بسم الله الرحمن الرحيم..

تلقيت إتصال من أحد الأعضاءبأحد المنتديات وأخبرني أن أسعار الحرار طايحه بالرياض...قلت فرصه أقنالي حر تام بثلاث ألاف أو اربع آلاف...ولميت أغراضي وقصيت التذكره من جده إلى الرياض... وكان موعد الرحلة الساعة9و40دقيقة..

إنطلقت من مكه إلى جده الساعة8 تاما وكان معي الطير..وصلت المطار توقعت الطلوع بالطير أمر سهل جدا((طير على يدك ولا أحد يكلمك!!))..و صلت ومعي الوكر .. وكان آخر الوكر منسب.. فرفضوا أهل المباحث حفظهم الله أن أصعد إلى الطائره حتى أغلف الوكر ,ارسله مع الشحن..
المهم ما غلف وانتهيت وجيت أرسل الوكر بالشحن قالوا الأخوان في الإستعلامات ((الرحلة مغلقة.. قص بوردنق جديد)) قلت ماشي..
وأتهجت مباشره وقصيت بوردنق جديد..وكان على الساعة10وربع..شحنت الأغراض.. وجيت طالع الطياره إلا المضيف قلي وين تذكرة الطير قلت: حتى الطير له تذكره!!!

ونزلت أغراضي من جديد ولا حول ولا قوة إلا بالله..

رحت وقصيت تذكرة للطير.. وقصيت بوردنق جديد.. وكان على الساعة11و30دقيقة..

المهم..جات الساعة 11..شحنت اغراضي.. وشلت الطير وإنتقلنا لاإلى الطيارة عبر الباص.. وما إن خلصت من درج الطيارة وجيت أعطي الورق للمضيفه.. إلا وهي تدق بالصياح.. فقاموا يبرتكون معها .. وبعد البحث والتحري وصدور النتائج حصلت على المعلومه التاليه وهي ((أن المضيفه كانت مفجوعه من الطير عساها الكساح كسحت قلبي))..

هدأت الوضاع..وجلست .. وشوي إلا وأسمع صوت كمرات الجولات ((تشك..تشك)) إثر الجنس الناعم طاح فيني تصوير..!!
هذا في الروحه بس.. وفي الرياض.. ياما من مواقف بس بعد الصلاة أكملها..

سلااااااااااااااااااااااااااااااااااااااااااام

((الصلاة الصلاة وما ملكت أيمانكم))..رواه البخاري.

الله يجزاك خير أخوي صاحب الطير
اضحك الله سنك وننتظر تكملت الموضوع

أخوك ابو عبدالله

بسم الله الرحمن الرحيم

أخوي صاحب الطير .. كان الدعوى تصوير ... على كذا أجل كلنا نبي نشيل طيورنا ... ونروح نترزز بالمطار ... ههههههه

وترانا من أمس مصلين ... عجل علينا بالباقي ....

,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,

رحله ممتعه ومواقف طريفه، عجل علينا ياصاحب الطير

مواقف عصيبة في البداية وطريفه بالنهاية :)
ياخوي شيلتك للطير مافهمتها .... هل انت رايح تبيع ولا تشتري :confused:
شكرا وبإنتظار بقية القصة

..
رحت وقصيت تذكرة للطير.. وقصيت بوردنق جديد.. وكان على الساعة11و30دقيقة..
.

وعسى أعطوه مقعد في الطيارة!!!!

مشكور على السرد الممتع ,,, عجل بالبيقة ...ترانا صلينا

نزلت من الطيارة.. ولا أشوف في وجهي إلا الكداده..((تكسي ..تكسي))فقام واحد وقال: تكسي يا راعي الصقر؟؟

فرديت عليه وأنا في قمت غضبي:لا يا راعي السلق...

فرد: السلق لك ولأشكالك...يوم شفت معه أخوياه ..قلت يا ولد إنحش أزين لا يبطحونك..



ركبت تكسي ووصلت البطحا.. لا إله إلا الله.. مناضر مرعبه..حسبت أني ماني بالسعودية..ما أشوف إلا بنقاله..أبغا سعودي!!..ماش مررررررررررررررررة..

وصدق الشاعر يوم قال:



يالله عساهم من بلدنا يروحون....مثل الجراد إليا نزل نافع ضار



وأنا أجيز البيت



المهم.. حصلت فندق وحجزت فيه ..حطيت أغراضي وحطيت الطير على الشنطه عشان أحاسب الكاشير..وطلعت .. وأنا طالع طلبت من العامل يشيل الأغراض..طلعت..وأنتظر.. ربع ساعة.. ثلث ساعة..يا ولد ..وين الأغراض؟؟

نزلت إلا العمال مساكيت متروعين من الطير ولا قادريت يشيلون الأغراض بسببه..لعنت وسبيت وسخطت ووالله ماهي أخلاقي بس الغضب لأستحكم العقل..!!!



ونمت بعد عناء دام لخمس ساعات.. واللي نمته ساعة واحده بس..وقمت للصلاة..صليت الفجر ونزلت أوقف تكسي عشان أروح السوق يوم الخميس.. نزلت والطير على يدي.. كل ما وقفت واحد..هرب وانحاش..

