http://www.mekshat.com/pix/upload/images30/mk33838_28u.jpg


بسم الله الرحمن الرحيم



في يوم الخميس الموافق 25 / 2 / 1428هـ تم الإتفاق بين كلاً من ابو حمد طرفاً أولا وبين ابو عاصم طرفاً ثانيا على أن يقوم الطرف الأول بــ ........... هههههههههههه

صار عقد بيع وشراء

المهم رحت هالسبوع لمكان قريب من الرياض وعلى بعد 85 كيلو فقط

وحقيقة وبلا خجل اقولها بصراحة الناس ماعندها تقدير

تقولون ليش اقول لكم

والله شفنا شي يفقع المرارة انا ما ابي انكد عليكم بتشوفون في ثنايا الموضوع كل حاقه

توجهت انا والأخ الفاضل ابو عاصم ونعم الأخ اي والله

وحملنا اغراضنا من عزبة وماء وكل شي نحتاجة

هاه ابو عاصم وين ودك نوجه ابو عبدالله (( أحد كتاب مكشات اسمه السرهيد حفضه الله وقدس سره هههه )) دقيت عليه قبل شوي ويقول روضة أم القطا شي خيال تعلو يمنا

وش رايك نروح لأم القطا او لأم سمحان هههههههههههه اقصد فيضة سمحان ورى ضرما

قال الراي لك يابو حمد والي تشوفه مناسب قلت لا ودي برايك هالمرة المهم عقدنا المسير يم فيضة سمحان ورى ضرما

ايييييييييييه

وصلنا الفيضة ووجدناها ممتلائة بخلق الله

دجنا لنا شوي في الفيضة ندور شجرة او شي لأنا متوقعين الشمس حارة ولكن ماحصلنا شجرة كلهن مشغولات هههه

ولا به زود شجر فيها ماغير اربع او خمس

المهم وقفنا بمكان طيب أخضر وفي وسط الفيضة

وصارت الشمس ولله الحمد بويردة او حلوه مابها زود أذى

المهم نزلنا العزبة وكل مانحتاجة وطقين الرواق الذي لايمكن لأي كشات او قناص الأستغناء عنه (( قريباً سوف انزل موضوع عن إختراع جديد وقفزة عالمية في عالم تطوير الرواق وبأسلوب عجيب سيعجبكم كثيراً ))

وروسنا دايخة حيل حيل وشبينا على الماء وصلحنا اقهوتنا

http://www.mekshat.com/pix/upload/images30/mk33838_4u.jpg





أوييييييييييييييه اضبطت القهوة الله يعافي من صلحها

وكسرنا كم فنجال وكم فردة اخلاص يحبه قلبك

ووسعنا الصدر وسوالف واعلوم وزانت السالفة وياربي لك الحمد والله نحن في نعمة نحسد عليها يالله لك الحمد

http://www.mekshat.com/pix/upload/images30/mk33838_1-u.jpg




روقنا ووسعنا الصدر وبدينا بتجهيز الغداء

والله اني ما ابي انزل اي وجبة لي بالنت بس الشباب ملزمين علي في مواضيع ثانية ووعدتهم بتلبيت الطلب في هذا الموضوع

المهم

الي أخذ اللحمة ينضفها ويغسلها اووووه الحيمت حويشي يحبها قلبك

والي قام يقطع البصل والطماط وهاه من هالعلوم الطيبة الي انتو خابرينها

وهذا قدري العزيز والغالي على قلبي قدر الضغط الصيني وارد السيف
ونطلنا به الحمة الحاشي والطميطة هههه والبصيلة ويالله لك الحمد


http://www.mekshat.com/pix/upload/images30/mk33838_3u.jpg


طبيعي انك بتزيده ماء وتوزن الماء عليه كما بالصورة أدناه


http://www.mekshat.com/pix/upload/images30/mk33838_5u.jpg


انتضرت الين بدى يقلب الماء

ثم كتمته وخليته يتقلّب لحاله قلت خلك على راحتك تقلّب الين اجيك ههههههه

http://www.mekshat.com/pix/upload/images30/mk33838_7u.jpg




وفيه شي دايم مايفارقني في كشتاتي او مقانيصي وهو القرع الأمريكي ياأخوان ترآه زيادة على طعمه الحلو

