سمعت هالغز وعجبني صراحه وقلت ودي اشاركم فيه

اللغز :


ادري ترى الملواح يدعى به الطير ...... والحر يغتر في زريق الحمامه

ياويش بنت اتشاف في صبح وعصير ..... وغصب على الرجال يلحق مرامه

لك فرصه وحده ولا بعدها خير ...... ولك حل واحد في طريق السلامه


ويارب ماينحل بسرعه بس :)

فالكم التوفيق

ويش رأيك في الصاد
أو الشمس

مالك لوا يالنداوي ياخلفهم

اشوى تصدق اني كنت خايف ينحل قبل ما اسكر الجهاز :)

حاول مره اخرى فالك التوفيق يارب

اخوي ابو صقر اعتقد الحل
النظره الاولى
النظره الاولى حلال والثانيه حرام

ابو سديم ماشاالله عليك
اجابتك صحيحه الله يعطيك العافيه
الله يهديك ما خليت اللغز يكمل يوم على الاقل :D :D
طيب اسمع انت والا خوه الاعزاء بحكم ان اللغز ما طول كثير ابي اضطر اكتب واحد ثاني ويفترض يكون اصعب شوي ولا العرف يقول ان اللي يحل اللغز يجيب لغز او يوكل احد طبعا بعد اذنك ابو سديم

اللغز يقول


انشدك عن ورع صغير ومزيون ...... في حزته ماحد يقوم بمقامه
له مسبر يخبرك عن شي مكنون ..... ومن ناظره يبعد جديد الوهامه
العين وحدة مابها رمش وجفون ..... وبأمر الله المعبود يجيب السلامه


ويارب ايطول يوم قبل ما ينحل :D :D

أيش رايك في المنظار الطبي

مرماع طيب الصراحه اخوي النداوي
ربي يوفقك في المحاوله الجايه قبل ما يجي ابو سديم :)
ولا تهون انت وجميع الزملاء
وفالك التوفيق يارب

المرقم أداة الكي

طيب ويش رأيك في عيار الزيت
أو المفك الذي يستخدم لمعرفة إذا كان تيار الكهرب متصل أو لا

ابو صقر لا تخلينا من هالالغاز برحلاتنا القادمة علشان اخليك تستعمل عزبتي بدون الجارمن

فال خير ..... فالك التوفيق يارب ...... وفالك المليون ان شاالله
مع الاسف الاجابه غير صحيحه :(


النداوي لله درك..........
الله لايضرك عيار الزيت صحيح
حتى المفك حق الكهرب ينطبق عليه تقريبا
فالك التوفيق .... ياليت تتحفنا في لغز مايصير صعب بالحيل :)


.. الغالي جدا ابو فراس انت تأمر أمر اللغاز والمركا والفرشه كل اللي تبيه يصير بس استعمل العزبه
انا رهن الاشارة

النداوي شكله للحين يدور لغز
انا عندي لغز سهل وبسيط وخفيف الين مايجيب النداوي لغزه (نتسلى فيه)
اللغز يقول
انشدك عن ملحاء ولو عمرها فات ...... تنجب لها من عقب ياس مغاتير

تنجب لها ورعين من غير مشهاة ...... فيهم تريح اقدامها من المشاوير
وسلامتكم

النملة يجي لها جنحان وقت المطر

أخوك أبو عبدالله

ابو عبدالله (الله لايضرك)
الاجابه صحيحه
الله يعطيك العافيه
الصراحه افحمتني

كان عندك شي ودنا نشوف او اي واحد من الشباب

شكــــــــرا

طيب يا الغالي أبشر
إستلم هذا اللغز البسيط
ويش الي يوم جلست قام رجال ### وأرضى مقاديم الحضر والبوادي
وأقفت هو في مجلسه لازال ### والإ شبيه البنت في كل وادي

ويش رأيك بسيط صحيح :D

أخوك أبو عبدالله

انا اصلا عجزت اقراء اللغز :) :)

يصلح الشمس والقمر؟؟

شكل اخونا النداوي انشغل عنا
ادري ان حلي صح :D :D
ياله من يبي يحل هاللغز الصعب


انشدك عن رجل مكبل ومسجون ... وربعه تخاطفهم سهوم المنيه
يطيع كل الناس عاقل ومجنون ... وما يطلقونه كود يذبح خويه


بالتوفيق

أخوي أبوصقر يمكن الرصاص في البندق

بسم الله الرحمن الرحيم

يابو صقر الله يهديك حفرت مخّي لكن لي رمعه وأتوقع إنه صح بإذن الله ... وهي :

الأستبنه ( الكفر الاسبير )

تكفى قل صح ويكفي حفر مخ ...

لاهنت يالغالي ...

وننتظر المزيد ... من الألغاز ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,

صحيح هو الكفر الإسبير حق السيار
أو مثل ما يسمية البعض الإستبنى
لكن لغزي ما أنحل الى الأن يا أبو صقر
أنتبه تتعدى مرة ثانية هههههههه

أخوك أبو عبدالله

قلم رصاص
والله ودي ياخوي
بس مع الاسف الحل غير صحيح

الغالي ابو شعلان
ماشاالله عليك حلك صحيح


النداوي
ياهلا يامرحبا يامسهلا
وينك يالغالي تصدق قلقت عليك
ترا حلي الغلط :D له حوالي الاسبوع
يوم مارديت قلت اكيد انك مستحي تقولي صح
وايقالي فهمته وجبت لغز ثاني :o
السموحه ياخوي

سامحتك بس لا تعودها مرة ثانية :D
أنت رجال طيب أكيد ما فيها شك
على شان كذى أنا بأشرح لك اللغز

ويش الي يوم جلست قام رجال ### وأرضى مقاديم الحضر والبوادي
وأقفت وهو في مجلسه لازال ### والإ شبيه البنت في كل وادي