الثاني ..نفس الكلام.. قمت خليت الطير ببهو الفندق وقفت تكسي وجبت الطير واتجهت إلى السوق..





وللحديث بقية لأن الوالدة تزهمن الآن....

لا تطول علينا وتقعد 6 أيام،،،!!!!!!!

حمستنا يا صاحب الطير من يومها وانا اتحرى التكملة ... ولكن يبدو انها حلقات وممتعة

بانتظار الحلقة اللي بعدها ..

واذا بتشوف ناس تشيل طيور خذ لك رحلة الى قطر .

على هونكم ..على هونكم..

إمي تبغاني وإيش أسوي؟؟



المهم .. ما عاد لي في الرياض مواقف غير اللي ذكرت.. بس في الرجعة صار وجهي تقول قوطه!!!



وصلت المطار.. وفي واحد معي في نفس الرحلة..ومن يوم ما شاف الطير وهو يحاول إنه تكلم معي بس الروحة والجية للتذاكر منعت حدوث ذلك..

يوم صرت بالطيارة.. وجلست جاني واحد من إخواننا اليمنين..بس من المقيمين في السعودية من قديم.. وجلس جنبه واحد شكله أول مرة يجي السعودية.. وقام الرجال ((يتفلسف)).. من يسمعه وقتها يقول صقار!!!

المهم.. لد((طالع=ناظر))فيني وقال: هذا .................؟؟

قلت له : نعم..

وأخذ يسولف معي.. ويرمي ركب..وانا ساكت حشمة لشيبات..وإلا رديت على الأخطاء التي ذكرها عن الصقور بصفة عامه وأنواعها..ومن ضمن ماقال ))أن الطير لا تعودة على اللحم الني عشان لا يجرد بك))!!!

المهم..جاني المضيف وما صدقت جاني..فقال: يا ليت تغير مكانك عشان تاخذ راحتك وتحط الطير على المرتبة الفاضية اللي جنبك.. وأنا ما كذبت خبر..

وجاتني موضيفة فلبينية تقول بالإنقليزي:وات ذيس؟

رديت بالإنقليزي: ذيس إو فالكون.

قالت بالإنقليزي: وات إو إتز نيم إن اربيك؟

قلت بالعربي: صقر,

قالت:أووووووووووووووووو..سقم!!!



وقامت تنادي خويتها تقول:سقم..سقم!!!



الله يجعلها بالسقم والجذام!!((نصرانية))



المهم جلست ورا مرتاح..والرجال اللي قلتلكم عليه يلد فيني.. وانا أغض البصر عنه..لمنع وقوع إحراج..



المهم.. وصلت الرحلة إلى جدة بسلام.. وأنا نازل من الطيارة إلا خوينا نط وقال: الطير................؟

قلت:مالك لوا((يعني لا))



ربكبنا الباص اللي يوصلنا للصاله.. قرب الرجال مني وقال: يا حليله وإيش زينه..

من لقافتي نطيت وفرعت عن الطير.. وقال الرجال يمسك راس الطير ويحبه!!!



المهم برقعة الطير.. ويوم وصلت لأغراض.. قربي مرة ثانية وقام يحب الطير بين الجناحين ويحب كفوف الطير.. المهم قام الطير يكافخ على يدي وحرقت للرجال.. وعصبت.. وأنقلعت من المطار متجه إلى مكة والحمد لله على سلامتي

THE END




وهذا ختام الصقة اللي طالما أنتظرتم خاتمتها..



وتصبحون على خييييييييييييييييييييييييييييييير

بسم الله الرحمن الرحيم

اخوي صاحب الطير ... الزبده هي اللي بوسط سوق الطيور ... وش صار فيه ... ماعلمتنا ...

لاهنت يالغالي ... ولاتنسانا بالمواقف الجاية ...ههههه

,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,

ماصار شيء وسط السوق لأني بين صقاقير فما فيه شيء يجذب الإنتباه..بس الطيور كانت رخيصة والحمد لله توفقنا...

السلام عليكم
اسلوب جميل لكن فيه اشكاليه عندي انت رايح تشتري طير وشوله تشيل الطير معك والا وش دخلي؟؟
تحياتي ،،،،

فعلا انت تقول ابروح اشري طير

واثناء القصة تقول انك رحت للسوق ومعك الطير

فيه شي ناقص يمكن انك ناوي تكتبه ولكنك نسيت ياصاحب الطير

موضوع ممتع اخي راعي الطير .. بس لو انك منزل صورة بطل القه الطير هالي كلن خاف منه ..

بس لا عاد تمطمط بالموضوع .. انت تكتب بصلي وانا اروح اصلي تكتب امي تزهمن وانا انادي امي ..

مشكور اخي عالموضوع الرائع .. بنتظار موضوعاتك لقادمه

السلام عليكم
اسلوب جميل لكن فيه اشكاليه عندي انت رايح تشتري طير وشوله تشيل الطير معك والا وش دخلي؟؟
تحياتي ،،،،
حياك..وعادي..كنت رايح للكراوين ..وكنت ابي ابيع الطير..والطير اللي معي جبلية ذابحة53كروان..