو شكاع ... خشم الحصان ... المربد ... ابو شعلان ... النداوي ... المغترب ... الأكليل

حياكم وبياكم ويعلم الله لم نقصد الدعاية يامعقد الشوش ياخشم الحصان ههههههههههههههههههه

بس وش نقول خشم الحصان واستلمك بنغزاته مالك الا الدعاء بالفرج هههه

الله يغفر لك ياغالي

ابو فراس اكيد الي مثلك وشرواك بيعرف هالدلة لأنك راعي الطيب والكرم يابعدهم

النداوي ابشر بكل جديد

ابو شعلان كني مصري هاه اوريك ياالأفريقي ههههه

والله من زود الحماس وحبي لكم ابيكم تشرونها لأنها والله دلة تستحق من يشريها اي والله

تقبلو المحبة والتقدير يابعدهم كلهم

الغالي راعي الهدد
والله انك صدقت في وصف هالدلة المزيونه ... بس لايكون لك نسبة ولا ناوي تشتري الوكالة :D
مشكور والله يجزاك خير

الغالي راعي الهدد
والله انك صدقت في وصف هالدلة المزيونه ... بس لايكون لك نسبة ولا ناوي تشتري الوكالة :D
مشكور والله يجزاك خير

هلا بك اخوي شرفتني بمرورك

والله العضيم تلاته ماليش نسبه ولاحاقه أزاي بتعملو معاي كدا يخرب بيت الفرنطا

هههههههه

ياحبي لكم ومزحكم

مشكور اخوي راعي الهدد

الغالي ساهر

شكراً لك يابعدهم

عليك السلام ورحمة الله وبركاته
ابوحمد هلحين يرد الرجال عليك ومرده زين
وتقول له يامعقد الشوش وشدعوى هوما قال إلا يمكن تكون موظف عندهم والوظيفه ماهي عيب

اقول اخيي ابو حمد والله لو تمدح عجوز طايحة سنونها
ان تعرس
لكن امدحني



على العموم شاكر لك وماقصرت في الشرح
وبارك الله فيك
تحياتي
ابوسامي

عليك السلام ورحمة الله وبركاته

ابوحمد هلحين يرد الرجال عليك ومرده زين
وتقول له يامعقد الشوش وشدعوى هوما قال إلا يمكن تكون موظف عندهم والوظيفه ماهي عيب

اقول اخيي ابو حمد والله لو تمدح عجوز طايحة سنونها
ان تعرس
لكن امدحني



على العموم شاكر لك وماقصرت في الشرح
وبارك الله فيك
تحياتي

ابوسامي



هههههههههههههههههههههههههههههههههههههههههههههههههه ههههههههههه

يعلم الله اني فطست ضحك منك يابو سامي الله يغفر لك

تعال تعال وش حادك يعني هذاك يقول انت مصري يابو حمد وانت تقول لو تمدح عجوز اعرست وش السالفة ياناس ههههههههههه

والله اشوف ان كلامي عادي مابه زود شي هههه

بس انتو سلطكم الله علي سبب سلطتي على واحد من الربع الله يكفيني شركم هالواحد حريص حيل على اغراضه وعزبته وكل شي من حلاله حتى تصدق ان قرطاسة القارمن الي بالجهاز مارماها كل مايخلص من الجهاز يلفها فيه وكمرته ناشب لي في طلعتي وياه للبر اذا خلص منها لفها بخرقة معه وتطيح الخرقة منه ونضطر نجلس وقت ندورها لاحول

عاد قلت له وش هالحرص يابو فلان والله لو عندك مرةً مطلقه عز الله مانتركها ههههه

وانتو هالحين استلمتوني وهذا بلا الي ينشب لخلق الله

طيب يابو سامي الجايات واعدك

والله ونعم
من جد يعطيك العافيه
بس عندي سوال ؟
ممكن طبعن اكيد الدله هذي عادي او اتومتك
يعني انا احط البن والهيل او هي من لاحاله؟

هههههههههههههههههههه

والله يازين الدله يوم تكون مدقدقه ومطعوجه من كل صوب
هذي ياخوي للبيوت مو للبر
لاكن مشكووووووووووووووور
ويعطيك العافيه