ويش الي يوم جلست قام رجال
يعني حاجه جلست وفي نفس المكان الي جلست فيه قام رجال

وأرضى مقاديم الحضر والبوادي
يعني هذا الرجال الي قام مكان البنت أرضي ( من الرضى الي هو ضد الزعل :D )
أرضى مقاديم أي من يقدم عليه من وفود الحضر والبوادي

وأقفت وهو في مجلسه لازال
البنت أقفت أي ذهبت فنت راحت أما الرجال فلا يزال في مكانه

والإ شبيه البنت في كل وادي
أي أن هذه البنت يوجد من نوعها واجد وفي كل وادي تقريباً

إذا عجزت عن الحل أحله لك وترى اللغز مبني على معلومة تاريخية

أخوك أبو عبدالله

ابو عبدالله
تراني ياخوي فاهم الابيات
مانيب بنقالي :D
بس ماعرفت الحل
و الالغاز نقطنه وحله لقطه
بس ابي ارمع عليه

يصلح حبة المطر والعشب ؟؟

حياك الله أخوي أبو صقر
العشب يروح ويتغير مع الأيام
لكن هذا باقي من أكثر من 14 قرن
وبأقرب لك زيادة البنت كائن حي

أخو أبو عبدالله

اخوي ابو عبدالله مهب هي الناقة

أبو فراس أي ناقة حدد
ويش الرجل الي قام مكانها
وترى ما أنت بعيد

أخوك أبو عبدالله

ابو عبدالله

هي ناقة النبي صلى الله عليه وسلم

القصواء

ويش الرجل الي قام وكيف ومتى
عطنا المعلومة كاملة

ابو صقر يبدو ان ابو عبدالله يبيك انت تحل اللغز

اخاف اقول القصة من يوم هاجر النبي صلى الله عليه وسلم من مكة الى ان سكن بيت ابي ايوب الانصار رضى الله عنه

ومن ثم يسالنا سؤال ثاني ويمكن ثالث وووووو

خلاص يابو صقر جاوب عنا الباقي وخل حبيبنا ابو عبدالله ينبسط

أبو فراس أنت تجاوب بالقطارة
أول شئ قلت الناقة والنياق واجد
ثم قلت القصواء ناقت الرسول
ولكن الى الأن ما ذكرت الرجل الي قام

لكن الصراحة أنت داهية من دهات العرب
عرفت كيف تخرج من الموضوع لكن أنا وراك
ولاني مخليك يا الداهية ويش الرجل الذي قام
مكان البنت حدد

أخوك أبو عبدالله

المسجد النبوي الشريف

ابو عبدالله حنا قلنا لك انك تبي ابوصقر يفوز

ولكن يبدو ان ابوصقر يعاند

ولذلك راح نجاوب

الشخص الذي قام هو ابو ايوب الانصاري رضى الله عنه عندما جعل رسول الله صلى الله عليه وسلم ناقته تختار المنزل لكي لا ينحاز الى احد من الانصار

فبركت في المرة الاولى ومن ثم قامت وسارت ومن ثم رجعت الى بيت ابي ايوب الانصاري رضى الله عنه مرة اخري فنزل الحبيب صلى الله عليه وسلم في البيت التي بركت عنده الناقة ورضى الناس جميعا بهذا الاختيار

هاه يابو عبدالله باقي شي او ازيد

صحيح الحل البنت هي ناقت الرسول حين بركت
والرجل الذي قام مكانها منزل الرسول
ثم المسجد النبوي الذي إقيم مكان بروك الناقة
يصير الحل مناصفة بين أبو فراس وأبو صقر

أخوكم أبو عبدالله

الله يعطيك العافيه ابو عبد الله لغز مليان من جد

يابو فراس الله يهديك
لاتحتك تراك ماتاكل عيش :cool:
بس للأمانه الحل جابه ابوفراس بنسبة 90%
مشاالله عليه
ولا انا ماجبت خبر صراحه :D :D
بالتوفيق عطنا لغز يابو فراس

إليكم المعلومة كاملة
( ذكر شرحبيل بن سعد وأهل السير: أن النبي صلى الله عليه وسلم كان كلما مر بدار من دور الأنصار كبني سالم وبني حارث بن الخزرج وبني عدي أخذوا بخطام راحلته، وعرضوا عليه النزول بحيهم، وهو يقول: ((خلوا سبيلها؛ فإنها مأمورة))، حتى بركت بفناء دار أبي أيوب، عند مسجده الذي بناه. )
فتح الباري شرح صحيح البخاري - كتاب الصلاة

ثبت لدينا يابو صقر ان ابو عبدالله يبيك انت تحط السؤال

لانه يعرفن منب راعي الغاز

بس تليقفت يوم قبست بينكم

قلت افك بينهم واثري وطيت على ثوب النداوي

هاه يابو عبدالله يحط ابو صقر اللغز الجديد

بسم الله الرحمن الرحيم

أنا داري إنك ملّيت يالعمدة ... هههههههه ... بس أهنيك على الإجابه فعلاً كان لغز صعب ...

الله يهديك يابوعبدالله بس خليتهم ... يهجّون من اللغز وهم حالينه ... وزين اللي رجعو ...

مشكور على هاللغز المليان ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,, تحياتي لك,,,,,,,,,,,,,,,,,,,,,,,,,,,,,,

ابو فراس بالعكس مرورك اضاف شي كبير للموضوع
وبعدين ابو عبدالله لابس تكميله رياضيه وشلون وطيت ثوبه:D

ابي احط كالعادة لغز متوسط عشان الجميع يشارك
بس بدون اتصال بصديق او رسائل الجوال:cool:
عن اذنك عمدتنا

هذا اللغز


وش النحيف اللي يجي معترض عرض
مربوط في رجله وياقو باسه
وليا رقد يرقد بعيد عن الارض
يرفع ابوه وينسدح تحت راسه


وفالكم التوفيق

ذراع الكبوت أو السيخ حق الكبوت
أو عصا الكبوت أوسمه ما شئت

أخوك أبو عبدالله

ابو عبدالله مشاالله عليك
الاجابه صحيحه
الصراحه انك مبدع في حل الالغاز


بس لايكون مار عليك ولا سأل فيه احد:mad:


كان ودك تعطينا لغز نحاول فيه
.
.
.
في الانتظار
ودمتم بخير

استلموا هذا لغز خفيف

ويش البنت الي برأت رجال --- بعد ثلاثة أيام جابت خبرها
عقب ما هو متهوم على كل حال --- أكدت العلم للي إنتظرها

أخوكم أبو عبدالله

البنت هي زرقاء اليمامة

يقال انها ترى على مسافة ثلاثة ايام ولا صدقها اهلها عندما قالت اني ارى اشجار تتحرك فقد كان الاعداء يعلمون عن حدة بصرها فقطعا بعض الاشجار وتخفوا بها فحسبتها اشجار تتحرك

مالك لو يا أبو فراس
زرقا اليمامة هي التي كانت مكذبة ولم يصدقها أحد لكن هذا اللغز
يتحدث عن رجل لم يصدقه أحد وبعد ثلاثة أيام جات بنت وصدقة
قوله

أخوك أبو عبدالله

تصلح بقرة ال اسرائيل

ما لك لو
الظاهر أنك عرفت أتجاهي في الألغاز
البقرة كانت سبب في فضح القاتل
لكن هذه كانت سبب في إثبات صدق رجل
إلا وين أبو فراس ماله حس


أخوك أبو عبدالله

ابو عبدالله مهب التوبة

اي انه يستتاب المرتد ثلاثة ايام او يقتل بعدها

مالك لو يا العمدة هذه المرأة أثبت صدق الرجل في أمر كان مكذب فيه
والظاهر المرة هذه التذكر ما فاد شئ يا أبو فراس
لانه أول مرة تسمع هذا اللغز
وأبشرك الثوب غيرناه بكفرأول حق العمل

أخوك أبو عبدالله

الغالي ابو عبدالله
يبدو ان اللغز يتكلم عن حادثه تاريخيه محدده بذاتها
وهذا من اصعب الالغاز
يعني اللي ما ذاكر زين يروح فيها :D
وضح شوي الله يثيبك

أنت تأمر يا أبو صقر ولا يهونون بقية الأخوان
اللغز مقتبس من السيرة النبوية

أخوك أبو عبدالله

ابو عبدالله يبدو ان اللغز صعب ومحد عرفه

عطنا حله وعطنا لغز ثاني يمكن يوفقنا الله بحله

بسم الله الرحمن الرحيم

أشوفكم أبطيتو عن الألغاز ... قلت أبعطيكم لغز خفيف وبسيط يحرك المخ شوي ...

إستلموا

ورعٍ صغير جاب بنتٍ صغيرة *** ياما بها حلت كثير الشكالات

ماله مغالط لو تجي كل ديـرة *** مصدقن قوله بكل الديـــانـات


وننتظر الرمعات

,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,

بسم الله الرحمن الرحيم

مساك او صبحك الله بالخير اخوي ابو شعلان وكل من يقراء هالاسطر

يصلح القارمن والاحداثيه ؟

وتسلم يالغالي

بسم الله الرحمن الرحيم

هلابك يابو صقر الله يصبحك بالنور ... وآسف على التأخير ...

الصراحه رمعتك حلوه بالحيل وتلخبط الواحد ... لكن مالك لوا ماهوب هو الحل ...

,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

بسم الله الرحمن الرحيم



الغالي ابو شعلان

هذا الحل من اخوي ابو خالد
وهو مابعد انضم للمنتدى للحين
بس مسجل مسجل الله لايعوق:D

يقول الاصبع والبصمة

بسم الله الرحمن الرحيم

أبو صقر ... سلملي على أبوخالد ويستاهل حبة خشم على هالجواب الصحيح ... ماشاءالله عليه ...

خلّه يسجل غصبٍ عليه وكانك تبي فزعة جيتك :D ... اللي مثل ذا مايخلى ........

لاهنت يابوصقر ... يالله عاد ننتظر اللغز ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

اي والله يابو صقر لزم عليه خله يساعدنا على ابو عبدالله النداوي

سبقني بها أبو خالد ويعلم الله أنها نفس الرمعة التي عندي ( البصمة )
بالنسبة لحل اللغز الي طرحته هي قافلة أكدة صدق الرسول في حادثة الإسراء والمعراج
(2 ـ الإسراء والمعراج :
شاء الله أن يرفع رسوله إلى سدرة المنتهى ، فوق السماء السابعة ، فلم يعرج به من مكة ، بل أسري به منها ليلاً ، إلى بيت المقدس ، ثم عرج به من بيت المقدس.
وقد كان في إسرائه الدليل للكفار على صدقه ، لأنهم كذبوا الرسول ، ثم امتحنوا صدقه ، فسألوه عن وصف بيت المقدس ، وهم يعلمون أنه لم يره من قبل ، فوصفه حجراً حجراً ، فسألوه عن قافلة لهم في الطريق ، فحدد مكانها ، وعدد رجالها ، ومن أي القبائل هم ، ووصف الإبل ، وذكر وصف الجمل الذي يتقدم القافلة ، وما يحمل ، بل وحدد الزمن الذي تصل فيه القافلة ، فوصلت في الموعد الذي حدده ، فكان في ذلك كله دليلاً على إسرائه ، وكان الإسراء دليلاً على المعراج في السماء ، وذكر القرآن الإسراء ، فقال سبحانه : { سُبْحَانَ الَّذِي أَسْرَى بِعَبْدِهِ لَيْلًا مِنْ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ} (الإسراء: 1) ، وقال سبحانه عن المعراج : { أَفَتُمَارُونَهُ عَلَى مَا يَرَى(12)وَلَقَدْ رَآهُ نَزْلَةً أُخْرَى(13)عِنْدَ سِدْرَةِ الْمُنْتَهَى(14)عِنْدَهَا جَنَّةُ الْمَأْوَى(15)إِذْ يَغْشَى السِّدْرَةَ مَا يَغْشَى(16)مَا زَاغَ الْبَصَرُ وَمَا طَغَى(17)لَقَدْ رَأَى مِنْ آيَاتِ رَبِّهِ الْكُبْرَى}[2] (النجم : 12-18) ، وكانت الجنة والنار من آيات الله التي رآها عليه وعلى آله الصلاة والسلام . إن الإسراء والمعراج خرق للعادة، وقد جعله الله تصديقاً لرسوله .)

