مشاهدة النسخة كاملة : هل أنتم من مؤيدين صيد الضبان؟؟؟!!
بسم الله الرحمن الرحيم
أول مشاركه
أنا من عشاق صيد الضبان
أريد منكم الأعضاء الأفاضل أعطائي بعض الطرق والوسائل لصيد الضب؟؟؟!!
وبعض النصائح ولكم جزيل الشكر....
ريع الدياب
09-03-07, 07:00 PM
الغالى الشبل
نعم أنا ممن يحب صيد الضبان بأعداد صغيرة جدا للأكل
ولست من أعداء الحياة الفطرية اللذين فضحهم أبوفراس
http://www.alrahalat.com/vb/showthread.php?t=565
وشخصيا لا أتبع الا طريقة واحدة فى صيدهم وهى الامساك
بهم احياء .. أى نرصدهم بالسيارة واذا رأينا ضبا بعيد عن
جحره نركض خلفه ونقف بينه وبين جحره ثم ندوس على
على عكرته برجولنا ونقضبه من رقبته أو عكرته بأيدينا
لم نستعمل البندق أو أى طريقة أخرى لصيد الضبان
أشكرك جزيل الشكر أخي ريع الذياب
ولا يمانع أنا ترينا بعض ما صدة...
طير شلوى
09-03-07, 07:25 PM
انا والله ما احب اكله ولا عندي معلومات
ريع الدياب
09-03-07, 09:02 PM
أبشر يالغالى الشبل
تأخرت لأنى فتحت ملفات الصور القديمة
http://www.alrahalat.com/vb/uploaded/46_1173462766.jpg
http://www.alrahalat.com/vb/uploaded/46_1173462845.jpg
http://www.alrahalat.com/vb/uploaded/46_1173462892.jpg
http://www.alrahalat.com/vb/uploaded/46_1173462925.jpg
http://www.alrahalat.com/vb/uploaded/46_1173462964.jpg
طبعا السنة شوفنا ضبان كثير لكن ما صدنا منها شئ
الإكليل
10-03-07, 01:30 AM
اموت بشرب دم الضب وأكل العكره والله ياهي طعم بعد هههه
ابو فراس
10-03-07, 05:15 AM
نعم لصيدها للاكل فقط
ثامرالماضي
10-03-07, 07:57 AM
بسم الله الرحمن الرحيم
هلابك أخوي الليل ... طبعاً الضبان ماحد يحرص عليها إلا إذا جانا ربيعٍ زين ... زي هالسنه يالله لك الحمد ...
ووقت صيده يكون ..بكنّة القيض .. يكون الضب ماخذ كفايته من الشحم ...
وطرق صيده :
1_ الرمي وهذا مايلجأ إليه الكثير من الناس لصيد الضب ...
2_ نحبل له (( تكاكه )) وهي طنب وحبل ونحطه على شكل دائرة واقفه على فتحة الجحر ... ثم نربط الحبل بالطنب ... بحيث إنه إذا طلع الضب من جحرة يدخل وسط الحبل ويبدا يشد ... إلين يتمكن منه الحبل ...
طبعاً نحطها ونروح ونرجع له بعد ساعة حتى ناخذه ...
3_ نجي للضب بعز حر اليوم يعني الساعه 11 أو 12 ونلقاه معاكر يعني إذا وقت بجحره تشوف العكره ... على طول إمسك العكرة ... وقتها الضب يشد ظهره على جدار الجحر ويكون سحبه صعب جداً ... عشان كذا نجيب (( ليور )) وندخله بين ظهره وبين جدار الجحر ... ونسحبه بقوه ...
4_ التغريق ... نصب الماء على فترات حتى أن نسمع صوت الضب يحاول الخروج ... ونعاكس فتحة الجحر .. وإذا طلع نمسك به ...
..............................................
وطبعاً الضب من الحيوانات اللي يبهذلها ويذبحها المطر ... عشان كذا إذا سمع صوت الرعد وسطع البرق طلع من جحره على طول عشان مايجيه الماء ويذبحه ...
فيه واحد من الربع سوى طريقه جديده بس متعبه ... يحيب طال عمرك :
ماء .. كشاف .. إشاعة مستشفى ..
طبعاً يجي بالليل ... ويبدأ بتحريك الإشاعة شوي شوي عند جحر الضب كأنها رعد ... ويكّبس بالكشاف على إنه برق ... ويبدا بصب الماء ... بعدها الضب يجيك يمشي طبلونه ...
هذا مالدي أخوي الليل عن صيد الضبان ...
أحس إني طولت عليك ... لكن معليش ...الموضوع شيّق
لاهنت يالغالي ... وبيض الله وجهك ...
,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,,
ثامرالماضي
10-03-07, 02:10 PM
بسم الله الرحمن الرحيم
آسف أخوي الشبل .... غلطت وكتبت الليل ... لأن أخوي الليل ماشاءالله عليه كل شوي موضوع ..هههههه .. الله لايضرّه ...
على العموم يامرحبا ويامسهلا ...
,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,
النداوي
10-03-07, 03:13 PM
السلام عليكم ورحمة الله وبركاته
أخوي الشبل أولاً الله يجزاك خير على طرح هذا الموضوع
ثانياً الجميع يعلم ان الصيد مباح من ناحية الشرع ولكن الإسراف
في كل شئ هو المحرم فإذا كان الصيد بالقدر المعقول ولغرض الأكل
فهو إن شاء الله من المباحات ولكن إذا كان من باب المباهات
والتفاخر وربما لمجرد العبث أوالقتل للرغبة فقط لإظهار البراعة في
التصويب فالخوف أن يقع تحت الوعيد الشديد باللعن من المصطفى
صلى الله عليه وسلم حيث لعن رسول الله من إتخذ ذوات الأرواح
غرضاَ أي هدفاً يتم تصويب السهام اليه أو كما قال صلى الله عليه وسلم
أخوك أبو عبدالله
بسم الله الرحمن الرحيم
أشكركم جميعا أيها الأعضاء المتميزين على هذه التفاعل منك
وأن شاء الله جميع الطرق سوف أستخدمها((مشكوررين على الصور))
القويره
10-03-07, 07:34 PM
اغلب رحلاتنا للصيد الضبان كانت بالماء
وكانت بعد موسم تكاثرها
وللاكل في نفس المكان
مشكور اخوي
مشكووور يالقويره على مرورك.....
تقبل تحياتي..
soljer23
26-06-09, 10:06 AM
السلام عليكم ورحمة الله وبركاته...
اول شي ياالاخو ان تكون عارف موقع الضب قبل موسمه و اذا بغية تمسكه مب اول ماتناضره تلحقه
ان يكون يبعد عنك 350 يارد عاد انت قزه بادربيلك وان يكون لديك خرازة و تقدر تصيده بندون
سلاح والمهم راح اعلمك كيف تصيده باسلاح وبندون:
بنـدون سلاح: اول مايدخل الضب جحره حاول بااسرع ممكن انك تمسك عكرته واذا ماقدرة الله يخلي
المويه صصبها في جحره وراح يحال ينحاش واول مايطلع امسكه مع راسه وانت تعرف الباقي.
باسلاح: ان تكون تبعد 100 يارد وتصيبه اي محل قريب من عند راسه
وشكرا:smailes44::smailes42: