السلام عليكم ورحمة الله وبركاته

أيهما الأكثر مرغوبا في الأناره البريه أو أيهما تفضل

اللمبات اللي تولع على بطارية السياره، ام المولد الكهربائي؟ فقط مقارنه بين الأثنين ايهما أكثر عملية في الطلعات البريه وللجميع خالص الشكر.

أبوفهد الافضل الاناره على بطارية السياره ويفضل أنت تكون على بطاريه أحتياطيه .

الاناره على بطارية السياره :

- سهوله الحمل أو ربما تكون مثبته بالسياره .

- لاتأخذ حيز بالسياره .

ولي تكمله لموضوعك .

ابو فهد السلام عليكم ورحمة الله وبركاته

انا مع الانارة الي على الولاعة او البطارية......على ماقال اخوي ابو عبدالله لا تاخذ حيز

وكمان لي رجعه مع الموضوع لانة مهم ويبغالة تفصيل.

شـكــ وبارك الله فيك ـــرا لك ... لك مني أجمل تحية .

اخي ابو فهد حياك الله اذا كان المولد اللى على وقود فله خصائصه حيث انك تقدر تحرك السياره وقت الحاجه والمولد الصغير اللى من البطاريه يعطي كهرب فهاذا برضه اذ كنت تحتاج الى زيادة لمبات وتلفزيون ---- والمبه اللى على البطاريه سوا على الولاعه او البطاريه مباشره فهاذي خفيفه واذا كانت المبه حقت صطب سياره تقدر تضع اكثر من لمبه مشكور

أنا أستخدم نجفة على البطارية 12 فولت وتتميز بقلة استهلاكها للطاقة .
موفق بإذن الله ... لك مني أجمل تحية .

انا عني من عرفت عمري ما اعرف الا اللمبات اللي على البطارية

الماطور ياخذ حيز وهدفك تولع كم لمبة ، والبطارية تقوم بهذا اللزوم .

غير ان له صوت مزعج ، وانت تبي الراحة في البر .

وانصح الجميع ان يضع بطارية احتياطية خاصة للمبات واي شيء .

ما ياخذ الماطور الا اهل التلفزيونا واللي عنده مخيم مع اني استغرب كيف ياخذ تلفزيون وهو طالع يبي يستمتع بالبر واجواءه .

عني شخصيا ما اسمح بأي ملهيات في البر ان كنت امير الرحلة .

فالبر بنفسه متعة مع شرواك لذا لا احبذ اي ملهيات .

والكشاته يكفيهم لمبة او لمبتين ، مع انه ما يحبون اللمبات ويأنسون بالهدوء والاستمتاع بالاجواء البرية الليلية .

هذا رأي الشخصي

تحياتي

شايب الصمان:

هلا وغلا يابو عبدالله، تشكر على الرد ولا تبطي علينا في الرجعه مشتاقين لخبراتك في هذا النوع من الأناره، وعسى رجلك أحسن الأن.

أبو زايد:

بيض الله وجهك، وكلامك معقول مثل شايب الصمان، ننتظر باقي الأقتراحات من الأعضاء، لاهنت يالغالي.

جلمود الجبيري:

أحسنت في هذه الأجابه، كلا المولد واللمبات يوفون بالغرض ولكن اشوف اللي على البطاريه أحسن، شاكر لك المرور والتوضيح المفيد.

صقر:

مرحبا فيك يابو أحمد ما شاء الله ما تحب تعفش كثير وتكتفي بالقليل المهم، ميزة لعشاق البر، والواقع انه لمبه واحده تكفي لكل سياره اذا اجتمعن صار فيه اضاءه أكثر من المطلوب، شكرا لك على مداخلتك.

سرهيد:

يامرحبا برأيك الشخصي، انا كنت عكس الجميع تماما أحب الماطور وأشوف لمبات البطاريه تستهلك البطاريه وتوهق صاحب السياره اذا ما شغل السياره قبل ما تفضى البطاريه، ولكن عن تجربه مره أو مرتين ومع مشاركة الأعضاء اقتنعت باللمبات اللي على البطاريه لأيجابياتها اللي تغطي على ايجابيات مولد الكهرباء، أشكرك خاصه والجميع على تنويرنا وافادتنا عن هذه اللمبات ومزاياها.

الاخ الغالي
ابو فهد
السلام عليكم ورحمة الله وبركاته
اخي الحبيب دعني اشطح بموضوعك قليلآ الا وهو
اي النور يجذب الحشرات عند استعمالة في البر
هل جرب احد ووجد الفرق بين مختلاف اللمبات
وايهم التي اكثر جذب للحشرات

اخوك
خشم الحصان

الاخ الغالي
ابو فهد
السلام عليكم ورحمة الله وبركاته
اخي الحبيب دعني اشطح بموضوعك قليلآ الا وهو
اي النور يجذب الحشرات عند استعمالة في البر
هل جرب احد ووجد الفرق بين مختلاف اللمبات
وايهم التي اكثر جذب للحشرات

اخوك
خشم الحصان


وعليكم السلام ورحمة الله وبركاته
شطحة حلوة يابو جراح:1aa:

قبل سبع سنوات واحد من العيال مر ساكو واخذ منهم لمبة صفرا الطرافيش وا تجمع حولها والحين جالس ادور عليها....ترا نورها حلو بس ماهو قوي.......اما اكثر شي يجذب الطرافيش"الحشرات" فهي المبه الغازية الصغيرة...من واقع خبرة وانتم ابخص....

شـكــ وبارك الله فيك ـــرا لك ... لك مني أجمل تحية .

على البطاريه الاضافيه



بنسبه لي طبعا

بطاريه السياره الاضافيه

اريح شي وبعدين بدون ازعاج


جزاك الله خير



بسام

الأخ الغالي مهراس
السلام عليكم ورحمة الله وبركاته
الافضل على البطاريه