أخوكم أبو عبدالله

بسم الله الرحمن الرحيم

على غير العادة ابي ابدا من الاخير
النداوي
حياك الله يابو عبدالله
ماشالله عليك لغزك صعب صراحه
ياله يحله حسن زيدان الله يرحمة:D

ابشر يابو فراس
مع ان ابو عبدالله صعب

هلا ابو شعلان
حبك الرحمن وتم تبليغه بالسلامات

وابشرو باللغز

عاد ماهو في مستوى الغاز ابو شعلان والنداوي

انشدك عن رجال في راس مرقاب...مشرف على الدنيا ومبداه ثابت
رجل له بالضبط خمسة عشر ناب...عشرة يبدلها وخمس ثوابت
ان قال غارة جاتك الخيل وثاب...وان قال سالمناالجيوش استجابت

بالتوفيق

صح لسانك مليون على هذا البني الجميل
أيش رايك في مجلس الأمن
والدول الخمس الدائمة العضوية
الظاهر اني جبتها

أخوك أبو عبدالله

بسم الله الرحمن الرحيم


ابو عبدالله

عيني عليك بارده
ماشاالله عليك
الحل صحيح
بيض الله وجهك

يله عاد عطنا لغز ماهوب تاريخي تكفى :D

بسم الله الرحمن الرحيم

أشوا إني ماشفت اللغز يبو صقر ... لأنه مافيه أمل أرمع حولة ...

لكن أبعطيكم لغز بدال أبو عبدالله ... لكن تراي ماأعرف حلّه ...


وش اللذي من دون هامة ورجلين *** سيف على الحكـام مابه مروفة

معروف يوجـد عند راعي الملايين *** وأيضاً مع اللي متعباته ظروفة

ياعارفة إبد إكتبــة وإنطقــة زيــن *** تبقى المعاني لو عكسنا حروفة


,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,

اخوي ابو شعلان انا مالي بالاللغاز لكن اظن حله القلق

قلق

بسم الله الرحمن الرحيم

الغالي أبو سديم ... الصراحه أنا ماأعرف حلّه ...

لكن عزالله إن إجابتك ... رائعة جداً ... وأتوقع إنها صحيحة 100%

ولكن ننتظر الاخوان ... يمكن أحد منهم يعرف اللغز أو مر عليه من قبل ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,

صح لسانك يابو سديم

صحيح هو القلق

أخوك أبو عبدالله

بسم الله الرحمن الرحيم

ربي يسلمك يابو شعلان على هاللغز

ابوسديم اثرك مانت هين

ياله لاتصيف علينا بلغز حلو مثل حلك

اسمحولي اليوم باول مشاركه بعطيكم هاللغز

والعذر إذا كان مطروح من قبل ترا ما ادري

اللغز سهل جداً والكل يمكن يحله

هو جس نبض والقادم أحلى وأصعب




انشدك عن عذرى رقيقة الحال

لها في كل الامر سريه

عذرى لجيل يعقبه اجيال

بامر من الوالي رب البريه


ودمتم

أيش رايك في كفالة اليتيم

أخوك أبو عبدالله

هلااابكـ أخوي النداوي

ما لكـ لوا أخوي ماهو كفاله اليتيم

طيب يمكن صلة الرحم

بسم الله الرحمن الرحيم

حياك الله أخوي أبو زياد .... وش رايك بالصدقة الجارية ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

ابو زياد يعطيك العافية فكنا من ابو عبدالله واسئلته الصعبة

وقول لك مهب هي هيئة الامر بالمعروف والمنكر

أخي النداوي يقولون أنك ما شاءالله عليك منت بسهل بحل الالغاز
وانا بعد أقول مثلهم واللغز ما شوفه صعب لهالدرجه

وماهو صله الرحم


بوشعلان

هلاااااابك يالغالي وما لك لوا أخوي ماهي الصدقه الجاريه


ابوفراس

ياهلابك عمي العمده منور بحضوركـ

اولا الله يشفي أخونا سريع السريع ويقومه بالسلامه ويعطيه الصحه والعافيه

ثانيه من جوابكـ شكلك اخوي متأثر بقضيه اللي حصلت بالرياض وتبوك
من هيئه الامر بالمعروف والنهي عن المنكر
ومالك لوا يالغالي حاول مرة اخرى وفالك التوفيق ؛


تحيتي لكم

بسم الله الرحمن الرحيم

والله يابو زياد ان لغزك ماله مفتاح

فية احد من الشباب رمع حوله ولا وضح شوي ياخلفهم

وابي احط رمعتي
النية
وماقصرت يابو زياد

هلا وغلا ابو صقر

مالك لوا ماهي النيه

والله الشباب كلهم حول الحل بس يبيلهم شويه تركيز

وانت ابعدت شوي

تحيتي لكـ

بسم الله الرحمن الرحيم

أخوي أبو زياد ... وش رايك بــــ

الوصيّه

عاد ماوراها شي يابعدي ...

