راعي الشاص
23-02-07, 01:57 AM
سلام يا أهل الرحلات
في كل رحلة لي كشاف جديد ، اما ضاع أو انكسر أو نسيته بسيارة فلان.
امس ذهبت للسنيدي ونيتي اشتري كشاف عليه الكلام ، واحترت بين الكشافات اللي شفتها ، الف طعش نوع :)
رفوف كاملة كلها انواع الكشافات (واذا بغيت تحيره خيره)
http://www.alrahalat.com/vb/uploaded/87_1172184413.jpg
كشافات للرأس وهذي تصلح لراعين المعنا ( اللي يسوون القهوة والطباخين)
http://www.alrahalat.com/vb/uploaded/87_1172184634.jpg
كشافات متعددة الأشكال والألوان فمنها ما يعمل على البطارية ومنها الذي يشحن بالسيارة .
http://www.alrahalat.com/vb/uploaded/87_1172184679.jpg
كيف احافظ على الكشاف من الضياع ؟
تعليقاتكم يالنشاما
الكشافات كما ذكرت أنواع وأشكال ..
أولاً عليك با لأصلي ..
في البر لا نحتاج لذاك النور القوي فحاجته في بعض الأحيان فتأخذ من الأنواع ذات النور المتوسط بذلك يكون حجمه مناسب ..
فيه تريك جميل يسحن على الولاعة وسعره 30ريال ..
كيف تحافظ عليه هذا يرجع لك أخي الكريم من مدى حرصك واهتمامك ..
أترك البقية للإخوان
أبوعبدالعزيز
23-02-07, 10:33 AM
والله ياا خوي راعي الشاص اكثر الي في السوق صيني ولا يدوم معك ولمباته تخرب على طول وبالذات اذا صارت بيض والون الاصفر افضل ويعطيك اللون الحقيقي
افضل شي شف لك كشاف ببطاريه تشحنها او نفس الكشاف يشحن
ولد نجد
23-02-07, 01:37 PM
لاصرت ضيعه مثلي
فانصحك بشراء درزن كشافات مثل الصورة المرفقه والحبه بعشرة ريال ولا يحتاج شحن فقط رجه ويعبي نفسه
النداوي
25-02-07, 07:59 PM
انصحك بنوع من الكشفات يوجد عند الهدف أمريكي
سعره بحدود الـ 100 ريال ونوره مرة قوي ما شاء الله تبارك الله
وقزازته صغيره مما يعطيه نوع من الحماية ضد الكسر
يأخذ أربع بطاريات صغيره
أخوك أبو عبدالله
ثامرالماضي
27-02-07, 08:29 AM
بسم الله الرحمن الرحيم
الغالي راعي الشاص إذا كنت دايم تضيع الكشاف ... أنصحك تشتري كشاف صغير اللي يحط بالمخبى ... لانه قليل مايضيع .. والكشاف مانحتاجه إلا للقهوة والعشى ... أو إذا خربت السيارة لاسمح الله ... (( ولاتحرص على الغالي بالحيل ))
والله الله بالكشاف اللي نوره أصفر ... لانه هو النور اللي يريّح العين ويعطيك اللون الحقيقي ...
أسأل الله أن يحفظ لك كشافاتك والعّده كله
,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,
ابو فراس
27-02-07, 03:21 PM
هالحين فيه ولاعات بريالين
من جهة ولاعة ومن الجهه المقابلة كشاف وقوي بالحيل
راعي الشاص
20-08-07, 08:19 AM
الليل ، ابو عبدالعزيز، ولد نجد ، النداوي، ابو شعلان، ابو فراس
الف شكر لكم على ردودكم ونصائحكم
واسف على تأخر الرد
ولاهنتو.
الملك الحزين
21-08-07, 12:22 PM
السلام عليكم اولاً
الحل هو:-
1- ان يكون لديك جوال جيل ثالث n70 > n73< n95 وغيرها من الجوالت
2- نزل فيه برنامج الكشاف.موجود في منتديات الجوالات.
