بسم الله الرحمن الرحيم

صليت الضهر اليوم الأربعاء 10/2/1428هـ

ويوم طلعت من باب المسجد وانا اهوجس براسي .. واسلهم لي شوي .. وارجع بالذكرى شويات واجد .. ههه .....

اروح اتقهو مع ابو عبدالله (( ابو عبدالله أحد كتاب مكشات اسمه السرهيد )) .. او اروح انام وارتاح .. خص اني من فجر وانا مناقز على ضهر هالموتر ...

المهم ..

دخلت البيت .. ياووولد ... ياولد ... أحح .. أحح .. انحش .. ياولد مابه احد ...

تغطو حريم الأخوان .. والي ماعليها غطاة اوشيلة او جلال .. صدت لها في مكان ..
دنقت على راس الوالده وسلمت عليه .. وخذت معها فنيجيل ..

ورقيت للمكتبة وشقرت على منتديات الرحلات وغيره كالعادة .. ورديت على كم واحد .. وطيبت خاطر الجميع .. وحاولت ابحث عن اي واحد يبي خدمة او لزوم ..

المهم ..

مازالت فكرت القهوة مع ابو عبدالله ماسكه في الراس .. خصوصاً انه زعل علي مبطي ماشفته .. ووالله ان قلبي حن عليه حنة غير طبيعية .. هههه صار موتر

المهم ..

تعوذت من الشيطان وقلت ابو عبدالله اكبر مني سن .. وله الحق وهو ابو الجمايل .. من أول وتالي .. ولازم اروح لمه واطيب خاطره .. واكسر معه فنجال .. وعلوم ارجال ..

رحت لم بيته .. وإلا والله ذاك الجذع عند الباب .. ولدً له اسمه عبدالرحمن ..

قلت عبدالرحمن .. قال سم .. قلت قل لبوك ابو حمد عند الباب .. او تدري قل رجال عند الباب ولاتعطيه خبر .. قال طيب ...

وراح لبوه ولا ادري وش صار ..

المهم ماخذت شوي الا والله ذاك الحر الي فرع علي ..

هلا ابو عبدالله .... هلا ابو حمد هلا هلا ... وشوشته طايرة يادافع البلا ... ولو زرار جيبه ماسكره .. جزاه الله خير من زود الغلا ولهاً على رفيقه .. الله يجزاه خير ابو عبدالله هذي عوايده ....

المهم قلطت وشب الضو ابو عبدالله وهذا هو مرتكزاً قدامكم (( تصوير ذوات الأرواح حرام ولذلك لم أصور الوجه تنبه ياعبدالله ))

http://www.mekshat.com/pix/upload/images28/mk33838_100k.jpg

وقامت تلعب الضو تلعب طرب فرحةً بتوالف الأخوين

http://www.mekshat.com/pix/upload/images28/mk33838_101k.jpg


المهم زبدة الموضوع وماكتب من أجله

وحنا نتجاذب اطراف الحديث وين رحت وين جيت وشوي عتاب بين الأخوان قال ابو عبدالله اهنا لك شي مايخطر على بالك من زينه .. قلت سم وشهو .. عوايدك ياكحيلان الزين والعلوم الطيبة ..

شوي ويجيب عبدالرحمن الولد ذيك الشنطة .. الي مابه أحلى منها ..

قلت وش ذا ابو عبدالله ..

قال شف .. واشوف الا والله شي ماهو هين ..

اعجبني حقيقةً ويناسب كل الكشاته والقناصة .. وأول مرة اشوف مثل هذا كطريقة عمل وأداء

انضر معي

هذي الشنطة

http://www.mekshat.com/pix/upload/images28/mk33838_102k.jpg


هذا عقد كهرب سلك طويل ومركب عليه 4 منافذ أكواع حقت لنبات تشتغل على 12 فولت وتشبك مثل الكنود ياسلالالالالام

http://www.mekshat.com/pix/upload/images28/mk33838_103k.jpg


وهذي ميزتها

كل لنبه لها طفاي لوحدها طف الي تبي وشغل الي تبي من عند الكوع نفسه شاهد معي الصورة أدناه

http://www.mekshat.com/pix/upload/images28/mk33838_104k.jpg


وهذا مشبك سلك العقد الي يروح للبطارية

http://www.mekshat.com/pix/upload/images28/mk33838_105k.jpg


أيييييه

قلت من وين ياذيبان قال خذته من البطحاء الي يبيعون أدوات البر

قلت والي ما يدلهم وش يسوي

واقلب واقلب في الشنطة الا والله ختم السنيدي عليها قلت بس وصلت خير باحصلها عند السنيدي خلاص تمام التمام

البر بيتك ياولد

هذي احلى دعاية برية سمعتها في حياتي البر بيتك

صدق والله كنك في بيتك يوم تقضي أغراض السنيدي ههههه

تقبلوا محبة أخيكم

ابو حمد






وانتظرو القااااادم ..... في الحلقة القااااااادمة ...... يالله التيسير ... وحسن التدبير

بسم الله الرحمن الرحيم

لاهنت يابوحمد على هالسرد الرائع ... والصراحه شوقتنا لمواضيع الغالي أبو عبد الله ...