,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,

ياهلا والله أخوي

ابو شعلان

وبيض الله وجهك

كفو والله

فعلا هي الوصيه


دمت بخير يالغالي

بسم الله الرحمن الرحيم

هذا اللغز أنا داري إن أول واحد يدخل بيحلّه .


الـفكـر حــار وحـيـّر الـفـكـر ثـنـتين *** إن جيت أوصّف وصفهن مايحلي

متقاسمات الوصف والأسم والزين *** والكـل مـنـهـن في جـمـالـه تـغلي

جابن بنــات وتنجب الـبـنــت بنتين *** ومـنـهـن عــيالن للمناصب تولي


يالله جيبوا حله


,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,

بسم الله الرحمن الرحيم

ابو شعلان وش هاللغز الله يهديك:D

انا قاعد اتحرى اخوي النداوي غدية يفتح لنا باب او يحلة (ولايهونون باقي الربع)

ابرمع وادري انها غلط بس نبي ننشط الموضوع:o
له علاقه بالعملة؟؟


مشكور يابو شعلان

بسم الله الرحمن الرحيم

هلابك يابوصقر وين الناس لي إسبوع كاتب اللغز ... توك تسّير :D ...

على العموم .... الرمعة غير صحيحة :( ...

وشكلك تعرف الحل ورى ماتحلّة وتجيب لغزن زين ...

وإلا تبي ننتظر أبو عبدالله ... يجي ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,

بسم الله الرحمن الرحيم

الغالي ابو شعلان

مساك او صبحك الله بالخير

شف لك حل في هاللغز :D
ياتعطينا وسائل مساعده يا انك تغيره

الشباب مارمعو عليه ابد ولاهوب معقول انهم ماشافوه
بس مستحين يقولون لك:p

سنعنا يالغالي

رمعه على الطاير(الشهادتين)

مشكور

بسم الله الرحمن الرحيم

هذا اللغز أنا داري إن أول واحد يدخل بيحلّه .


الـفكـر حــار وحـيـّر الـفـكـر ثـنـتين *** إن جيت أوصّف وصفهن مايحلي

متقاسمات الوصف والأسم والزين *** والكـل مـنـهـن في جـمـالـه تـغلي

جابن بنــات وتنجب الـبـنــت بنتين *** ومـنـهـن عــيالن للمناصب تولي


يالله جيبوا حله


,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,
مساك الله بالخير
وش رايك بالعينين ولكل عين قزحيه وشبكيه وولد هو صبي العين

ولك تحيتي

بسم الله الرحمن الرحيم

يابوصقر صدقني ماشافة أحد من زمان ...

لكن ماشاءالله على أخونا أبوذيب جاب الحل ... كفو والله يابوذيب فعلاً العيون ...

عاد ننتظر منك اللغز يابوذيب ... أو أي واحد من الاخوان عنده لغز لايبخل علينا ...

,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,

ايه يابو ذيب نبي من هالحلول وجمعهن للطلعات ترا نبيهن لقناة الالغاز بالصمان ان شاء الله

السلام عليكم ايها النشاما

اليكم لغزا في محيط التراث

انشدك عن شيء قصير ومنعـاج===ميت وهو من ساس حي يدوجي
لولاه مابنيـت بيـوت بالافـلاج===ولاحط على الهجن زين الخروجي

أيش رأيك بالقرن الي يستخدم بعمل السدو

أخوك أبو عبدالله

بسم الله الرحمن الرحيم

أبو ذيب ...

وش رايك بالميبر ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

صح لسانك يالنداوي
وهو قرن اغزال اللذي تصف وترص به خيوط السدو عند البدو

والاخ ابو شعلان اذا تقصد ان الميبر الذي اكبر من المخاط فخطأ الا اذا اسم الميبر يعني القرن
فسبقك بها عكاشه


ولكم تحياتي

بسم الله الرحمن الرحيم

السلام عليكم

اعرف النداوي مشغول على بال مايجيب لغز
عندي هاللغز البسيط


له ام وليس له اب

وليس من مخلوقات الله

وليس من صنع البشر

مشكور اخي العزيز على ها الغطو

وانا ارمح قصدي ارمع

القران الكريم
اي الكتاب

والفاتحه هي ام الكتاب

وليس مخلوق وليسمن صنع الانسان حاشاه من كلام الله جل وعلا

ما شاء الله عليك يابو ذيب

تقل انك غبرت على النداوي وابو صقر وابو شعلان

اجل خذ هذي

هي ام بلا زوج

ولها اولاد وبنات بدون حمل ولا ولادة

بسم الله الرحمن الرحيم


جاء البراد وجاء وقت التسامر...في جمعت(ن) يطرب لها كل رحال

اشوف الشباب بردو شوي

انا جاني هاللغز على الجوال وعجبني قلت اوريه الشباب

اللغز يقول

سيف سحبته يافتى في يميني***وليا سحبته تعجبك لمحة اضواه
عده على الخطار والغانميني***تراه صعبه ردة السيف بخباه

يابو صقر

هذا الله يسلمك الشيشة

بسم الله الرحمن الرحيم

ياحبي لك يابوصقر ... عزالله إن هاللغز على ماقالوا ثقيل ...

فكّرت وعجزت ألقى حل ... إلا هالرمعة وهو الفنجال بعد ماتصبّه ... عاد هو صح وإلا لا ...

وننتظر باقي الربع يجون ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,

ياليتك يابو شعلان ما استعجلت نبي تعليق ابو صقر على الشيشة

والله يابوفراس ... أحسب إني أول واحد يرد عليه ... ويوم إن أضفت الرد لقيتك راد قبلي :o ...