فترآه مفيد مفيد مفيد


يقولون علماء التغذية أن القرع هذا يعطي فوائد اللحم بنسبة 80 أو 70 بالمائة

فلا يفووووتكم

وهذاهو جاهز للنطل مع كبسة الرز حلوه النطل ههههه

لاحظ معي السكين السويسرية

يعنبو من صنعها اشهد بالله انها سكين واوك ما اطيبها

لاتفوكم يالربع يلزم كل واحد سكين مثلها

http://www.mekshat.com/pix/upload/images30/mk33838_8u.jpg





ونحن بنتظار الغداء جهزنا الخيار والطماط واليمون

وانا احب السلطة في البر تكون عدله بدون تقطيع

لنواحي صحية ونواحي شهويه هههههههههه حلوه شهويه يعني اشتهيها كذا الذ وأطعم

http://www.mekshat.com/pix/upload/images30/mk33838_9u.jpg




لكن ابو عاصم وده بتقطيعها قلت سم الي تشوف لكن لاتكثر انا باعرم عرم افضل واحسن ههههههه

http://www.mekshat.com/pix/upload/images30/mk33838_10u.jpg


تــــــابــــــع >>>>

ارجوووك لاترد أنتضر باقي تكملة للموضوع

تــــــابــــــع >>>>

طوط طوط طوط طوط طوط طوط

الخطوط مشغوله الكبسة وصلت والكل بينشغل بها

تكفون يالربع قولو بسم الله ماشاء الله لاقوة الا بالله

يالله تبون تشوفونها

طيب طيب

بس مثل ما اتفقنا

واحد مآخذ في نفسه مقلب ههههههههه والله من الرفالة يابو حمد ههههه
http://www.mekshat.com/pix/upload/images30/mk33838_11u.jpg



ولعشان ابو حمد مايحب التمطيط وتكثير الكلام قرر ان يصقعكم ويصعقكم بصورة الغداء مباشرة (( الا والله انك ابو التمطيط والخربطة يالخرموطي ههههههه ))

http://www.mekshat.com/pix/upload/images30/mk33838_12u.jpg




وهذه الكبسة من صورة أخرى وبمشهد خلاب لايفوووتك حبة الرز الي متمغطة تمغّط الين قالت بس هههه
http://www.mekshat.com/pix/upload/images30/mk33838_13u.jpg


ومابين كبسة البر وكبسة البيت يفتح الله يفتح الله يفتح الله

تحت السواهي دواهي على قولتهم

لاحظ الفرق بين إعداد البيت وإعداد البر
http://www.mekshat.com/pix/upload/images30/mk33838_40u.jpg




تغدينا وعينا من الله الف خير وضبطنا لنا بريق شويهي يحبه قلبك ياغالي

ويقولون أن طريقة الشاهي المخنوق الذ وافضل من غيرها



ههههههههههههههاي



اكيد بتقول وش الشاهي المخنوق تابع معي

هذا البريق يطبخ سكر وماء فقط
http://www.mekshat.com/pix/upload/images30/mk33838_14u.jpg



بعدين طف عنه النار وكب ورق الشاهي فيه وسكره وخله شوي يخدر

http://www.mekshat.com/pix/upload/images30/mk33838_15u.jpg




ثم تعال شف كيف يصير الشاهي وزنه وحده لا في اللون ولا في الطعم الى آخر قطره ه ه
http://www.mekshat.com/pix/upload/images30/mk33838_zzzzzzzzz.jpg