3- بعد ما تنزله يشتغل معك كشاف الجوال الخلفي بدون تصوير ونوره قوي.
وكذا مايضيع لانه داخل جوالك، وإذا ضاع الله يعينك ادخل شريك مع السنيدي عشان كل يوم تاخد كشاف جديد وعزبه جديدة ......................... ببلاششششش
هذا للمعلوميه ودمتم سالمين...
راعي الشاص
08-09-07, 10:03 AM
الف شكر لك اخوي الملك الحزين
المشكلة ان الجوال ممكن يخرب ويتوسخ من الاتربة والغبار.
لاهنت.
فهدالدوسري
18-09-07, 10:33 PM
الاخ الغالي
راعي الشاص
السلام عليكم
اخي الحبيب لا تشكي فبسي هم انا مثلك ولكن قمت وحطيت في الدرج واحد
وفي شنطة الجهاز واحد وعدة الطبخ هم واحد ومع ذالك ياناسيه ياخربان
عموم ياخيي اذا لقيت حل (تكفى) علمن
اخوك
خشم الحصان
...........
نغزه....... العدو للكشفات هالبزران الله يصلحهم امين يركبون في السياره ثم ياخذونه ثم يحطه علي راسه
ثم يدخل في الغرفه ويطفي النور ويقعد يدور واذا نشته ولع المبه قال لا الكشاف احسن
دقشه........ يتمتع علي فقدانك للكشاف في البر لئنه ماخذه ولا رجعه لمسانه في السياره
صدمه....... ان سلمت من النسيان ماسلمت من البزران
بيت طين
19-09-07, 12:40 AM
السلام عليكم والله عليك بالاصلي في كل شي صح ان سعره بيفرق فى البدايه بس يزبنك الامنك احتجته ولا من وجهة نظرى حطلك مزوده بالسياره لا تنزله من السياره لان اول ضياع الكشاف من اول مايحط رجله بالارض يغدي شي يندفن وشي ينكسر وشي تصلاه النار الين يميل وجهه تقول طاقه اب وجه كفانا الله وياكم الامراض ولا دور ابو مغناطيس ولصقه ورى المرتبه ولا حدرها وتقبل الله صيامكم وقيامكم..........بيــــــت طين
هزيم الرعد
19-09-07, 12:54 AM
شف وانا أخوك
يوم من الليالي كنا كاشتين ... ويقوم واحد من الربع بالليل ويجيب ذاك الكشاف من السيارة ..ويولعه ...وكنا بمنطقة جبال
إلا يوم ولع الكشاف ..ومير يكشح بالجبل ..الجبل مهوب قريب ... وللمبة حقته من نوع led
ويشحن بالبيت وفيه منه موديل جا معه شاحن سيارة ... وتصدق .. سعره بالقصيم وبالرياض وحتى بمكة ودبي ...ما يفرق كثير ممكن خمسة أو عشرة ريال
شريته أنا ب 125 ريال مكتوب عليه ياباني بس كد ومد ومتين وهيكله من الحديد
لو تشري من هالصغار تبي تلاقي نفسك خلال سنة شاري لك عشرة أو أكثر ويطلع بسعر هالأصلي
ولما يكون أصلي وسعره عالي بهالشكل تبي تحافظ عليه أكيد ..
ولابأس بأن يكون معك اثنين احتياطا مثلا من أمهات خمس تريل
وهذي صورته
http://shop.oragie.com/images/geepas.jpg
hunter dawrd
21-09-07, 10:15 PM
السلام عليكم
انت مالك الى تاخذ كشاف صغير وتحطه مع المفاتيح وان ضيعته الشكوى لله
Abu Ibrahim
29-07-08, 07:06 AM
الكشاف مهم وطريقة الحفاظ عليه يكون هو من الحجم الصغير ويوضع في الجيب وبعد الرحلة في درج السيارة ويستحسن يكون في جيب خاص له