مره ثانيه تنحنح قبل :D

ننتظر رد أبوصقر على الشيشه ....................... ;)

أنشدك عن شي يشوش ولا يهوش = شي ن مع الشيبان ماشفته بشوش
شي ولا هو شي ماله بالعروش = يشوش بالمشمش و يقطن بالعشوش
دايم مع النكبات حاضر ومخروش = ومصاحب الحنشان وأصحاب الطروش
مع الحونشي بالحناشه مايدوش =مثل الشمطري سم في صدر البشوش

بسم الله الرحمن الرحيم

اسف على التأخير


العمده الغالي ابو فراس
مالك لوا يالغلي
مع الاسف حاول مره اخرى
:D :D :D

ابو شعلان
رمعتك جيده (بالقده)
بس شكلك تبي تجيبه لو تحاول مره ثانيه

مساك الله بالخير يابو عبدالله
ومشكور على الهديه

ابو صقر نبي نفرفش معك شوي من اول بس يبدو ان الدوام متعبك

اجل ترا الجواب هو حليب الناقة

بسم الله الرحمن الرحيم


السموحه يابو فراس
ترا اخيك طاير بالعجه هاليومين وانت ابخص

بس ماشاءالله عليك يابو فراس (كبييييير)
الاجابه صحيحه:eek: :eek: :eek:
خلنا نحاول بلغز اخوي وبل كود الله يجيب له حل رغم اني قريته كم مره وشوش راسي :D

بسم الله الرحمن الرحيم

هذا لغيز بسيط شكل اول واحد بيقراه بيحله

يقول

انشدك عن عذرى ضعيفٍ جسدها==محشومة بين الرجال المناعير
ترد سلفــان كثيـــر عددهــا==تردهــم اذا نوو للمحــادير

انا عرفت الاجابة ولكن ما راح اجاوب ولكن ابقرب الاجابة للربع واسهل عليهم

هي له علاقة بالقهوة

بسم الله الرحمن الرحيم

والله يابو فراس انك مانت هين
شكلك تذاكر من ورانا:mad:

قل الحل خل اعطيك لغز يااالللله تجيب مدرس خصوصي:D

يابو صقر عط الحر فرصة

عط الاعضاء فرصة

تراهم يعرفون ان ليفة الدلة بس مستحين

بسم الله الرحمن الرحيم

والله يابو فراس انك ما شاءالله عليك

استلم انت وباقي الاخوه

ياويش بنت وامها حاضنتها==والريح تلعب في جديلة وتلهى
حملت وولادتها مع رقبتها==وانا اشهد ان فحلها ماغشمهى

بالتوفيق

أبو صقر مسيت بالخير طال عمرك

أنا على بالي الدلة

بسم الله الرحمن الرحيم

هلا وغلا ابو راكان
ومساك الله بالرضا
الاجابه غير صحيحه مع الاسف
حاول مره اخرى
انا قايل حتى المدرس الخصوصي مايجيب نتيجه:eek:

مهيب الفشقة والبندق؟

يبو صقر عطنا الغاز للرحلات مهب تجيب لنا الغاز عن النخل وعراجينهن

بسم الله الرحمن الرحيم

مالك لوا يابو راكان


ههههههههههههههههههههههههههههه
هههههههههههههههههههه
ههههههههههه

والله يابو فراس انك
مافيك حيله
الاجابه النخله والام الارض
نفتح المجال شوي اذا فيه احد عنده لغز يتفضل
لمدة يومين لو ماجاء لغز ابي اعطيكم واحد جديد
ابي اسويه انا يابو فراس وبيكون لغز تحدي:D
وعساكم على القوه

ما يصير تحدي يابو صقر وناشف لازم فيه حق ونشارك معكم به

انا اللي ابي اقول اللغز هالمرة يابو صقر

انشدك عن رجلٍ يدخل بيوت الناس *** ودخول بيتـه حاجـة مستحيلـه

راع الامانه صيفته بين الاجنـاس *** وليا حصله ظـرف يوجـد بديلـه

ابو فراس اسمح لي ابتلقف لو اني من جنبها

اعتقد ان حل اللغز هو

التلفزيون أو أي جهاز شبيه

أبو فراس


رمعتي وعسى ماني ببعيد عنه

جهاز الجوال



بارق أمل

أعتقد حل اللغز هو المفتاح


أتمنى إن إجابتي صحيحة

أبوسليمان

مريقب العيفار
بارق امل
ابو سليمان

ما لكم لوا

حاولوا مرة ثانية

وين ابو صقر ناخذ منه حق

وراك يابو صقر ما حليت لغز ابو فراس

خلاص تعال يابو صقر ما نبي حقوق وخلنا حبايب بس لا تقطع بنا نبي الغازك

بسم الله الرحمن الرحيم

ههههههههههههههههههههههه

ماينسلم منك ياخوي الانيق:D
قلت ابي ابعد شوي غديك تنسى:D

ابشر والله بسعدك
لي محاولات بسيطه في الالغاز وكلها تنحل من اول رمعه:D
بس اصبر علي شوي ابي احاول ازبط لي واحد عشان ماينحل من اول يوم:D
ويكون تحدي ((الله يستر))

بالنسبه للغز ابو فراس ماقدرت ولا ارمع عليه
بس كلمت ابو فراس في موضوع وقالي الحل الله يجزاه خير
مادري اللغز لو زود بيت بعد كان احسن
والله اعلم

ما دام انكم ما عرفتوه اجل ابي احله لكم

الحل هو الحليب من الضرع والبديل هو الحليب الناشف

من يبي يعطينا لغز من الدور عليه يابو صقر

ما دام ما اعطاكم احد لغز تبوننا نعطيكم لغز بشرط ان ابو فراس ما يحاول يحله !!!!

