بسم الله الرحمن الرحيم

هذي بعض الصور لرحلتنا الى منطقة جنوب غرب الرياض اسمها العليا
المنطقة وعرة وكثيرة الغيران وممتعة وقضينا فيها خميس وجمعة من احلى الايام

هذي بعض صور الرحلة ، واتمنى ان تعجبكم

غار من عرض غيران كبيرة وفيها ذرى ممتاز ونظيفة (( لاتفوتكم الشمغ ، طيور بر وانواع الادعاء)):D
http://www.alrahalat.com/vb/uploaded/87_1177925551.jpg

هالشعيب عجزنا ننزل له قلنا نصوره ونمشي
http://www.alrahalat.com/vb/uploaded/87_1177925582.jpg
غذير حلو توقيت الرحلة كان اخر الشتاء
http://www.alrahalat.com/vb/uploaded/87_1177925608.jpg

http://www.alrahalat.com/vb/uploaded/87_1177925641.jpg

هذا الشاص وراعيه (( قولوا ماشاء الله))
http://www.alrahalat.com/vb/uploaded/87_1177925668.jpg

السلام عليكم ..

والله مشاء الله حطب وشغل .. رحله رائعه ..

مشكور اخوي راعي الشاص على التقرير ..

تشكر أخي الكريم
على هذا التقرير السريع

اخوي الرحال حياك الله والف شكرك تواجدك
اخوي الليل الف شكر على تواجدك ودمت بود.

مشكور اخي راعي الشاص على هذه المشاركة الجميلة .

وياليت تعطينا بعض المعلوما الاضافية عن هذه المنطقة وماهو مكمن الوعورة فيها؟

باركالله فيك.

تسلم يمينك يارعي الشاص على هذا التقرير والصور
وزي ما قال زميلنا صقر ياليت معلومات اكثر عن هذه المنطقة وعن كيفية الوصول إليها

اخوي راعي الشاص

كشتة حلوة وقضيتوا خميس وجمعة رائعين

ولكن قلي وين الحطب اللي بالعنوان ما اشوف شي

بس هالصورة تصيحن

http://www.alrahalat.com/vb/uploaded/87_1177925608.jpg

ماشاء الله أخوي راعي الشاص ,,, حقيقة كشته جميلة في مكان جميل
ألف شكر على تقرير رحلتكم

تحياتي

مشاء الله تبارك الله
شي جميل
حتى الغار فيه رفوف للمطبخ والله شي
تقرير جميل

اخوك

بسم الله الرحمن الرحيم

أخوي راعي الشاص ... خل عننا الغيران ... وعطنا علوم الأرانب ... هههههههه .....( فضيحة.. صح )

الصراحه عليا حلوه بالحيل ... بس تقطع قلبك الردمية ماوصلت ...

((( ماشاءالله على الشاص وراعية )))

لاهنت يالغالي ... وبيض الله وجهك ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

صباح الخير ياوجة الخير

رحلة مميزة لكن وين المكان بالضبط

ووش ردك على هالصورة

http://www.alrahalat.com/vb/uploaded/209_1177998242.jpg

رحلة موفقة
وماشاء الله على الشاص

هذه المواضيع ولا بلاش ياراعي الشاص بس ما عليش التقرير ناقص عاد لا تزعل تحياتنا ,,,,,,,,,,

تسلم على هذة الصور الرائعه

للمعلومية هالمنطقة هذي صعبة ومالها الا طريقين واحد من عند الحوطة والثاني من عند الرياض بس انها وعر بما تعنيه الكلمة
اخوي صقر حياك الله ولاهنت على ردك وطلبك مجاب.
الجارمن تسلم روحك اخوي والف شكر على التشجيع.
ابو فراس حياك الله ياعمدت المنتدى ، والحطب متوفر وما يحتاج تشري حطب من البقالات (سمر طبيعي ويابس)

ابو اشرف حياك الله اخوي وألف شكر لك.

راعي الذوق : حياك الله والف شكر على المداخلة الحلوة والملاحظة الدقيقة.
ابو شعلان المنطقة مليئة بالارانب والوبران ولانها وعرة تجدها بكثرة هناك.
راعي اللاند هالصورة انا علقت عليها وارجع للمشاركة الاولى الله يحييك.
عاشق المطر: الف شكر لك اخوي

الصياح2 : التقرير ناقص ، ياليت تقول لي كيف يكون التقرير كامل؟

فكتر تسلم اخوي على المداخلة.

السلام عليكم ورحمة الله وبركاته
أخوي راعي الشاص الله يجزاك خير
مشكور يا الغالي لا هنت يا الطيب
وننتظر جديدك يا الغالي

أخوك أبو عبدالله

النداوي الف شكر لك على ردك
ولاهنت

صور جميلة جداً ، وجبال طويق مليئة بمثل هذه الأماكن ، لكن صعوبة الوصول لبعضها يعوق اكتشافها من قبل كثيرين..