ياسلالالالالالام سلّم

شاهي وخضار من ربي

وجلسة مع ارجال شرواكم وسالفة رايحة وسالفة جايه

يالله لك الحمد
http://www.mekshat.com/pix/upload/images30/mk33838_16u.jpg



وتمدد ابو عاصم وردد يالله لك الحمد الله لايغيرها نعمة وبسط على هالشويهي

http://www.mekshat.com/pix/upload/images30/mk33838_20u.jpg




تــــــــــــــــــــــابــــــــــع >>>>

ارجوك لاترد

تــــــــــــــابــــــــــــع >>>>>>

شف بيالة الشاهي وعن قرب
تلذذ لو بالمشاهدة ممكن يكفي والا وش رايكم ههههههه

http://www.mekshat.com/pix/upload/images30/mk33838_17u.jpg


طيب يالخو ماودك تقرب بعد شوي ممكن يطول فمك شي منه

http://www.mekshat.com/pix/upload/images30/mk33838_18u.jpg




الا ماودك تغطس فيه وتسبح
ههههههههههه هههههههاي

لونه لون الذهب ماشاء الله

http://www.mekshat.com/pix/upload/images30/mk33838_19u.jpg




بعد كل هالصور التفت علي البريق

ولسان حاله يقول ماتخاف الله صورتني وصورة بنياتي البيالات وفضحتني

خف الله

تكفى لاتصور تكفى

واتمعن واتمقل الا والله ذيك البيالة المزيووونة بيالة بادريق منخشة ورآه

قلت آخر صوره تكفى ابي انزلها لقروووم منتديات الرحلات

ولا جايك ولا بناتك شر الا كود كسر بالغلط

وخرت دموعه وطلع ورق الشاهي مثل ماتشوفون وتحسّفت شفه فاق اخشيشته يبكي

http://www.mekshat.com/pix/upload/images30/mk33838_26u.jpg




مــــلاحــــضــــة




البريق ونوعيته تفعل الأفاعيل

البريق وكما شاهدتم هو افضل بريق يضبط فيه الشاهي ويعطيك نكهته الحقيقية وبنقاوة عجيبة

وهو بريق الستيل الكوري 10/18 وهو شبهمعدوم من السوقيلزمك تفر شوي وتتعب وبتحصله ان شاء الله

المهم وزبدة الموضوع

صلينا العصر والضهر وبدينا نتمشى ونلقط صور للموقع ووالله شاهدنا مناظرعالمية

وفي نفس الوقت شاهدنا مناظر يندى لها الجبين من حال امة متخلفة

تابع معي ستفرح وتبتهج

وستبكي دما في نفس الوقت


انظر للعشب وقد بدت الشمس تغازل خضرته

http://www.mekshat.com/pix/upload/images30/mk33838_31u.jpg



منظر يعجب الكثير خضرة ورمله وجبل


http://www.mekshat.com/pix/upload/images30/mk33838_29u.jpg




العالم منتشرين في الفيضة يالله لك الحمد

http://www.mekshat.com/pix/upload/images30/mk33838_ggf.jpg




والشويهات دقت الفيضة دق وماخلق العشب الا لذالك

فمتع الله اهل الإبل بإبلهم واهل الشاه بشوايهاتهم

http://www.mekshat.com/pix/upload/images30/mk33838_22u.jpg





ومنظرمسحي وعلى قطر اوسع


http://www.mekshat.com/pix/upload/images30/mk33838_21u.jpg



تـــــــــــــــــــابــــــــــــــع >>>>>>

ارجوووووك لاترد

تــــــــــــــــــابـــــــــــــــــع >>>>>>

صورة مقربة من بعد

http://www.mekshat.com/pix/upload/images30/mk33838_23u.jpg




وابشركم السيارات الصغيرة تآصل حتى الأمريكي يآصل

تكفوووون تكفووووون تكفوووون

برو آبائكم تبركم ابنائكم

متعو والديكم وزوجاتكم واولادكم ولاتبخلون عليهم بكشتة ولو بالشهرين مره
http://www.mekshat.com/pix/upload/images30/mk33838_32u.jpg



وابشركم العشب حتى في الضلعان وفي روس الجبال

السنه هذي جانا خيرعظيم انضر للصورة ادناه

http://www.mekshat.com/pix/upload/images30/mk33838_36u.jpg




وهذه ايضاً تقول معشّى ارنب يازينه

http://www.mekshat.com/pix/upload/images30/mk33838_37u.jpg




يحد الفيضة من غرب جنوب عريق يحبه قلبك ينتهي في راس الجبل بمنظر بديع

يازينه وزين مقاعد فيه عقب عصر انضر للصورة أدناه

http://www.mekshat.com/pix/upload/images30/mk33838_35u.jpg




وهذي صورة اسعى فيها للأحترافية
(( تبطي يابو حمد خلك على الأوتو ويالله يالله ههههههه ))

http://www.mekshat.com/pix/upload/images30/mk33838_34u.jpg


انضر للمآسي المبكية

انضر معي وتأمل لغة القوم

تابع وستمل ولاشك من المتابعة

قوم اشبه مالهم وش اقول بس والله لو شبهتهم بوصفهم الحقيقي لبتر الموضوع من أساسه

شف القمايم كرمك الله وقد أبادت وستبيد لسنوات قادمة العشب والخضرة

http://www.mekshat.com/pix/upload/images30/mk33838_24u.jpg





بالله هذا ليش مجمع زبالته وراميها هنا

بيعجزه يحملها بسيارته ويرميها في اقرب زبالة

قالك الحين انه ماقصر ولا احد قده انحش عنه

شف الصورة حدر وانضر للمعلم بالأحمر

http://www.mekshat.com/pix/upload/images30/mk33838_30u.jpg





طبعاً المشهد المألوف الذي لابد منه في مجتمع مثل مجتمعنا قليل التوعية

ان ترى الفيضة وقد قسّمت بتقاسيم اشبه مالها بمخططات الموسى او ابن سعيدان للعقارات ماناقص الا يعلنون البيع حسبي الله ونعم الوكيل

