السلام عليكم ورحمة الله وبركاته

هذه القصيده للشاعر سيف السيف(عكاشه)




ياسارق قلبي على القلب بشويش=لاتنزعه تخلف منازل ظلوعـــــه



غير المدارا ياهوى البال مابيـــــش=داره ترى نفس الهواوي جزوعــه



ارفق بقلب سكنك بالنشـــانيـــش=ولانطري الـــفـــرقا تراها تروعــــــه



وانا السجين اللي تحت ظلمك يعيش=يرجي الامل بكره تنور شموعه



اصون حبك وانت تقسى معي ليش=اجود لاجلك وانت نفسك منوعه



وتبي تعرف القلب حبك على ويش=وعلام نفسي منك ماهي قنوعه؟



لوقلت مهما قلت فالحب حتى ايش=ماقدر اوصف كيف شكله ونوعه



مايكفي ان عروق قلبي معاطـــيش=مايكفي ان الموق هلت دموعــه؟



مايكفي ان العمر ضايع مطاريش=لين ان سبته صار يشبه ربوعــه



وفرقا ثمان اسنين فيها مباليش=وسلسال سحرك مبهمات رموعـــــه



وايست من راع الثمان المباهيش=إلى متى وانا اتحرى رجوعــــه



وصادفتها والدمع منها رشاريش=وتبدي اسفها عن زمان القطوعه



قلت ارحميني يالرموش المعاكيش=لاتجرحين القلب وانتي خدوعه



الجرح مايحتاج يابنت تنقـــــــيش=لو تطري الذكرى تخالف سـنوعه



تكفين يابــــــنت الرجال المداغيش=رويت من كاس الفراق ونقوعـه



قد ذقت غدر منقضات العكاريش=اللي هواهن ضاع باول اسبوعــه



روحي وانا باروح من غير تشويش=يكفي ضميري هم وقت يلوعه



قلبي بســـجنك ناشــــه الهم تنويش=ماعاد ابي حب تقافا نجوعـه



والــصــدق بغـــيابك غدالي جـــواهيش= شوفتك قلبي تناما زروعـه



لو تـــسرقــين القــلب مابيه بشويش=خوذيه بعروقه وقضيّ ظـــلوعـه


عسى ان تنال اعجابكم

تحيتي

لوقلت مهما قلت فالحب حتى ايش **** ماقدر اوصف كيف شكله ونوعه

أخوي عليم العطش سلمت يداك على هالقصيدة ... وصح لسان الشاعر عكاشه ... وبيض الله وجهه ...

شاكر لك على إمتاعنا بهذه النادره ...

وننتظر جديد عكاشه ...

,,,,,,,,,,,,,,,,,,,,, تحياتي ,,,,,,,,,,,,,,,,,,,,,,

اخوي ابوعبيد قصيده غايه في الروعه من شاعر كبير مشكور وبارك الله فيك

صح لسانك ولسان شاعرنا سيف ابن سيف.
مشكور اخي الفاضل عليم العطش على هذه المشاركة وهذه القصيدة الجميلة .
وبارك الله فيك.

روعة الأبيات من روعة أختيارك، عزا الله ان الشجون هاضت يابو سيف، سلمت وسلم قائل الأبيات.

ما شاء الله قصيدة رائعه
شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته
ابو شعلان شاعر الرحلات بارك الله فيك على المرور
لاهنت

جلمود الجبيري تسلم يالغالي على المرور العطر
لاهنت

قصيدة راايعة تسلم ع النقل