الاخوه الغالين
السلام عليكم

اخواني في الله

الكثير منا او البعض يعانون من الاشياء اللي عليها خوفه من التلف والخراب خاصة في عملية وضعها في السيارة لأن مثل هالاشياء ماتنشرى الا اخر شي في الرحله .
وقد يحدث ان يركب معك واحد زود في السياره وانت ماخذت بالك أو ناسي ثم يجي ها لمودماني ويرزح بعمره علي المرقد او الفرش.
وبعد فتره من السواقه في البر تذكر ان الرجيلي قاعد فوق الطماط او طبق البيض!!! والاك مثل لي واطي جمره وهو حافي من الروعه ... ثم والا هاك الفرامل لي مخليتن الرجيلي قدام بعد ما كان فوق المرقد او العفش.!!!
وجع وش فيك علي هالفرامل؟
وانت ماتشوف الطماط تحتك فغصته ؟
يرد الحبيب وانا وش دراني عن طماطمكم انه تحتي ورا ماعلمتني قبل؟؟
ثم خذ هوشه وصياح
والا يكون البيض ملفوف في احد الفرا ويجي وحيد - مشاء الله عليه - سنه برميل غاز 25 رطل مكبوس ويجلس علي الفروه وانت ماتدري او مع الدوشه نسيت.!!!
وبعد فتره تذكرت ان البيض ان سان فيه بيض في الفروه اللي تحت البرميل
ثم تلتفت يم الحبيب وتقوله ....... اخيي الفروه تحتك؟
يرد ايه !!
تراء فيها البيض الله يغفر لنا ولك
ويرد وسيع الصدر وانت خايف لايها تفقس تحتي ؟!!
انت من جد تحسي وهو من سعه يرد
المشكله انه وش الحل لمثل هالاشياء لي بسرعه تتلف
احد منكم له طريقه معينه يحفظ بها الطماط ويالبيض والفواكه وغيرها اللي نشريها بالكراتين واذا وصلت البر الصالح النصف اما جلس عليها احد او كلها منعدمه اذا حصل سواق جرفلي وخط كلة بطانيج وبرميل 25 وسيع صدر
اخوكم
خشم الحصان

من الافكار اللي قد شفتها مع احد اخوان هو دولاب كله ادراج ممكن تستخدمه لمثل هذه الاغراض وهو عبارة عن البلاستيك

الأخ الغالي خشم الحصان
كلام يحتاج للنقاش
انا اضعها في اعلى العفش
والأفضل هو اقترح الأخ الغالي ايكوم

أبو جراح ... البيض مامثله إذا دبلت عليه الطبق ... يعني طبق من فوق وطبق من تحت ...

وطقّه بشطرطون ( تيب ) وحطه فوق العفش وماعليه خوف لو طاح ...

أما الطماط مامثل علب التمر له .. وحده بوحده ...

وننتظر آراء الأخوه لعلهم يفيدوننا بطريقه أفضل


,,,,,,,,,,,,,,,,,,,, تحياتي ,,,,,,,,,,,,,,,,,,,,,

السلام عليكم ورحمة الله وبركاته

ابو جراح انت الحين المعلم تبينا نعلمك :) الله لايخلينا

الطماط خذ المعلب

البيض بيض الله وجهك فقسهن كلهن ببلاستك حق التمر والحمد لله :)
امزح معك فيه علب بلاستك خاصه للبيض وقويه وفيه طريقه نستخدمها احيانن انك تحطهن بمحفر ومن تحتهن خرقه ومن فوقهن قطعه فلين مقصمصه على حد المحفر


ابنك راعي كيف
ابو ناصر

هلا وغلا ابو محمد

بالنسبة لللاغراض المذكوره .. دايما حطها عند رجلين المعاوني

لان اللي بيراقبها اثنين مهوب واحد .. السواق والنفيقيتر

لك كل الود

المودماني والرجيلي
كلمات رصعت وجملت هذا المقال
هل حدث لك هذا منذ قريب؟
فالف شكر لك اخوي خشم الحصان

بسم الله الرحمن الرحيم

الرجيلي كنيه لمز ----- ولكن في هالمقال حلوه لان اللي ينسى مكان اغراضه يستاهل ماجاه

خذ لك براده ام ثلج وحط فيها اللي تبى ولاتخاف

الغالي
عندما يكون الطرح في علب الشوكلاته
كما هي حروفك تجد قلوب واذان صاغيه
هنا في هذا المتصفح موضوع قيم
ويحتاج الى عرض التجارب
بارك الله فيك يالامير وعساك على القوة



اخوك

ياليت كل واحد يحط تجربته
وبالنسبة لي ادبل الطبق واربطه بحبل خفيف واحطه فوق العفش
ولله الحمد كل طلعاتي ما فقدت ولا وحدة

البيض احسن شى له علية بلاستيك واذا كان تحط معه شى يمنع حركة البيض داخل البلا ستيك، واما الطماط فأحسن مكان له ترمس صغير يوضع به كافةالخضار مع ثلج، وتجارب الأخوان ماشاء الله كلاً حسب ظروف رحلته، تسلم على هذا الموضوع المفيد يابو محمد يالمودماني ( كلمه كنت اسمعها من جدي) يعني ياآدمي أو مثل مايقول البعض يابني آدم.