شف الفيضة وش صارت
http://www.mekshat.com/pix/upload/images30/mk33838_39u.jpg



تـــــــــــــــابــــــــــــــــع >>>>>

ارجووووك لاترد

تــــــــــــــــــــابــــــــــــــع >>>>>

مــــتــــــبــــوع <<<<

وحتى البلدية وهي البلدية مسوية ضجه في الفيضة ووالله يا أخوان اني موقف طولي ادور وش صوت هالموتر الله يستر لايتوطانا

الا والله هاك الموتر اللحمر واعاين واتمقل

الى ختم البلدية عليه

قلت ايه ممتلكات الدولة راحت خيخه بين هالعمالة والي مايخافون الله تقول كنه شاريه من جيبه طاير طيرة ماتصدق بها تأمل المعلم بالأحمر تصدقون اعجزت الكمرة تلحقه
http://www.mekshat.com/pix/upload/images30/mk33838_33u.jpg


وعند الوداع واجهتنا هذه الدودة

الكثير سيعرفها ولاشك منضرها جميل وخلاّب الوانها تقول تشع نور

http://www.mekshat.com/pix/upload/images30/mk33838_38u.jpg




الله يحفضني وأياكم من كل شر وسوء

تقبلو محبتي وتقديري ياأعضاء ومشرفين وزوار وضيوف ياغالين

انتهى موضوع الرحلة

اتمنى انكم استمتعتم ياغالين

وهذه فيضة سمحان بعد ضرما بعشرين كيلو تقريباً

لم يكن من عادتي الإعلان في العام عن المواقع اياً كانت نباتية او حيوانية

وفعلت ذلك هذه المرة لأن العشب ولى وراح والله يوفق ويسدد

وهدفي مصلحة الموقع ذاته


محبكم ومغليكم والداعي لكم بضهر الغيب

ابو حمد

يازينك وزين مواضيعك يابوحمد
والله اني استمتعت في الوصف وكأني رايح معكم
الله لايخلينا منك ولا من مواضيعك الرائعة
بارك الله فيك وجزاك الله خيرا

رحلة ممتعة اخي راعي الهدد ... وقمة الوناسة .

يبدو انكم انسطتوا من ربيع الفيضة والنفود المطل عليها ( قمة الجمال)

الابريق رائع ولكن لاتصور بجنبه تراه فضيحة:
http://www.mekshat.com/pix/upload/images30/mk33838_15u.jpg


تحياتي لك ولرفيقك يابو حمد .

وبارك الله فيك.

تشكر أخوي راعي الهدد ..
ابو حمد .
على ما بذلت وأعطيت ...

بسم الله الرحمن الرحيم

الله عليك يابوحمد ... الصراحه رحلّه بقمّة الوناسة ... ماشاءالله عليكم ...

تصدق أحسن إنك تسوي دعاية لعزبتك ... مادري عندك نيّة إنك تنافس أخونا أبو فراس ... وإلا وش السالفة ....هههههههههههه ( ندور الحرش )

لاهنت يالغالي ... الصراحه وسعت صدورنا ... بالصور .. وسع الله صدرك ...

أبوحمد ننتظر المزيد ... من الجديد ...

,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,

اقلالالالالالالالالالالالالاع

اقلالالالالالالالالالالالالالالالالاع

اقلالالالالالالالالالالالالالالالالالالالالاع


ابو شعلان لا تشعللها

عزبتي ومشهورة واللي يبي ينافس حياه الله يدفع مقدما




.

الله يعطيك العافيه
رحلة ممتعة
وملاحظات مهمه
واقلاع محمود
وفالكم التوفيق يارب

يازينك وزين مواضيعك يابوحمد
والله اني استمتعت في الوصف وكأني رايح معكم
الله لايخلينا منك ولا من مواضيعك الرائعة
بارك الله فيك وجزاك الله خيرا

تسلم ياغالي

واشكرك على هذا المرور الطيب

وبارك فيك

دمت بود

رحلة ممتعة اخي راعي الهدد ... وقمة الوناسة .