شكرًا لك أخي راعي الشاص ..

ماشاء الله عليك
اخوي راع الشاص
رحله ممتعه واذا كان فيه ارانب اوبران
ترى الارض تستاهل العنوه يابعدي ولو كانت وعره

السلام عليكم ورحمة الله وبركاته

ماشالله تبارك الله
رحله ولا اروع ومكان جميل جداً وام اذان موجوده وش خليت ووعر بعد ازين وزاين ليقل الناس بالمكان

تسلم مليون على الموضوع والصور الجميله

وانا اتفهم عدم تحديد المكان بالضبط حفاظا عليه من التخريب والصيد الجائر وسلملي على الهدار ؟؟

والسلام

أبو سمر: صدقت والله ، فالكثير من مناطق طويق مجهولة لوعورتها
شكراً لك اخوي على المداخلة.
سعود: الصيد وااجد بس يبغى له استعداد خاص.
المترو : يامال العافية اخوي المترو على هالرد ، حيث ان كلامك صح.

اخوي راعي الشاص

رحلة رائعة ومكان رائع ... رحلته قبل كم سنة ومريت على 4 او 5 غيران وكان افضلهن غار قبل غار تركي بن عبدالله والي زاره الملك فهد رحمه الله سابقا..

المنطقة وعره جدا كما ذكرت ولايردها وارد وقلما ترى فيها احد واهل الحريق والحوطه يعون خطورة الصيد فيها خاصة بالليل ... انا وربعي بغينا نطيح من احد الصوح واذكر الجمس حقي انفجر فيه كفرين واضطريت اني ارجعه لمزرعة دليلنا بالمنطقة ونتجمع بموتر واحد...

ذكرتنا عهد مضى الله يذكرك الشهادة

الرحله روعه

بس احس ان عندك كم صوره باقيه ( مغبيه ) للحبايب

أخوي عاشق الريم الف شكر لك
انشهد انها وعرة والدليل ان اللي يقنصونه عددهم قليل
لكنها ارض حلوة واللي يحلها انك ما تخلا من الصيد والوناسة وزين الجو

اخوي راعي سامودة وش رايك نروح لذيك الاراضي ونجرب البيكال على الطبيعة وتشوف ضربها بالجيلان

لاهنتوا

اقول لاتعلمهم عن مكانها همن يضيع نصهم هناك ويدعوون عليك اهلهم

بعدين تراهم بيخلصون ارانبنا ياخوي عندك ناس تهايط بالصيد مايصيدون عشان ياكلون لا كله عشان يقول صيدنا امس صيدنا الخميس 1000000 ارنب دخله ضب ،،،،،،،،،،،الخ

لا تعلمهم لا تعلمهم
خلاص اللي يعرف يروح واللي مايعرف يروح للي يعرف وبس

عشان بعض الناس الله يهديه اذا صاد قميريه صجنا صدنا وصدنا في مكان قريب مانيب معلمكم بس ترى المحل قريب


واللي يبي ارانب يمر غاتر تحسين في سوق الحمام بالرياض الأرنب تركب فوقه ويوصلك للبيت من كبره

:
:
ماشاء الله
بارك الله فيك أخي الكريم
راعي الشاص
ولو تعطينا بعض المعلومات عن المنطقة
أحلى وأغلى تحية أخوك أبومحمد
:
:
:)

رحلة جميلة وصور رائعة

الله يعطيك العافية ويخلي لك الشاص ويديم عشرتكم


تحياتي وتقديري .

يامال العافيه

كفو والله ياراعي الشاص
ويا جعل ما صدتوه واكلتوه هني وعافيه ,,,
تحياتي

http://www.alrahalat.com/vb/uploaded/209_1177998242.jpg



راعي الشاص ابي اسالك وشو اللي انت ماسك بيدك:D

هماام

بواردي الدلم : اشكرك اخوي على هذا الرد وبالحقيقة انك صادق في كل كلمة قلتها فلم نعد نرى الأرنب في الآونة الأخيرة إلا في أماكن قليلة.
لاهنت اخوي

A.K.H: أيضاً أشكرك اخوي المنطقة وعرة وليس لها طرق معروفة بل طرق لا يعرفها الا أهلها وتقبع وسط جبال طويق جنوب غرب الرياض.

محمد الشاوي ألف شكر لك اخوي محمد على الدعاء والشاص ابشرك استبدلناه بجديد ( راعي شاص من جد).:D ....

monsixnet : اشكرك اخوي ويعطيك العافية على زيارتك للموضوع.

غدير الموت : أشكرك اخوي وجزيت خير على الدعاء.

هماام هلا براعي حايل علشان تعرف شف وقفت الشاص وش لون مثولثة وانت تعرف انها بعد عملية مطاردة بهالوعرة ههه وبعدين إغفل يامومن