اسمح لي هالمرة يالانيق

أنشدك عن رجلٍ تزوّج برجّال *** وأنجب من الرجال عدّة بناتي
وحضروا زواجه ناسٍ ألوان وأشكال *** الحي واللي ماضي الوقت ماتي

أنا على ما أذكر إن الحل
هو الرسيفر والتلفزيون..

إن شاء الله إجابتي صحيحة

ابو سليمان رمعتك صحيحة ما شاء الله عليك
وعقاب لك لازم تعطينا لغز بداله

تسلم يا ابوفراس
ولنا الفخر اللي نشارككم بالألغاز


اللغز يقول:


ويش بنتين على روسهن عدة عيال = هن خوات وكل وحدة تشيل عيالها
وحدة يوصف بها الطيبين من الرجال = واختها ما هوب فال النشامى فالها


أتمنى أن اللغز غير مكرر ....



أخوكمـ
ابوسليمان

ما جاوب احد نبي نصبر يابو سليمان الى بكرا كود الربع يجون من رحلاتهم وسفرياتهم ويعطوننا الجواب الشافي

على خير

إن شاء الله أحد من الشباب يبي يجيب الحل

بسم الله الرحمن الرحيم

الله بالخير اخوي ابو سليمان
دام ماحد رمع ابجرب حضي

المناره

الله بالنور يا ابو صقر

والله ودي إن إجابتك صح
بس مالك لوا...حاول مره ثانيه إن شاء الله تصيب

يابو سليمان اعتقد ان الجواب هو الايدين ايمنى واليسرى

اتمنى ان يكون صحيح

ابوفراس رمعتك صحيحة ماشاء الله عليك

والدور دورك...ننتظر لغزك...


ابوسليمان

انا ابعطيكم لغز هالمرة ويبي يسمح لي العمدة ابوفراس ان شاء الله

انشدك عن رجل دايم الدوم موجود *** عجزوا عنه النشاما ولا ياكله الدود

وين حلالين الالغاز انا مشروط على اني ما احله

وتقل عندي انكم لا زم تقابلون هالرجال

أخي الانيق يمكن يكون الحل....ملك الموت..

أتمنى إن إجابتي صحيحة..



ابوسليمان

العمدةابو فراس ما كان شرط كان سلام حنا شرطنا عليك

اخوي ابو سليمان تراك حول الاجابة الصحيحة حاول مرة ثانية

اسمحلي احاول اجاوب واتشرف في مشاركتكم الألغاز ...
يمكن يكون ،،، أبليس ،،، عليه لعنة الله والملائكه والناس اجمعين

أخوك : موسمي

ملاحظه : الأنبياء والشهداء حرم الله على الأرض أن تأكل أجسادهم ولاتقرب الأرض بما فيها من الدود والدواب وغيره فسبحان الله يبعثون على ماماتوا عليه وكأنهم نائمون ...

الغالي موسمي

ما لك لوا وتراك ابعدت شوي بعد ما قربها ابو سليمان

المـــــــــوت

اخوي عمار السفينة ما لك لوا وسبقك ابو سليمان ولكن للاسف الجواب غير صحيح

ابقرب لكم شوي ترا فيه خير وفيه شر

يصلح النوم ؟؟؟

اخوي ابو صقر ما لك لوا

حاول مرة ثانية

او استعن بصديق

بسم الله الرحمن الرحيم

والله يالأنيق أنت ماقصرت لكن المخيخ ماش :

لكن ماهوب المرض

,,,,,,,,,,,,, تحياتي ,,,,,,,,,,,,,,

اخوي ابو شعلان ترا المرض مهب يجي لكل الناس

الرجال هذا انا اعرفه زين لو سمح لنا اخونا الانيق

وابقرب لكم انا شوي بعد للانسان والحيوان بعد

يعني لازم تقابله يوميا

اسمح لي يالانيق

القضاء والقدر

؟؟؟؟؟؟

ما شاء الله عليك يا عمار السفينة

جوابك صحيح والدور دورك تعطينا لغز

انشدك عن واحدا ذباح

عند العرب دايم غالي

يذبح خويه من دون السلاح

وفي النفس فنه ما زالي

ابو فراس مر من هنا وراح ينام

تصبحون على خير

مساكم الله بالخير
هذي تنطبق على العيون الكحيله.

ابو فراس

بالعافيه يالغالي

صباح الخير

مهراس

مالك لوى

أخوي عمار السفينه

وضح الشطر الأخير

,,,,,,,,,,,,,,,,,,,, تحياتي ,,,,,,,,,,,,,,,,,,،،

وضح الشطر الأخير


يعني أنه لا يزال موجود

هاه وينكم ياحلالين الالغاز

تراه سهل ياناس

اقول ياجماعة او اسكت

ما علي ابروح انام ولين عرفتوه صحون من النوم

بسم الله الرحمن الرحيم

ملاحظة مهمه لأي شخص يرغب بوضع اي لغز في هالموضوع
الرجاء
انك تتعب نفسك شوي قبل ماتحط اللغز وتمر القوقل وتحط لغزك اذا لقيته دور لنا واحد ثاني
عشان تعم الفائده
وتراني ما اتهم احد انه يبحث في القوقل ويجيب الحلووووول ابد:1aa:

ومشكورين

هههههههههههههههههههههههه


ياابوفراس هذا ماصار تلميح

خلاص قالها ابوفراس

النوم

ويله عطونا اللغز اللي بعده

ابوصقر

خخخخخخخخ

آخر مره احط لغز ان شاء الله ههههههه

انا ابعطيكم لغز ثاني و ابو صقر جبها لنا بجميع محركات البحث

اللغز هو

انشدك عن غريبة من كبار الغرايب*** افهم يافهيم وجاوب كل مطلوب
حنونة اذا قابلتكم شداة الصعايب *** والويل اذا صارت لكم مكتوب

الجواب مهو في قوقل وياهو *** جوابك هو في كتاب الله مكتوب
هو النار جعلكم من الذين فازوا *** وكلامك يابو صقر تراه محسوب

كفووو ولله ياالعمده

ولا عزاء لبو صقر

هههههههههه
.............................

