السلام عليكم ورحمة الله وبركاته






اخترت لكم قصيده لشاعر محمد بن عبد الرحمن العريني ( الحجناوي)الله يديم عليه الصحه والعافيه. حاولت ان اضعها في ايطار من خلال المنسق للقصائد ولم تفلح..



لو الله الا راح وقت المكاشيت = وهبت هبوب الصيف كله عجاجي

يا شين جوٍ فتت القلب تفتيت = وكدر علي العيش عكر مزاجي





لولا همومٍ بالحشا ما تغنيت = بأبيات شعر قلتها با نزعاجي

لو الله اللي للمكاشيت كبيت = ما عاد فيه فلة للحجاجي


يا ما لبراد الجو والله تشهيت = والصبر لو أقواه ينفع إعلاجي


يا زين لا منك للحجاج فليت = بجبال طخفه والابدانا اسواجي

السيل يزبد والرعد له تصاويت = والبرق خلا القاع فيها ارتجاجي

قالوا تمنى وقلت والله يا ليت = جمس جديد ما ادخلوه الحراجي

وخمسة آلاف من الغنم لو تمنيت = كلها انعيم من خيار النعاجي

ومعهن عشر عمدان مقصودي البيت = بيت الشعر ما هو حديد وصاجي

في حافته شبيت ناري ودنيت = محماس مع نجر وموقد إسراجي

وحكرت لي فنجال بن وتقهويت = ما عادلي من بعد هذا حواجي

يا الله يا للي تخرج الحي من ميت = يا فارق بين القراح وهماجي

طالبك تغفر زلتي يوم زليت = وطالبك تجعلني من النار ناجي

يا الله يا للي تخرج الحي من ميت = يا فارق بين القراح وهماجي


طالبك تغفر زلتي يوم زليت = وطالبك تجعلني من النار ناجي


لاعدمناك يالامير
على هالنقل الجميل

اخوك

اختيار موفق بارك الله فيك
أخ جلمود: شاهدت في إحدى القنوات الشعبية لقاء مع شاعر شاب قدم باسمه (عبدالعزيز العريني).
لم أر إلا مقتطفات من اللقاء, وفي نهايته أنشد العريني إحدى قصائده, كانت جميلة تدل على أنه شاعر جزل, وأروع منها صوته كان عذبا وفيه شجن..
هل هناك علاقة بين الشاعرين؟ وهل بامكانك أن تدلني على انتاج الشاعر عبدالعزيز العريني إن كان له قصائد مطبوعة أو مسموعة؟
خاصة المسموعة
وشكرا

اخوي ابو سليمان حياك الله لا اعلم للشاعر قريب بهذا الاسم ولاكن سوف ابحث وارد لك قريباً مشكور

بصراحه ابيات رائعه كل بيت احسن من الثاني

اخوي راعي الذوق شرفني مرورك يالغالي واعتذرمنك يابعدي ؛؛؛ اخوي البرفسر يامرحبابك لك الشكر والتقدير

شـكــ وبارك الله فيك ـــرا لك ... لك مني أجمل تحية .