والله مافيها مشكلة وحلها تتذكر ان فية اغراضه هههههههههههههه ومشكور

الاخوه الغالين
السلام عليكم

اخواني في الله

الكثير منا او البعض يعانون من الاشياء اللي عليها خوفه من التلف والخراب خاصة في عملية وضعها في السيارة لأن مثل هالاشياء ماتنشرى الا اخر شي في الرحله .
وقد يحدث ان يركب معك واحد زود في السياره وانت ماخذت بالك أو ناسي ثم يجي ها لمودماني ويرزح بعمره علي المرقد او الفرش.
وبعد فتره من السواقه في البر تذكر ان الرجيلي قاعد فوق الطماط او طبق البيض!!! والاك مثل لي واطي جمره وهو حافي من الروعه ... ثم والا هاك الفرامل لي مخليتن الرجيلي قدام بعد ما كان فوق المرقد او العفش.!!!
وجع وش فيك علي هالفرامل؟
وانت ماتشوف الطماط تحتك فغصته ؟
يرد الحبيب وانا وش دراني عن طماطمكم انه تحتي ورا ماعلمتني قبل؟؟
ثم خذ هوشه وصياح
والا يكون البيض ملفوف في احد الفرا ويجي وحيد - مشاء الله عليه - سنه برميل غاز 25 رطل مكبوس ويجلس علي الفروه وانت ماتدري او مع الدوشه نسيت.!!!
وبعد فتره تذكرت ان البيض ان سان فيه بيض في الفروه اللي تحت البرميل
ثم تلتفت يم الحبيب وتقوله ....... اخيي الفروه تحتك؟
يرد ايه !!
تراء فيها البيض الله يغفر لنا ولك
ويرد وسيع الصدر وانت خايف لايها تفقس تحتي ؟!!
انت من جد تحسي وهو من سعه يرد
المشكله انه وش الحل لمثل هالاشياء لي بسرعه تتلف
احد منكم له طريقه معينه يحفظ بها الطماط ويالبيض والفواكه وغيرها اللي نشريها بالكراتين واذا وصلت البر الصالح النصف اما جلس عليها احد او كلها منعدمه اذا حصل سواق جرفلي وخط كلة بطانيج وبرميل 25 وسيع صدر
اخوكم
خشم الحصان


اعرب ما تحته خط ؟

العم ابو جراح
رفقا بالشباب ،
ارجو التكرم بان تشرح لنا تلك الكلمات التي يصعب علينا معرفتها.

الغالي ابو جراح.. هلا وغلا
:)
وسرد جميل للموقف الممكن حدوثه ، لكن حقيقة ومن فترة طويلة صرت ما استغني عن الـ Cool Box اضع فيه كل الارزاق والمقاضي وهذه صورة مشابه لكن الموجود عندي أكبر من كذا وقبل عمليـة الحفظ أفرغ كيس ثلج صغير للتبريد بالداخل ثم عملية الترتيب.. ولله الحمد ما واجهت مشاكل مع هذه الطريقة أبداً بالعكس ساعدتني على الترتيب الجيد والحفظ الجيد كذلك..

http://www.outdoorgear.co.uk/pix/big/536005.jpg
أخوك.. أبو فهد

وشوله تاخذ بيض اصلا

ما يصلح الفطور الا ببيض

align=center]
السلام عليكم ورحمة الله وبركاته
ابو جراح فيه طريقه يسوونها بدو الرمله والطريقه هذي سوف تحفظ البيض
بإذن الله.
بدو الرمله يحطون فناجيل القهوه بسطل ويملونه رمل ويصبون عليه ماء
ويتماسك الرمل والفناجيل بوسطه واكبر مطب ولايظر الفناجيل شي.
حط البيض وسط سطل وكب عليه رمل ناعم وشوي ماء حتى يتماسك الرمل
وحطه بالصندوق واضرب بطناج والسواف جرفلي وبرميل 25رطل والله الواقي.
لاهنت
[/align]