يبدو انكم انسطتوا من ربيع الفيضة والنفود المطل عليها ( قمة الجمال)

الابريق رائع ولكن لاتصور بجنبه تراه فضيحة:
http://www.mekshat.com/pix/upload/images30/mk33838_15u.jpg


تحياتي لك ولرفيقك يابو حمد .

وبارك الله فيك.


الغالي صقر

هلا بك ويعلم الله اني سعيد بردك

شكرا لك

وصدقت البريق فضيحة بس ابشرك مآخذ احتياطي ولايمكن يبان شي

وشكرا لك ياغالي

دمت بود ومحبة وإخلاص ياغالي

تشكر أخوي راعي الهدد ..
ابو حمد .
على ما بذلت وأعطيت ...


هلا بالغالي الليل

شكرا لك على هذا المرور الطيب

والله يغفر لي ولك وللمسلمين

لاحرمك الله الأجر والمثوبة على هذا الرد الطيب

دمت بود ومحبة وإخلاص ياغالي

بسم الله الرحمن الرحيم


الله عليك يابوحمد ... الصراحه رحلّه بقمّة الوناسة ... ماشاءالله عليكم ...

تصدق أحسن إنك تسوي دعاية لعزبتك ... مادري عندك نيّة إنك تنافس أخونا أبو فراس ... وإلا وش السالفة ....هههههههههههه ( ندور الحرش )

لاهنت يالغالي ... الصراحه وسعت صدورنا ... بالصور .. وسع الله صدرك ...

أبوحمد ننتظر المزيد ... من الجديد ...


,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,


ههههههههههه لا والله ما اسوي دعاية ابد ولو ناوي على دعاية كان قلبت رووسكم كلكم وخليتكم تسومون على عزبتي وحتى لو فيه مثلها ماتبون مثلها تبونه هي نفسها هههههههههه

بس ما اقول الا خل عنك التحريش

وابو فراس اخ غالي واذا جات على المقاوم فهذا باب وله جواب

شكرا لك ياغالي وابشر بكل جديد يسرك يعلم الله أن الأرشيف مليان مواضيع مهمه بس وين الوقت

أن شاء الله تشوف الي يسرك بس دعائك بأن يطرح الله البركة في الوقت وان شاء الله تسعد

ومنك نستفيد يابعدهم

أخوي أبو حمد الله يجزاك خير
دائماً متميز في مواضيعك
إسلوب قصصي شيق في سرد
الأحداث وصور جميلة
الله يحفظك يا أبو حمد
لا هنت يا الغالي

أخوك أبو عبدالله

اقلالالالالالالالالالالالالاع


اقلالالالالالالالالالالالالالالالالاع

اقلالالالالالالالالالالالالالالالالالالالالاع


ابو شعلان لا تشعللها

عزبتي ومشهورة واللي يبي ينافس حياه الله يدفع مقدما




.


الغالي ابو فراس العزبة الي عليها الكلام ماهوب الي جامعة كل شي لالالا

العزبة الي عليها الكلام هي الي تكفي راعيها الي يرجع ولا بها زود حضارة وخربطت هالتالين

فانصحك وانصح الجميع بالأكتفاء بالمهم وترك الزايد ومحاولة متابعة الأولين في شغلهم في البر وفي اعزبهم

والله لي عم الله يجزاه خير اول مقناص ارنب قنصته بحياتي كان معه وكان هذا قبل اكثر من 15 سنة

ويوم جينا نمشي قلت عم اجيب الغاز وهو الي يجرني مع طرف ثوبي ويدفني في الموتر امش امش الله يصلحك

ويوم نزلنا في البر وجينا نصلح اقهوتنا الا والله عزبته ماهيب شي تصدق انها تنعد على الأصابع اغراضه

ولكن مكفية لنا وزيادة الين رجعنا والى الآن اتعجب منه ومن شغله وعزبته واذا نزل في مكانه احطب من الشجر حوله ولا غاز ولا شي من شغل التالين

عموما الأقتصار على المهم مطلب في عزبة القناص

ابو فراس شكرا لك على المرور الطيب

دمت بود ومحبة وإخلاص

الله يعطيك العافيه
رحلة ممتعة
وملاحظات مهمه
واقلاع محمود
وفالكم التوفيق يارب



شكرا لك على هذا المرور الطيب

دمت بود ياغالي

أخوي أبو حمد الله يجزاك خير
دائماً متميز في مواضيعك
إسلوب قصصي شيق في سرد
الأحداث وصور جميلة
الله يحفظك يا أبو حمد
لا هنت يا الغالي