وبعدين اللمبات بيض وإلا صفر .... وكم سعرها ؟؟؟

الله يعطيك العافية يابوحمد ... وبيض الله وجهك ...

وننتظر المزيد .... من كل جديد ....

,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,

ماشاء الله تبارك الله..
لكن لو انك مخلي الاسلوب بالعربي الفصيح يابو حمد؟؟:d
العدّه هذي جميله جدا جدا...خصوصا اذا تشبك على بطاريه..
..خاطره..
كل أخ يحرص على الخير لأخوانه .. يزيد في الايمان ويبعث في نفسه الانشراح..
كما اخبرنا الصادق المصدوق..
فلله درك ابو حمد
والسلام عليكم..

بسم الله الرحمن الرحيم


لاهنت يابوحمد على هالسرد الرائع ... والصراحه شوقتنا لمواضيع الغالي أبو عبد الله ...

وبعدين اللمبات بيض وإلا صفر .... وكم سعرها ؟؟؟

الله يعطيك العافية يابوحمد ... وبيض الله وجهك ...

وننتظر المزيد .... من كل جديد ....


,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,


الغالي ابو شعلان

اشكر لك المرور والرد

ويعلم الله أن لك معزة في القلب ياغالي

النمبات قلت لك بالموضوع أنها 12 فولت ومعروفة 12 فولت انها البيض الي تجي طوال تحصلها عند برق الحيا او الأدوات الكهربائية ما ابي اوصف وش كنها خاف يزعلون الربع هههه

تقبل المحبة والتقدير

ماشاء الله تبارك الله عليك يابو حمد
همه ونشاط ومعلومات ثرية
اتمنى ان تعطينا رأيك عن أفضل محول لإنارة مثل هذا العقد الجميل
وجزاك الله خير

اخي في الله
الشيخ اباحمد حياك الله
اشكرك جزيل الشكر على ماقمت به من نقل
جميل
ولهجة اندثرت من زمام يااخي
عليك في اللغة العربية الفصحى فهي تتجدد ولموتندثر
والحمدلله

ابو حمد مثل ماقال اخونا نقا خريم
لاتكتب في لهجتكم تمططون الحكي تمطيط









عاد اسمع كلامي لاتمط زقمك زعلان من اسلوبي
ترى الدعوى مزح
تحياتي
اخيك : ابوسامي

ماشاء الله تبارك الله..
لكن لو انك مخلي الاسلوب بالعربي الفصيح يابو حمد؟؟:d
العدّه هذي جميله جدا جدا...خصوصا اذا تشبك على بطاريه..
..خاطره..
كل أخ يحرص على الخير لأخوانه .. يزيد في الايمان ويبعث في نفسه الانشراح..
كما اخبرنا الصادق المصدوق..
فلله درك ابو حمد
والسلام عليكم..

هلا باغلي نقا خريم

اشكر لك المرور والتعقيب

والفصحى ليس لها مثيل

بس كتبت كذا نزول عند رغبة شريحة معنا في المنتدى والتنويع زين

حياك ياغالي

ماشاء الله تبارك الله عليك يابو حمد
همه ونشاط ومعلومات ثرية
اتمنى ان تعطينا رأيك عن أفضل محول لإنارة مثل هذا العقد الجميل
وجزاك الله خير


هلا بك ياغالي ويشرفني مرورك وخدمتك

وترى يمكن تشبك العقد على البطارية مباشرة مثل ابو عبدالله ماعند محول ويشبك مباشرة وماشي زي الحلاوة

بس خذ هذا افضل محول على الأطلاق

السوق اكثر الي فيه تايوني او مغشوش

بس هذاافضلها تحصله عند السنيدي وسعره 145 كما هو واضح

http://www.alrahalat.com/vb/uploaded/199_1172750450.jpg


وهذي صورة أخرى

http://www.alrahalat.com/vb/uploaded/199_1172750508.jpg

وهذا كتابته من ورى ويعطيك كهرب 220

وحمل عليه الى 200 واط

http://www.alrahalat.com/vb/uploaded/199_1172750553.jpg

اي خدمة ياغالي نتشرف والله

اخي في الله

الشيخ اباحمد حياك الله
اشكرك جزيل الشكر على ماقمت به من نقل
جميل
ولهجة اندثرت من زمام يااخي
عليك في اللغة العربية الفصحى فهي تتجدد ولموتندثر
والحمدلله