اللي بعدووووه

ههههههههههههههههههه

لاتعليق

اخونا الانيق ما رد علينا هل الاجابة صحيحة من اجل ان ناخذ الحق من ابو صقر او ندور جواب ثاني

ياجماعة هذا اللي يخلين اقول لا يحل اللغز ابو فراس

جوابك يالعمدة صحيح

وهالحين من عنده لغز جديد؟

بسم الله الرحمن الرحيم

الله يعطيك العافيه يالانيق لغز مليان

ابو فراس
كفو يالعمده هذا خبري بك

وبعدين وشو حقه عظم الله اجرك


انا كنت اشيك على بعض الالغاز واحصل اجاباتهن بمواقع كثيره
(وممكن اي واحد من اللي يقرؤن هالاسطر يجرب)
والملاحظة اللي قلته لطارح اللغز ماهوب اللي يحل عشان مايضيق صدره وينحل من اول مشاركه
بس انا بديت اشك ان الموضوع فيه إنا:p

عمار السفينه
ياحبيلك;)

وتقبلو فائق احترامي وتقديري

ايه يابو صقر قل ما عندي الغاز او ارفع راية الاستسلام

نعطيك فرصة جديدة

انت عطنا لغز ما مر على قوقل وياهو

شفت يابو صقر طردت الاعضاء هالحين

انجز عطنا لغز من الغاز هاك الكشتة مع ابو ناصر يوم اني نايم

هاه يابو صقر عندك لغز والا نعطيكم حنا

وهذا لغز ياحلالين الالغاز

شاب راسي من قبل لحيتـي .... سنة الله بالحرم بس موجودة
ياعود زاد عمره عن حسبتـي .... والبياض اصبح سواد بهمومه

ودورناه بقوقل ما لقيناه

توكل على الله ياخلفهم
اللي عندي كلهن بايتات

:) تراي ماشفت انك كتبت اللغز (ماعليش)

مايكون الحجر الاسود أخوي الانيق :)

وانا نفس جواب اخوي الوسمي

اخوي الوسمي ما شاء الله عليك رمعتك صحيحة وسبقت ابو فراس هالمرة

يالله عليك تعطينا لغز

الغالي موسمي لاتكون نسيتنا ترى ننتظر لغزك

مع اني داري ان فيه اشخاص معينين هم اللي يبي يحلونه لكن !!!!!

ماشاء الله

وين اهل الالغاز وينهم

انشدك عن شيخة في كل الاحوال *** ولها في كل حال قدر ومشورة

تغيرك من حال الى حال *** هي شيخة وهي بنت وقورة

السلام عليكم .. يالأنيق ..


أبارمع رمعة .. على عماها مثل ما يقولون ..



تجي (الإشارة) .. تغيرك من حال إلى حال ؟
.
.
.

ابرمع مع الربع

مثل ما قال عاشق النداوي هي اشارة المرور او الوصية

صح لسانك ياعاشق النداوي

صحيح هي الاشارة

مرة ثانية يابو فراس سبقوك الربع

الغريب وين ابو صقر

يالله ياعاشق النداوي عطنا لغزك

يبدو ان الربع من عشاق حل الالغاز وليس صنعهن

وين ابو صقر يعطينا لغز ولو سريع

يبدو ان الربع من عشاق حل الالغاز وليس صنعهن

وين ابو صقر يعطينا لغز ولو سريع

وينك يابو صقر عطنا من الالغاز ولو من قوقل

أبشروا يالربع .. هاكم اللغز .. والمعذرة على التأخر


(شغل مخك .. وليس قوقل .. الله يرحملي والديك)




يا ويش شيخ كل همه ركوع وسجود


جسمه نحيل ودمع عينه جاري



ملازم الخمس والناس في هذا شهود


يعمل طوال العمر في خدمة الباري



في انتظار الأجوبة .. من الذيابة




.
.

صح السانك على اللغز وش رايك فى قلم الرصاص مشكور

صحيــــــــــــــــح .. أخوي جلمود ..


الإجابة .. القلم .. صح لسانك .. وما قصرت ..


يالله .. لغزك يالغلا .. نحتريه

اخوي عاشق النداوي

كما قال اخونا جلمود الجبيري هو القلم ولكن ليس الرصاص بل الحبر لان دمعه عينه جاري

صحيح كلام اخوي ابو فراس

لغز بسيط
وشو الشي الي يبدا بحرف القاف وينتهي بحرف الميم
وهو يمسك بالايد

لا هنت يابو فراس .. ويا قاهر الصمان ..



جواب لغزك يا قاهر الصمان .. أتوقع انه .. براية ... :(


أو القلم .. ولا ..

..
.

>لغزخفافى <

ياويش بنتٍ قوية باس --- بنتٍ عن الناس مكميه
بلزرب ون بانت يبين الراس-- والا على الراس طاقيه
اللغز خفيف همتكم الله يعطيكم العافيه ويمكن تلقونه منا ولامنا

لا هنت يابو فراس .. ويا قاهر الصمان ..



جواب لغزك يا قاهر الصمان .. أتوقع انه .. براية ... :(


أو القلم .. ولا ..

..
.



اجابتك صحيحه وهي قلم

اخوى قاهر الصمان اعتذر عن مداخلتى مشكور

وينكم ياخوان كانكم مالكم رغبه فى لغزى اطرحو غيره وخلونا نحل معكم

حل اللغز هو ابرة البلف يالى بعدوه يالله لاتعطلوننا

يالله اللي بعده