أخوك أبو عبدالله


أخوي الغالي ابو عبدالله

شكرا لك على هذا المرور الطيب

والله لايحرمنا من الطيبين امثالك

شكرا شكرا

الغالي ابو فراس العزبة الي عليها الكلام ماهوب الي جامعة كل شي لالالا

العزبة الي عليها الكلام هي الي تكفي راعيها الي يرجع ولا بها زود حضارة وخربطت هالتالين

فانصحك وانصح الجميع بالأكتفاء بالمهم وترك الزايد ومحاولة متابعة الأولين في شغلهم في البر وفي اعزبهم

والله لي عم الله يجزاه خير اول مقناص ارنب قنصته بحياتي كان معه وكان هذا قبل اكثر من 15 سنة

ويوم جينا نمشي قلت عم اجيب الغاز وهو الي يجرني مع طرف ثوبي ويدفني في الموتر امش امش الله يصلحك

ويوم نزلنا في البر وجينا نصلح اقهوتنا الا والله عزبته ماهيب شي تصدق انها تنعد على الأصابع اغراضه

ولكن مكفية لنا وزيادة الين رجعنا والى الآن اتعجب منه ومن شغله وعزبته واذا نزل في مكانه احطب من الشجر حوله ولا غاز ولا شي من شغل التالين

عموما الأقتصار على المهم مطلب في عزبة القناص

ابو فراس شكرا لك على المرور الطيب

دمت بود ومحبة وإخلاص

مع التحية لاخونا الجارمن ومؤيديه

ماشاء الله

رحله ممتعه وصور روعه

الله يهنيكم


جزاك الله خير






بسام

ماشاء الله


رحله ممتعه وصور روعه

الله يهنيكم


جزاك الله خير







بسام


هلا بالغالي بسام هلا بك مليووون

اشكرك على هذا المرور الطيب ياغالي

شكرا شكرا

دمت بود

أخــــــــي راعــــــــــــي الـــــــهـــــــــدد
رحلة ولا في الخيال حلقنا معك كنا كاشتين معك عشنا مع الكاتم والكبسة والشاهي
وصف موفق ونقل مميز
شكر الله لك

سلام


الحمد لله على سلامتك ياراعي الهدد

تقرير ولا اروع ... ورحلة واضح انها مشوقه وممتعه

الله يوسع صدروكم بالعافية...


اعجبني كلامك عن التنزه بالأهل والاولاد


وتسليطك الضوء على الحفاظ على البيئة


سلام

ماشاء الله والله

تقرار حلو وصور اوضح للموضوع > يعجبني مقاسك للصور .. يخلي الموضوع مرتب

وتسلم

صور ترد الروح
يعطيك العافيه

أخــــــــي راعــــــــــــي الـــــــهـــــــــدد
رحلة ولا في الخيال حلقنا معك كنا كاشتين معك عشنا مع الكاتم والكبسة والشاهي
وصف موفق ونقل مميز
شكر الله لك



الأخ الغالي قلم رصاص

شرفني مرورك يابعدهم كلهم

والمميز حضورك معنا ياغالي

سلام


الحمد لله على سلامتك ياراعي الهدد

تقرير ولا اروع ... ورحلة واضح انها مشوقه وممتعه

الله يوسع صدروكم بالعافية...


اعجبني كلامك عن التنزه بالأهل والاولاد


وتسليطك الضوء على الحفاظ على البيئة


سلام


هلا بك ياغالي

شرفني حضورك يابعدهم كلهم

تسلم تسلم

ماشاء الله والله

تقرار حلو وصور اوضح للموضوع > يعجبني مقاسك للصور .. يخلي الموضوع مرتب

وتسلم



تسلم يالغرابة

شاكر لك ومقدر هذا المرور الطيب

تسلم تسلم

صور ترد الروح
يعطيك العافيه



الله يغفر لك ووالديك

شاكر لك المرور والرد ياغالي

دمت بود

اخي الحبيب فعلاً ابداع وايما ابداع
جمعكم الله ولافرقكم على الدين والمحبة يارب
روعه كشتتكم اخي الحبيب
مررت فقط اسجل اعجابي ..


http://www.alsaqr.com/tawqee3/lylah.gif

اخوك المحب