ابو حمد مثل ماقال اخونا نقا خريم
لاتكتب في لهجتكم تمططون الحكي تمطيط









عاد اسمع كلامي لاتمط زقمك زعلان من اسلوبي
ترى الدعوى مزح
تحياتي

اخيك : ابوسامي



ههههههههههههههههه

اضحك الله سنك ياهذا

وش جاب مط الحكي لنا مط الحكي تركناه يوم غادرنا الديرة الي انت خابر ههههههه

الله يحفضك ياربي

ابو سامي انت شكلك تبي بنت تركد الرمي عندك

ههههههه

شكرا لك ياعمي الشيخ

شوكرن على التقرير المصور
وسرد السالفه اخوي راعي الهدد

وفكرة كل وحده بطفايها احسن واحسن

وممتازه وان شاء الله نلقاها


:)

الف شكر اخوي راعي الهدد
هذي شاهدتها ( بأنواعها المختلفة) عند السنيدي ، وبعضها مباشر وبدون محول كهرباء
لاهنت .

شوكرن على التقرير المصور
وسرد السالفه اخوي راعي الهدد

وفكرة كل وحده بطفايها احسن واحسن

وممتازه وان شاء الله نلقاها



:)




شاكر لك المرور ياغالي

والله يغفر لك ووالديك

الف شكر اخوي راعي الهدد
هذي شاهدتها ( بأنواعها المختلفة) عند السنيدي ، وبعضها مباشر وبدون محول كهرباء
لاهنت .


هلا بك يابعدهم

واشكر لك المرور والرد

الله يجزاك خير

دمت بود

حلوة ولكن

منافذ اكواع اللمبات تخرب على طول ولذلك غيرهن بالاصليات وترتاح

حلوة ولكن

منافذ اكواع اللمبات تخرب على طول ولذلك غيرهن بالاصليات وترتاح

الغالي ابو فراس اشكر لك المرور

وتوني مجربها وتحت التجارب

والله يستر لاتكون مثل ماقلت

بس كيف اركب اصلي هل فيه اكواع اصلية وهي فيها طفايات زي هذي ارجو التوضيح اكثر ياغالي

غفر الله لك

الله يبيض وجهك على المعلومات الطيبه ,,,, ولا تحرمنا من جديدك

السلام عليكم ورحمة الله وبركاته

مساك الله بالخير يبو حمد( راعي الهدد) وياهلا ويامرحبا

دائم متحفنا بجديدك رائع جدا جدا هذا التقرير الكامل مشاءا لله عليك

ومشاءا لله على مشب ووجار الاخ العزيز ابو عبد الله عز الله انه مسكت

والجلسه مباركه مشاءا لله ذكرتني بالشتاء الله يذكرك بالشهادة

والمبات مايحتاج غرض البر شغل مرتب ونظيف
يبيلك والله يبو حمد تحط لك منهن بالعزبه

عسى الله ينور لك دربك وين ما تروح

بيض الله وجهك وسلمت اياديك على كتابة هالموضوع

تقبل مروري

اخوك
ذرى

ما شاء الله تبارك الله

فكرة جميلة جداً..

لكن ما اقول الا ذكرتنا بعهد مضى (ايام الطفوله ههههههههههههه) اذكر كنا نطلع مع واحد من خوالي الله يحفظه على صني نيسان كان موديلها 83 او 84 وكانت بكس فكان مولف نفس هالعقد لكن بدون خاصية التحكم بكل لمبه..أيام ويازينها من أيام وكشتات والله يذكرها بالخير
الغريب انها انتشرت ذالحين.. ومع ذلك ما اقول الا ماقصرت والله يعطيك العافيه يابو حمد
اخوك ومحبك.. أبو فهد

الله يوفقك للخير ويبارك فيك اللهم آميندائما سباق لكل مافيه خدمة اخوانك في الله الله لا يحرمك الاجر اللهم آمين

شـكــ وبارك الله فيك ـــرا لك ... لك مني أجمل تحية .

السلام عليكم

موضوع رائع كالعادة من ابو حمد

الموضوع قديم لكنه جديدة بمعلوماته

شكرا لك اخوي الاحنف على رفع الموضوع

تحياتي