والله ونعم
من جد يعطيك العافيه
بس عندي سوال ؟
ممكن طبعن اكيد الدله هذي عادي او اتومتك
يعني انا احط البن والهيل او هي من لاحاله؟

هههههههههههههههههههه

والله يازين الدله يوم تكون مدقدقه ومطعوجه من كل صوب
هذي ياخوي للبيوت مو للبر
لاكن مشكووووووووووووووور
ويعطيك العافيه


بعبك ياخوي ماشفت الموضوع زين او ترد هنا وانت تريد مكان آخر

الدلة هذي مابها كلام ومن قال انها مدقدقه او مطعوجة

مثلها مثل البغدادية اللهم الا انها ستيل بس وهذا هو الي ميزها ورفع قدرها

وتابع الموضوع صح وتفهم قصدي وتفهم ليش هي مرغوبة

شكرا لك ياغالي

راعي الهدد


طيب الله فالك راعي الطيب


مايجيب الا الطيب الله يرفع قدرك اخي



زوووم

راعي الهدد


طيب الله فالك راعي الطيب


مايجيب الا الطيب الله يرفع قدرك اخي



زوووم




وفالك ياغالي

شاكر لك المرور والرد الطيب ياطيب

دمت بود ومحبة

السلام عليكم جميعا ورحمة الله وبركاته واسعد الله اوقاتكم باالمسرات وصح السانك راعي الهدد وانا عندي شهاده من 27 سنه والدله المذكوره عندي وتسلم اياديك ياالطيب تحياتي للجميع000

الغالي راعي الهدد
والله انك صدقت في وصف هالدلة المزيونه ... بس لايكون لك نسبة ولا ناوي تشتري الوكالة :D
مشكور والله يجزاك خير
الف شكر راعي الهدد بس لوتكرمت مادامك بحثت عن الدله ابحث عن المحماس الزين الاصلي والنجر
حتى تكتمل العده..والسلام

مشكور على المعلومات عن الدلة رمز الكرم

شرايكم واحد يتصل على الموزع ويشري منه جمله ويبيع على الاعضاء ؟؟

السلام عليكم ورحمه الله وبركاته وش اخبارك ياراعيالهدد
والله انك عزيز على قلبي يابو حمد وانا ماعرفك
وصدقني يوم تلقيت خبر انك هنا في الرحلات جيت طاير وسجلت على طول معك
حتى شف عدد مشاركاتي الاولى خليتها لك

والله أشتقت لموضوعات المتميزه وجيت وراك

يازين أعلومك يابوحمد


بيض الله وجهك يالطيب

ماشاء الله

أول دخول لي بالمنتدى ويوافق موضوع طيب لانسان طيب

ويقابلك فيه راعيه بدلة ... هالدله المزيونه .. على ماتحب وتمنى ... ايه هذا المواجه ... وهذا المقابل

هذا فال طيب .. وفالك طيب يابو حمد

ولاهي غريبه عليك

وعسى هذا طبعك وحنا من ربعك

صدقت يابو حمد

الدله زينه ومزيونه وتستاهل من يقنيها ويسويلها دعايه

وعندي مثلها من 8 سنين وهي مثل ماهي ماتغيرت ومحافظ عليها الى هالحين .. ولاتحتاج رب ولا غيره بس نظف وشيل .

ومبارك عليك الشهر الفضيل والمنزل الجديد

وفقك الله لكل خير

مشكور اخوي ابو حمد
والله الدلة تستاهل
وتقبل مروري

مشكور اخوي ابو حمد
والله ان الدله تستاهل
وتقبل مروري

كالعاده يابوحمد
مميز مميز
الله يعطيك العافيه
تقبل تقديري

http://www.mekshat.com/pix/upload/images28/mk33838_bagdadeyahg.gif
حقيقة انها روعة واحسن من الرسلان

لان الرسلان للآسف اذا جلست مدة ما صلحت فيها قهوه تهجر اما الاستيل فلا يهجر

من اسبوعين كنت في الحراج ولقيت اخت هالدلة اللي في الصورة روعة والله واشتريتها بسعر 25 ريال فقط واخت الجديدة

الف شكر لك يارعي الهدد
الدله رائعة